ممكن استشارة بخصوص الزواج ضروري

[ستايل]

مرحبا

ممكن تدونا رأيكم في الزواج من واحد متزوج للمرة التانيه

لأنو فيه وحده عمرها ثلاثين واتقدملها واحد أكبر منها بتسعه سنين تقريبا وأهلها غصبوها عليه بحجة إنو مابيتفوت من ناحية الوظيفة وعمره مناسب لعمرها

طبعا هيه رافضه مبدأ الزواج من متزوج ومعاه أطفال حتى لو مشي عليها العمر

المهم هيه مو راضيه تقتنع وملكتها نهاية الإسبوع وأدو الرجال موافقه لكن عقدها لساتو ماانكتب

ممكن تدونا رأيكم وهل معاها الحق أو مع أهلها وهيه مو راضيه تقتنع مقومه الدنيا ومقعدتها والرجال إلي اتقدملها مو عارف إنها مغصوبه عليه

[m!Ss.7lawa]

أهليييييين فيكـ يآحلوة ..~

طيب الرجآل دآ أخلآقو كيف ؟؟؟؟

إذآ عمرو منآسب ووظيفتو منآسبة وأخلآقو مدري كيف البنت أتوقع بتتورط في دآ الشي

وبدل مآتكون فرحة عمرهآ بتنقلب شي تآني ..

رأيي شخصيًا أهلي وللهـ الحمد مآيزوجون وآحد متزوج مآشآء اللهـ تبآركـ اللهـ

وأنآ عن نفسي أبدًا مآرح أرضى ..~

ثآنيًا هيا دآم أهلهآ غصبوهآ مآلهآ إلآ إنهآ تدعي ربنآ إذآهيآ مي مرتآحة لو وشآيفة الرجآل

مو كويس وإن شآء اللهـ بتنفرج عليهآ ..~

أمآ إذآ كويس أخلآقيًا مش مآديًا تتوكل على اللهـ وتوافق وإن شآء اللهـ ربنآ يوفقهآ ..~

تقبلي مروري يآحلوة ..~

[n3omh]

ياحلوة ادا استخارت وماارتاحت تقولهم

استخرت وماارتحت ابدا

وبكدا اهلها ماراح يغصبوها لانو لو مارتاحت معناتو الزواج فاشل من البداية :)

[مرمورة]

أنا ضد إن الوحدة تتزوج واحد متزوج وكمان عنده أولاد

زي مافرط في ام عياله أكيد ماراح يهتم في الثانية إلا في بداية الزواج

وفيه قصص كثيرة تأكد كلامي وأنا من رأيي تحاول تقنع أهلها بأي وسيلة

أو تكلم احد من أعمامها أو خيلانها أو أحد كبير في العائلة يتدخل في الموضوع

تر حتى لو كان الرجال كويس بس هي ماتبغاه ومغصوبة عليه

أكيد مهما حاول يرضيها ماراح تقتنع لأنها في الأخير مغصوبة

[ستايل]

المشكلة البنت ماسابت أحد ماكلمتو خيلانها جدتها نفس الشئ مافش أية فائدة ابوها واخوانها رافضين نهائي

المهم اخذوها غصبا عنها عملت التحليل ودحين نهاية الإسبوع ملكتها وابوها أدى الرجال كلمه والرجال مو عارف إنو البنت مغصوبه وأنا مني عارفه آيه أقولها حاسه إنها انظلمت وهيه مش عارفه تعمل آيه حتى ماتقدر ترفض قدام الشيخ لمن يسألها ودحين في رأيكم تعمل آيه الموضوع خرج من يدها

[دلوعه غير]

هوا صعب جدا الوحدة تتزوج واحد عندو عيال بس يمكن يكون دا انسان طيب ويسعدها

أهم شي انو البنت تستخير وتفوض أمرها لربنا
أكيد اللي حيسير هوا الخير،،

أو اذا تقدر وقت ما يسألها الشيخ تقول انها مو موافقه << مع اني احسها صعبة شويا..

الله يليّن قلب أهلها عليها ويكتبلها ربنا الخير فين ماكان

[واثق الخطوه يمشي ملكا]

المشاركة الأصلية كتبت بواسطة مرمورة أنا ضد إن الوحدة تتزوج واحد متزوج وكمان عنده أولاد زي مافرط في ام عياله أكيد ماراح يهتم في الثانية إلا في بداية الزواج وفيه قصص كثيرة تأكد كلامي وأنا من رأيي تحاول تقنع أهلها بأي وسيلة أو تكلم احد من أعمامها أو خيلانها أو أحد كبير في العائلة يتدخل في الموضوع تر حتى لو كان الرجال كويس بس هي ماتبغاه ومغصوبة عليه أكيد مهما حاول يرضيها ماراح تقتنع لأنها في الأخير مغصوبة

حبيبتي كل شي قسمه ونصيب يمكن طلاقو من زوجتو الاولى ارحم لهم من عيشتهم من بعض لا تخوفين البنت

كمان هيا داخلها خوف ومتردده ومحتاره عمرها ماراح يرجع ادا راح عليها الوقت والله يتمم لها على خير ويكتب الخير لها ما تدرين يمكن تكون اسعده انسانه معاه

[حلاها زايد]

مو كل بنت تتقبل الزواج من متزوج وكيف اهلها يغصبوها كذا وهي كبيرة واصلا لو الرجال عرف انها مغصوبة اكيد مارح يرضى قوليلها تتصل عليهم وتقولهم انها ماتبغى واهلها غاصبينها

[RHF]

هي لازم تفكر ، ازا الشخص اخلاقو كويسة ، وكل حاجة فيه تمام ، تتنازل عن المبدأ دا

يعني لو اتجوزتو مغصوبة حياتها ما تكون تمام

ولو هي رافضة الفكرة تمامن ، انا اقول تكلم اهل الولد تقولهم ترا انا اهلي غاصبيني ، وهم يسحبو نفسهم و بكدا البنت ما يسير لها مشاكل مع اهلها

وبس

[الدُنيا مدرسة]

يعني هي رافضة الزواج من أيا كان وإلا بس عشانه متزوج؟!

والغريب في الأمر انه هي راافضه بقوة ومحد معها برأيها

بس دام الموضوع خرج من يدها مانقول إلا الله يكتب لها الخير .. ويكون بعونها

وربي أدعي لها من قلب

إن شاء الله تتحول حيرتها لسكينة واستقرار وتسعدها بحياتها الجديده.