الحجر على الوالدين .. بين مؤيد ومعارض ( هل هو رحمة أم عقوق )

[أبو فاتن]

السلام عليكم ورحمة الله

مثل مو واضح بالعنوان الحجر على الوالدين هل هو نوع من أنواع الشعور بالعقوق النفسي ( يعني بين الإنسان ونفسه ) أم تيسير ورحمة وتنظيم لإدارة مصالح وحقوق الوالدين ( طبعاً الوالدين في هالحالة لايمكن يفهمون الشق الثاني لظروفهم العقلية .. وفي الجانب الآخر كيف يستطيع الأبناء تحمل هذا الشعور إن كان ولابد منه )
حقيقة يا إخوان ما دعاني لطرح هذا الموضوع هي قضيتين وقفت عليهم بنفسي وفعلاً أثارت استغرابي وأنا الذي عقله لا يثار .. فأصبحت حائر مابين التأثير النفسي السيئ على الوالدين وما بين الحرج وضياع الحقوق للأبناء وهم للحق أقرب
حاب أطرح عليكم مقتطفات من هــ القضيتين وأترك لكم الإسهاب وإبداء آرائكم وتصرفاتكم
طبعاً المعروف شرعاً وقانوناً أن الحجر على الوالدين يعتبر جائز في حال غياب العقل وتغيره لكبر أو لمرض لأنه في هذه الحالة لا يحسن الشخص تدبير الأمور والتصرف سواء في المال أو غيره لكن احنا هنا نبي نتكلم إنسانياً وواقعياً وحقوقياً والإبتعاد عن التنظير يعني نبي الطريقة والحل الأمثل في مثل هالحالات لاسمح الله

القضية الأولى :
اتصل علي شخص وقال فيه امرأة عجوز عندنا بالحي إبنها دائماً يطردها من البيت وماغير تنام وتجلس عند باب الشقة وعاق فيها بشكل غير طبيعي وأغلب الأحيان الدورية تلقاها هائمة في الشارع وتردها البيت .. قلت أعوذ بالله شلون .. قال تعال وشوف بنفسك .. حضرت أنا وبعض الأصدقاء ويوم دخلنا إلا وقامت العجوز تصايح وتقول على ولدها : هذا مايخاف الله مخليني هنا بلحالي وهو وعياله راحوا يتعشون برى وأنا تعبانة وعطشانة و .. و .. وقامت تشكي وهي تبكي قلت لها إهدي ياخالة ومالك إلا طيبة الخاطر إلتفت على أصحابي إلا والله العظيم دموعهم في عيونهم .. رحنا أقرب ماركت وجبنا اللي فيه النصيب وعطيناها الأغراض ووقفت برى وأتصلت على رئيس هيئة الأمر بالمعروف وقلت له تعال وجاء الله يجزاه خير وعرضت عليه الوضع وقال : يابو فاتن هذي قضيتها هي وولدها كل يوم عندنا بالشرطة والهيئة والمحكمة .. الأم هذي تدّعي على إبنها بهالكلام والأبن يقول ياناس والله لاهي ترضى تدخل البيت وإن دخلناها قامت تكسّر وتصايح لين تطلع وتجلس عند باب الشقة ولاهي ترضى تروح معنا إذا طلعنا وإن إن وافقت فضحت فينا بالأماكن العامة .. ولاهي راضية حتى تروح عند أحد بناتها ( لو فرضاً كنا نضايقها ) وش أسوي فيها ..!؟ طبعاً الأبن مايبي يوديها دار العجزة

القضية الثانية :
رجل كبير في السن هو وأهله في عوز مادي شديد .. مهمل منظره وهندامه هو وعياله .. ويجلس عند باب البيت ويوزع فلوسه على العمالة في الشارع ( لابارك الله فيهم ولا في كل ريال ياخذونه لأنهم يستغلون هـالمسكين )
وأبنائه يشتكون يقولون تخيلوا يعطي عامل النظافة أكثر من 35 ريال على حمل كيس واحد فقط وأحنا في بيتنا لانملك حتى كرتون الشاهي


( طبعاً قيسوا على ذلك في كلا القضيتين بشكل أكبر وأوسع سواء مادياً بالملايين فيما يخص الرجل المسكين أو إجتماعياً على خلفية المرأة المسكينة )


في مثل هالحالات كيف ترون التصرف الأمثل ..؟



ملاحظة :

أتمنى ماأحد يحاول يعالج الموضوع بشكل تنظيري فكلنا عارفين الآيات والآحاديث اللي بهالشأن ولكن نحاول نتكلم بشكل واقعي شوي لأننا لو فعلاً نبي نطبق الكتاب والسنة بشكل صحيح حنعيش في مدينة أفلاطونية خالية من المشاكل وأحنا طبعاً مو مطبقين هالكلام بشكله الصحيح عشان كذا قلت نحاول نعالج الموضوع بشكله الواقعي

تحياتي

[سنفورة موت.]

