استفسآر بسيط لمن له خبرة. ^^"

[_Sora]

السلآمُ عَـليكم و الَرَحمة

كيفكُم و كيف الامطآر معآكم؟
و كيف الآختبارات؟ يآرب كلو تمآم, الله يوفقكم. =)
مآاعرف اسوي مُقدمآت فـ رآح ادخل في الزبدة دوغري ^^"

انا ِليسآ ادرُس في السنوي و الحمدلله دي اخر سنة ليآ
ماماتي تبغآني ادخل طب و انا ما بدي >.<
لأنو اخاف يكون صعب و يبغالو مزاكرة على طول
و فوق كده اخاف نسبتي ما تسمحلي :|
فـ فكرت في تخصص الاسنان و الفكرة نوعا ما عجبتني
بس عندي شوية اسئلة يريت تجآوبولي عليهآ ازا ما اكلف عليكم يعني ^^"

1- نسبتي فـ اولى كانت 94% و فـ تانيه 93% ودحين الله يستر
ممممم يا ترى كويسه النسب ولا زي وشي؟ >.<

2- المواد الي تندرس صعبة ولا سهلة؟ اقصد بالنسبة لـ غير دافوورة
لآني الصراحه العب طول الترم و اجي افتح الكتآب وقت الاختبارت ^^"

3- كيف ايآم الدراسة و الاختبارات في ضغط في المواد ولا مرتاحين؟

4- اسئلة الاختبارات تجي سهلة عادةً؟ عشان سمعت عن اسئلة تفجع
لازم تنحل فـ وقت تخيُلي 0.0

5- ايش هيآ المواد الي تدرسوها؟

6- التخصص ممل, ممتع, مشوق ولا كيف؟

7- مممممم سبعة سنوات مو كآنو كتير؟ ادري انو هوا كده
بس يعني عمر ح يروح كلو في الدراسه >.<

8- كم النسبة المطلوبه عشان اقدر ادرس طب اسنان؟

9- رآيكم الشخصي عن درآسة طب الآسنان او الطب بشكل عام؟

و بس جزاكم الله خير مآبدي اطول عليكم
ازا عندكم اي اضافات مرة عادي. =)

[مَـزٍآج ..}..]

السلآمُ عَـليكم و الَرَحمة كيفكُم و كيف الامطآر معآكم؟ و كيف الآختبارات؟ يآرب كلو تمآم, الله يوفقكم. =) مآاعرف اسوي مُقدمآت فـ رآح ادخل في الزبدة دوغري ^^"

وعليكم السلامـ ..

منيحين كتير كتير نشكر اللهـ .. والكليه شكلها غرقت مع الأمطار الله يعيـن خخخخ

انا ِليسآ ادرُس في السنوي و الحمدلله دي اخر سنة ليآ ماماتي تبغآني ادخل طب و انا ما بدي >.< لأنو اخاف يكون صعب و يبغالو مزاكرة على طول و فوق كده اخاف نسبتي ما تسمحلي :| فـ فكرت في تخصص الاسنان و الفكرة نوعا ما عجبتني بس عندي شوية اسئلة يريت تجآوبولي عليهآ ازا ما اكلف عليكم يعني ^^"

مآ شآء الله .. الله يعينكـ ويوفقك ..
راح احاول اجآوبك على قد مآ اقدر ..

1- نسبتي فـ اولى كانت 94% و فـ تانيه 93% ودحين الله يستر ممممم يا ترى كويسه النسب ولا زي وشي؟ >.<

نسبة الثآنويه مآ صآرت مهمه زي اول ..
السنة التحضيريـة اهم شئ .. لأنها هي الي تحدد دخولك لأي كليه في الجامعه ..
الثآنويه والتحصيلي والقدرإأت بس تقبلكـ في الجامعه كسنه تحضيريـة . .

