نسبة القبول بالاشعه

[سعدوشه]

السلام عليكم
حبيت اسأل كم نسبة القبول السنــة اللي فاتت
بالاشعه
لان نفســي ادخلة
ودرجاتي الى الان بالتحضيري
مو مرة
فيــاليت اللي انقبلوا اشعه يقولوا كم كان معدلهم

[Bashaier.y]

اتوقع والله أعلم الموازي قفل على 4.6
بس مو متأكده وكل سنه تتغير

أحسن شي جيبي 4.7 ومافوق عشان تضمني

وفي النهايه أدعي الله وربنا يكتبلك إلي فيه الخير =")

[wafa al7arbi]

الأشعة وكلية العلوم الطبية التطبيقة يمشو بالمعدل ولا بالنسبة الخاصة ؟؟؟؟؟
اتوقع بالنسبة الخاصة ولا ؟ اللي هوا انجليزي كمياء فيزياء احياء

[wafa al7arbi]

كيمياء*

[dracula20100]

النسبه الخاصه هيا الي بتدخلك في التصفيات النهائيه
والنسبه العامه هيا الي يتحدد هل راح تنقبلي ولا لا
ترا الاثنين مهمه لا تقولي بشد بوحه واسيب الثانيه ولا كانك سويتي شي
والله يوفق الجميع

[Besho js]

اهم شي تكون نسبتك فوق 4.5
ويمديكِ ترفعي معدلك الترم الثاني
ان شاء الله نشوفك بيننا ^^

[dracula20100]

نسبتك فوق 4.5 + عدد المقاعد كافيه = ان شاء الله قبولك اكيد
بالتوفيق

[jono]

أنا أشعة موازي , معدلي 4,6 و نسبتي الخاصة كانت 90 لأنه أظن قفل على 89 بعد الفرز الثاني يعني على الحافة ف ياريت تشدي حيلك و تنضمني بالراحة


و الله يوفق

[مودة.ع]

لو كنت موازي في إمكانية اني احول لانتظام عادي و لا ما ينفع؟؟

[wafa al7arbi]

طيب متلا لو قفل انتظام على 93 وموازي على 90 وبنت جايبة متلا 94 بس نسبتها العامة 4.6 او 4.5 تنقبل انتظام ولا موازي عشان معدلها العام ؟؟
ان شاء الله سؤالي واضح لاني من كتر الكلام ع دا صرت الخبط (:

وشكرا .