شوف ياخوي رائيك على العين والرأس

بس اللي تتكلم عنهم امي وابوي يعني وش هالجنون أني أوؤيد الحجر عليهم

الف ومليون لا امكن تقول نتكلم بعقلانيه بس الموضوع مايوصل للحجر

[اميرة جده*]

حجر..!!

وربي قمممه العقوق والظلممم

المواقف الي ذكرتها ابدا مو سبب عشان احجر على والديني .

واذا احد متضايق منهم خلاص يدعي الله انه ياخذ امانته عشان حضرته يرتاح..

[خلود 99]

استغفر الله مهما كان و مهما صار مستحيل احجر على اهلي

بالنسبة للقصة الاولى ،، لازم لها عناية خاصة الحجر ماله دخل ابداً

الثانية ،، كمان مو سبب مقنع عشان اسوي على ابوي حجر


من رأيي اشوف انه من العقوق


الله يحفظ لنا أهلنا و يرزقنا برهم

[angel--girl1991]

بصراحة انا اشوف اذا كان الحجر فيه مصلحة لاهلي اولا ثم لي ليش لا اذا الوالدين وصلو لمرحلة ماعاد يعرف يفرق ولا يتصرف ولا يجمع ايش المانع مو نحجر عليه ونرميه بالشارع لا...نقسم بما يرضى الله
لكن هنا عندنا مفهوم الحجر يعني اخد فلوس اهلي وارميهم طبعا هدا كلام لا وغير صحيح واولا واخيرا الله يجيرنا من الحجر والعقوق بس بالعقل ممكنه ومعقوله تصير وتتسوى اذا وصلت في اخر المحاولات

[سنفورة موت.]

المشاركة الأصلية كتبت بواسطة angel--girl1991 بصراحة انا اشوف اذا كان الحجر فيه مصلحة لاهلي اولا ثم لي ليش لا اذا الوالدين وصلو لمرحلة ماعاد يعرف يفرق ولا يتصرف ولا يجمع ايش المانع مو نحجر عليه ونرميه بالشارع لا...نقسم بما يرضى الله لكن هنا عندنا مفهوم الحجر يعني اخد فلوس اهلي وارميهم طبعا هدا كلام لا وغير صحيح واولا واخيرا الله يجيرنا من الحجر والعقوق بس بالعقل ممكنه ومعقوله تصير وتتسوى اذا وصلت في اخر المحاولات

حياتي الحجر مافيه الا مفهوم واحد تحجري على والدينك وين العقل يقول احجر والديني حتى لو مو آخذ فلوسهم ومعاملتهم ي ختي هذولي والديني يعني ربي عاقبنا على هفة هواء (آوووف) آحجرهم ..!!

آنا تفكير بس مو مستوعبة الموضوع حييييل آحس آحد كاب علي مويه باردة

[Patricia]

أهلا..

أول شي الحجر اش هو؟؟؟ منع الشخص من التصرف في أمواله إذا كان عنده خلل في عقله

لكن اللي أبي أعرفه، القضية الأولى وين المشكلة فيها واش علاقتها ي أستاذ بالحجر هو كل وحدة ما ارتاحت في بيت ولدها حطيتوا العلة بعقلها، والشرطة ما سألت الأم عن سبب رفضها الجلوس في بيت ولدها، مو يمكن ولدها كذاااااب ولا مرته وأولادها مأذينها وهو مايدري، ويين بناتها عنها حتى لو ماتبيهم أكييد لعلة فيهم، وأصلا واااضح أنه عيالها مو ذاك الزود ولا شلون يرتاح بالهم وأمهم مقضيتها في الشارع، عموما الصورة مو واضحة قدامي والأم من حقها لو ماحبت تعيش مع أي أحد من عيالها يوفرولها شقة زغيرونة وخدامة تخدمها وتونسها هي مو صغيرة يعني لا تخلطولي الحابل بالنابل عيب وحرام وعادات وتقاليد، طبعا مو من جيوبهم من مالها الي بيحجروا علييييييه طويلين العمر..