2- المواد الي تندرس صعبة ولا سهلة؟ اقصد بالنسبة لـ غير دافوورة لآني الصراحه العب طول الترم و اجي افتح الكتآب وقت الاختبارت ^^"

في الطب مآفي شئ اسمخ تفتح الكتآب وقت الأختبآر ..
لانك بأختصآر ما راح تنجح لو تفحححححححححط
أول بأول ويآدوبكـ تنجح :)

3- كيف ايآم الدراسة و الاختبارات في ضغط في المواد ولا مرتاحين؟

والله من غير مآ اكدب ولا اخوفكـ ..
بس فيه ضغط لآ يعلم فيه إلا رب العالميـن ..
وتختلف من سنه للثآنيـه .. بس اصعب شئ سنه ثالثه الي انا فيها حالياً ..
تقريباً اختباراتنآ كانت شهر ونص بين عملي ونظري :(
ولكن الكليه تحآول تسآعدنآ بقدر المستطآع .. وانت في الأول والأخير داخل طب
يعني لازم تشد حيلك !!!

4- اسئلة الاختبارات تجي سهلة عادةً؟ عشان سمعت عن اسئلة تفجع لازم تنحل فـ وقت تخيُلي 0.0

هيآ طبعا الأسئله ما تختلف عن الثآنوي كثير .. بس بالأنقلش
الأسئله تكون مآ بيـن MCQs و esssay , mcq , complete , true or false
يعني هيك والوقت لا تخآفي كآفي في الاختبآرات ..
مع عدى كم اختبآر يعني تكون مضغوط شويآ في الوقت ..

5- ايش هيآ المواد الي تدرسوها؟

مشوار اقول كل الموأد ههههه ..

لكن باختصآر .. اول سنه تحضيريـة .. تقدري تقري عنها في ملتقى السنه التحضيريـة ..
ثآني سنه كل الموإأد طب بشري .. مآ بين تشريح و علم وظآئف الأعضآء وكيميآء حيوية .. الخ
بس فيه ماده وحده اسنان اسممها dental anatomy ..
وتأخدوا اشيآء بسيطه عن الأسنان وشكلهاا وعددها ومتى تطلع في الفم .. مقدمه فقط

سنه ثآلثه هنا يبدأ طب الأسنان .. لأن الي قبلها كأنها بشري

خمس مواد اسنان ومادتين بشري ومادهـ وحده صيدلة .. !!

وسنه رابعه وخامسه وسآدسه ..

من هنا راح يكون عندك عياده خآصه فيكـ في مبنى الكليه .. وراح تبدا تستقبل مرضى خاصيـن فيكـ
وراح تشتغل عملي تحت اششراف الدكآترهـ .. طبعا كل ما تتقدم سسنـه راح تتطور وتشتغل في شئ اكبر ..

- التخصص ممل, ممتع, مشوق ولا كيف؟

ادآ حبيت تخصصك راح تشوفه ممتع ..
بالنسبه ليآ انا اشووفه ممتع جداً .. لأنه الدرإأسه مآ بين عملي ونظري ..
بعكس البشري الي تنقتل من قوه النظري الي فيه بعديـن تطبق .. الأسنان ثلاث سنين نظرية
وثلاث عملي .. ويكون عندك عيآدهـ .. لكن باختصآر ادآ حبيت تخصصك راح تشوفه ممتع
بغض النظر ايش هواا التخصص !!

7- مممممم سبعة سنوات مو كآنو كتير؟ ادري انو هوا كده بس يعني عمر ح يروح كلو في الدراسه >.<

خخخ سبع سنين وتتخرج طبيب عآم فقط ..

يعني لسه بآقي تأخد التخصص .. وليلك طوويل .. عمومآ تبغي طب لازم يكون نفسك طوووووووويل ..

سواء بشري او اسنان .. لأن السبع سنين دي مجرد بدإأيه !!!

8- كم النسبة المطلوبه عشان اقدر ادرس طب اسنان؟

زي مآ قلت نسبه التحضيري هيآ الي مهمه ..
وتقدري تدخلي ملتقى التحضيري تأخد افكآر جنرال عنهاا ..

9- رآيكم الشخصي عن درآسة طب الآسنان او الطب بشكل عام؟

ادآ تبغي تواصل وتكون دكتور نآجح .. مو لازم تكون عبقري ولا دكي .. ولا دآفورر على قولكم

يبغآلك تجتهد .. تكرف .. تتعب .. الذكاء مكتسب وليس بالفطرة :)

و بس جزاكم الله خير مآبدي اطول عليكم ازا عندكم اي اضافات مرة عادي. =)

:)

إن شآء الله وصلت لك الي تبغييه !!

