الي حضرت محاسبة 2 مع زهير حمدان شعبة gb

[MERoOo]

أنا كنت مع شعبة د : عيشة السيد ..
بصراحة المحاضرة مررررررررة شوشرة ماتعرف تمسك البنات بس تكتب على السبورة ..
وسمعت البنات يمدحوا زهير فقمت حولت اليوم معاه في شعبة La اللي من 1 الى 2 ونص ..
أبغى أعرف لين فين وصل ؟؟!
وفاتني كثير ولآ لأ ؟؟!
وهل يحتاج أشتري الكتاب ولآ ملزمة رغداء أو ريم صقر تكفي ؟؟!

[soso139]

مافاتك شيء ان شاء الله لأنه كان فأول محاضرة
الدكتور يقزل ان الأسئلة الدورية و النهائية حتكون من عند الدكتورات
فطلب مننا نذاكر من ملزمة رغداء
و هو بس يشرح الدزء العملي أما النظري لأ

[MERoOo]

كيف يعني يشرح الجزء العملي ؟؟!
يعني النظري مو معانا ولآ إحنا نفهموا بنفسنا ؟؟!

[المحاسب القوي]

النظري نظام الشركات اللي درسناه في قانون تجاري

اتذكر اننا نقزنا الفصل كامل مع استاذنا

[RoOoby]

الجزء النظري تفهميه بنفسك

بالنسبه لأسئلة الاختبار يابنات لازم نكلمه ونقعنه يحط لنا الأسئلة بنفسه

مايصير كذا نتشتت :|

[الشطوووره]

^^^^^^^^^^

اضم صوتي لصوتك ياروبي

طيب هو اللي بيصلح اوراقنا صح؟؟

وهو اللي بيكتب الاسئلة للاولاد صح؟؟

مادام الوضع كذا ليش ما يختبرنا هو ؟؟

والله مررررررررره قهر

[soso139]

من جد

[fnosa]

من جدلازم نكلموا ايش الفايده اذا هو يشرح وغيروا يحط الاسئله هو من الاساس بيكتب اسئله للاولاد ليش مانختبرها هذا السبب الوحيد اللي خلاني اتردد في البدايه اني اخذ معاه

[one girl]

بنااااااااااااااااااااااااات

شعبة زهير la لغوها

حراااام عليهم البنات اللي كانو في الشعبة وزعوهم ع باقي الشعب

ايش الحل مو بكيفهم يلعبو بجداولنا

بجد انا مررررررره مقهورة ابغى احد يواسيني اهئ اهئ

المشكلة الاستاذات الكويسات وقتهم مره مايناسبني ويتعارض مع جدولي مافي غير عيشة السيد وبصرااااااحة مررررره ماني قادرة اكمل معاها ما افهم منها شي والمحاضرة كلها ضحك ومسخرة

[فواصل همس]

المشاركة الأصلية كتبت بواسطة one girl بنااااااااااااااااااااااااات شعبة زهير la لغوها حراااام عليهم البنات اللي كانو في الشعبة وزعوهم ع باقي الشعب ايش الحل مو بكيفهم يلعبو بجداولنا بجد انا مررررررره مقهورة ابغى احد يواسيني اهئ اهئ المشكلة الاستاذات الكويسات وقتهم مره مايناسبني ويتعارض مع جدولي مافي غير عيشة السيد وبصرااااااحة مررررره ماني قادرة اكمل معاها ما افهم منها شي والمحاضرة كلها ضحك ومسخرة

وانا معاك مررررررررررررة قهر

اكره الجامعة ما فيها حرية يمشونا بكيفهم