طموحك....هل ما زال ام تغير................ز

[رنــــا]

ليا باك ياعبادي

بعد سنة بإذن الله اقول لك اذا مثل ماهو ام تغير

[مايلي]

موضوعك جاء على الجرح عمري ماتخيلت اني مااكون دكتورة دائما في احلامي وطموحاتي كنت راح اسوي المستحيل
عشان ادخل الطب وفي المتوسط راح عني الحلم مع اني كنت احبه كلهم قالولي انتي ماتمشي في الطب
لانه مستواكي مومرة ممتاز هذه الكلمة قلبت كياني بس مااستسلمت اتحديتهم في الثانوية وطلعت الاولى على مدرستي والكل اتفاجأ الين ماقدمت في مكة وكنت فرحانة وادربت على المقابلة وفي النهاية يوم رحت قالولي قفل الطب وجيت جامعة الملك عبد العزيز على امل اني احقق حلمي واسير دكتورة بأذن الله
معليش طولت عليكم تنفع مسلسل في رمضان صح

[سحر الوجدان]

انا عن نفسي من وانا صغيرة كنت اقول ابغا سير دكتورة ما ادري ليش ؟؟
وقبلوا كنت ابغا اصير مضيفة طيراااااان زي بابا <<<< طموحي عالى ههههههه
وجاتنى فترة قلت ابغا اصير مدرسة مدرسة ايش؟؟ الى يكون المهم مدرسة لأن المجتمع المدرسي يعجبني مرررة والمعلمات الى عدوا عليا كان لهم اثر كبير وبعد كدة قلت اصير مدرسة فنى لانو هوايتى
وكل ما قلت لأحد قالولى بعد الكرف الى كرفتية والضغط الرهيب حق العلمي والحرمان وغيرو تصيري مدرسة وفنى كمان ولا على قد التعب كان دخلتي ادبي<<<< قمة التحطيــــــــــــــم
وقبل اختبارات الثانوية كنت اتابع مسلسل يابانى يتكلم عن مرض في الأعصاب وكانت القصة حقيقية واثرت فية
فقلت ابغا اصير ان شاء الله دكتورة اعصاااااب
ومنا للسنة الجاية ربنا يقدر الى فيه الخير واصير دكتورة هذا ان ما غيرت
هههههههههه
تحياااااااتى
^_^

[Shy smile]

أناا طموحي كاان طب والطب يا بشري يا اسنان يا نفسي



وانا اشوف نفسي في طب الاسنااان


بس مدرسه الاحيااء الله يهديها كانت تحط من معنوياتي تقول انتي ما تنفعي طب اسالها ليه

تقول تفقدي لمهاره الرسم ولأنك هاديه << اسباااب مال امها دخل


بس الحين تغير تفكيري << وافكر ادخل صيدله لاني احب الكيمياء وخلط المواد والتفاعلااات



فانا طموحي متقلب لكن في نطااق الاشيااء اللي احبها يعني مررره طب مرره صيدله مرره اقعد في البيت خخخخخخ



الله يعدي السنه التحضيريه على خير وبعدييين معدلاتنا اهي اللي راااح تحدد القسم عشاان كذا انا انصحكم


خلوا في بالكم كذا اختبار عشاان اذا ربي ما كتب لك اللي تبغيه يصير عندك بديل وشي تحبيه

[Enrique Iglesias]

موضوع رائع دكتور عبااااااادي


وأعتقد ان وقت الموضوع المناسب بعد نهاية الترم الاول


ذاك الوقت لكل حادث حديث

[كلية المجتمع]

انا بصراحة كان نفسي ومازلت ابغى اصير ظابط بالبحث الجنائي او بالاستخبارات السياسية


خخخخخخخخخخخخخ اخوف صح والحين في طموووح اخر اطمحه اليه هووو اصير رجل اعمال




موضوع رائع



تحياتي

[M!ss Mojy]

مــــــن يوم ماعـــــرفت نفســـــي الا الآن وطموحي انو اكــــــــــــون طبيبه وادخل بالتحديد طب بشري


حتى بابا دايما يناديني يادكتوره وكل اهلي واقاربي حاطين امل كبيــــر ان اكون دكتوره

وسويت كل الي اقدر عليه في الثانوي حتى اني ضحيت عن اشيااء كثيييره بس عشان اجيب معدل واحقق حلمي


بس من يوم ماجى حاجز السنه التحضيريه وانا خاايفه انو حلمي وحلم اهلي فيني يتحطم

وكل شي جاايز لان مااحد يعرف ايش بيصير في هاذي السنه ... الله يعديها على خير


والمشكله فيني اني مو حاطه اي طموح ثاني في بالي غيرالطب وهاذي مشكله كبييره

لان لو ماقدر ربي انو ادخل الطب وقتها بتششت اي تخصص ادخله

واضطر ان ادخل تخصص يمكن انا مو راغبه فيه او ماالاقي نفسي فيه

عشان كذا حطيت في بالي انو اذا اذا مادخلت الطب ممكن ادخل تخصص اي ماده علميه واكون اكاديميه في الجامعه


وهذا كله من توفيق ربي


واهم شي نحط في بالنا حتى لو كان حاجز السنه التحضيريه موجود بيننا وبين طموحنا

لازم نصر ونجاهد الين مانوصل الى طموحنا ونحققه بإذن الله

وذا ربي ماكتب انو ندخل التخصص الي نحلم فيه فهاذا بيكون خير لنا اكيييد اذا ماكان في دنيتنا

فبيكون لآآخرتنا


<<<< طولت كلام مووووووو هع هع


يلا ســــــــــلـــم لـــم

[$$د.عباادي$$]

مروركم عطر صفحاتي فشكرا جزيلا لكم

ونصيحة مني الحاجة اللي تحس نفسك بتبدع فيها ادخلها

ولا تنسوا ان امامك جسر خطيييييير جدا يفصلك عن حلمك اللي هو السنة التحضيرية

شباب.... بنات.... نصيحة مني فكروا في التحضيري

[RoOoby]

شكراً أخ عبادي عالموضوع الجميل =)

طموحي مازال نفسه وهو إدارة أعمال من المتوسط والثانوي أوقات التعبير في الإنجليزي كنت أكتب

I want to become businesswoman

وفي الثانوي كنت أسأل أستاذة التربية المهنية وأستاذة المهارات الإدارية عن القسم وكيف الدراسة وتحمست كثير له

والحمد لله ربي يسر القبول بالجامعة وإن شاء الله تتيسر وأدخل القسم الي ابيه ..

تمنياتي للجميع بالتوفيق وتحقيق جميع طموحاتكم : )

[نوررره]

انا كان طموحي على قدي > هههههههه يعني كنت احلم بشخصيه معلمه حتى كنت وانا صغيره العب الدور بس كبرت وكبر طموحي ومن الموتسط وانا احلم بالطب واذا احد سالني ايش بدخل اقول ماقررت لاني كنت اخاف اقول طب بعدين مادخل واتحطم والحين امنيتي ادخل طب بشري باذن واحد احد اذا ربي كاتبلي نصيب فيه إن شاء الله وسلامتكم ....