أما القضية الثااانية تحفة، الحين بيحجروا على أبوهم عشان 35 اش هذولا مو شايفين خييير، وبعدين انت تقول إنهم ناس محتاجين وعلى قد حالهم بيحجروا على ايه بالضبط، يالله من فضلك...؟؟؟؟؟؟!!!

عموما هالقضايا محلها المحاكم الشرعية يروحوا للمحكمة والقاضي يشوف إذا الشخص محجور عليه ولا لا وانتهى الأمر لأنه الإسلام يجيز الحجر في حالة المجنون والسفيه وماشابه وأنا أكيييييد مع ذلك لأنه المحجور عليه بطيشه بيضيع حق عياله وشقا عمره، أهم شي الواحد يعاملهم بالحسنى حتى لو حجر عليهم بصراحة الكبير بالعمر مثل الصغير يبغاله أحد يطول باله عليه ويداريه وهذا أقل شي نسويه لهم .

الله يعين ع الدنيا مو ربنا قال ((ومنكم من يرد إلى أرذل العمر لكي لا يعلم بعد علم شيئا إن الله عليم قدير))..

صح قبل م أختم (( الهيئة )) حاضرة بصفتها ااايه ..؟؟ موسعين نشاطاتهم ماشاءالله
المعذرة ع الإطالة..

[مُحَمّدْ الشّدِيديْ]

يآرجـُـلْ أتق الله وقول خيرْ ،،

ودكْ أموتهُمْ مِنْ القـَــهرْ ؟؟ ولدهُم يتحكم فيهم

يــَــآشيخْ الأموآل كلهآ وروحي ودمي فدآ لترآب رجولهُمْ ،،

ضد الحجرْ تماماً ،،

[قبورنا تبنى]

الدنيا دوارة
حجر عليهم يحجر عليك

[قبورنا تبنى]

المشاركة الأصلية كتبت بواسطة patricia أهلا.. أول شي الحجر اش هو؟؟؟ منع الشخص من التصرف في أمواله إذا كان عنده خلل في عقله لكن اللي أبي أعرفه، القضية الأولى وين المشكلة فيها واش علاقتها ي أستاذ بالحجر هو كل وحدة ما ارتاحت في بيت ولدها حطيتوا العلة بعقلها، والشرطة ما سألت الأم عن سبب رفضها الجلوس في بيت ولدها، مو يمكن ولدها كذاااااب ولا مرته وأولادها مأذينها وهو مايدري، ويين بناتها عنها حتى لو ماتبيهم أكييد لعلة فيهم، وأصلا واااضح أنه عيالها مو ذاك الزود ولا شلون يرتاح بالهم وأمهم مقضيتها في الشارع، عموما الصورة مو واضحة قدامي والأم من حقها لو ماحبت تعيش مع أي أحد من عيالها يوفرولها شقة زغيرونة وخدامة تخدمها وتونسها هي مو صغيرة يعني لا تخلطولي الحابل بالنابل عيب وحرام وعادات وتقاليد، طبعا مو من جيوبهم من مالها الي بيحجروا علييييييه طويلين العمر.. أما القضية الثااانية تحفة، الحين بيحجروا على أبوهم عشان 35 اش هذولا مو شايفين خييير، وبعدين انت تقول إنهم ناس محتاجين وعلى قد حالهم بيحجروا على ايه بالضبط، يالله من فضلك...؟؟؟؟؟؟!!! عموما هالقضايا محلها المحاكم الشرعية يروحوا للمحكمة والقاضي يشوف إذا الشخص محجور عليه ولا لا وانتهى الأمر لأنه الإسلام يجيز الحجر في حالة المجنون والسفيه وماشابه وأنا أكيييييد مع ذلك لأنه المحجور عليه بطيشه بيضيع حق عياله وشقا عمره، أهم شي الواحد يعاملهم بالحسنى حتى لو حجر عليهم بصراحة الكبير بالعمر مثل الصغير يبغاله أحد يطول باله عليه ويداريه وهذا أقل شي نسويه لهم . الله يعين ع الدنيا مو ربنا قال ((ومنكم من يرد إلى أرذل العمر لكي لا يعلم بعد علم شيئا إن الله عليم قدير)).. صح قبل م أختم (( الهيئة )) حاضرة بصفتها ااايه ..؟؟ موسعين نشاطاتهم ماشاءالله المعذرة ع الإطالة..

الهيئة حاضرة لانهم الله يجزاهم خير آمرين بالمعروف وناهين عن المنكر وبرأيك قضية زي كبر العقوق مهي محتاجة أمر ونهي ؟ يا سبحان الله