قود لوووك :)

[_Sora]

المشاركة الأصلية كتبت بواسطة مَـزٍآج ..}.. وعليكم السلامـ .. منيحين كتير كتير نشكر اللهـ .. والكليه شكلها غرقت مع الأمطار الله يعيـن خخخخ الحمدولله على طول ان شآالله.. ربنآ يستر بس ^^" مآ شآء الله .. الله يعينكـ ويوفقك .. راح احاول اجآوبك على قد مآ اقدر .. شوكرن مرة كتير =) نسبة الثآنويه مآ صآرت مهمه زي اول .. السنة التحضيريـة اهم شئ .. لأنها هي الي تحدد دخولك لأي كليه في الجامعه .. الثآنويه والتحصيلي والقدرإأت بس تقبلكـ في الجامعه كسنه تحضيريـة . . كويس, الله يعين في القدرات و التحصيلي >.< في الطب مآفي شئ اسمخ تفتح الكتآب وقت الأختبآر .. لانك بأختصآر ما راح تنجح لو تفحححححححححط أول بأول ويآدوبكـ تنجح :) اوووبس يعني حمآس اكتر شي :P والله من غير مآ اكدب ولا اخوفكـ .. بس فيه ضغط لآ يعلم فيه إلا رب العالميـن .. وتختلف من سنه للثآنيـه .. بس اصعب شئ سنه ثالثه الي انا فيها حالياً .. تقريباً اختباراتنآ كانت شهر ونص بين عملي ونظري :( ولكن الكليه تحآول تسآعدنآ بقدر المستطآع .. وانت في الأول والأخير داخل طب يعني لازم تشد حيلك !!! يب ان شاالله شد الحيل دا لازم منو الله يوفقك و يسهلك يآرب تعدي ع خير ^^" هيآ طبعا الأسئله ما تختلف عن الثآنوي كثير .. بس بالأنقلش الأسئله تكون مآ بيـن MCQs و esssay , mcq , complete , true or false يعني هيك والوقت لا تخآفي كآفي في الاختبآرات .. مع عدى كم اختبآر يعني تكون مضغوط شويآ في الوقت .. اها, مرة جوود.. الانجلش احلى شي و شكلو مرة سهل من طريقة الاسئلة مشوار اقول كل الموأد ههههه .. لكن باختصآر .. اول سنه تحضيريـة .. تقدري تقري عنها في ملتقى السنه التحضيريـة .. ثآني سنه كل الموإأد طب بشري .. مآ بين تشريح و علم وظآئف الأعضآء وكيميآء حيوية .. الخ بس فيه ماده وحده اسنان اسممها dental anatomy .. وتأخدوا اشيآء بسيطه عن الأسنان وشكلهاا وعددها ومتى تطلع في الفم .. مقدمه فقط سنه ثآلثه هنا يبدأ طب الأسنان .. لأن الي قبلها كأنها بشري خمس مواد اسنان ومادتين بشري ومادهـ وحده صيدلة .. !! وسنه رابعه وخامسه وسآدسه .. من هنا راح يكون عندك عياده خآصه فيكـ في مبنى الكليه .. وراح تبدا تستقبل مرضى خاصيـن فيكـ وراح تشتغل عملي تحت اششراف الدكآترهـ .. طبعا كل ما تتقدم سسنـه راح تتطور وتشتغل في شئ اكبر .. منجد واللهي مشوآر o.o من كلامك, شكلها سنة تالتة اكتر سنة فيها كرف ادآ حبيت تخصصك راح تشوفه ممتع .. بالنسبه ليآ انا اشووفه ممتع جداً .. لأنه الدرإأسه مآ بين عملي ونظري .. بعكس البشري الي تنقتل من قوه النظري الي فيه بعديـن تطبق .. الأسنان ثلاث سنين نظرية وثلاث عملي .. ويكون عندك عيآدهـ .. لكن باختصآر ادآ حبيت تخصصك راح تشوفه ممتع بغض النظر ايش هواا التخصص !! امممم يب حلو الفكره, يتغير الجو من فترة لفترة عشان ما نطفش :P خخخ سبع سنين وتتخرج طبيب عآم فقط .. يعني لسه بآقي تأخد التخصص .. وليلك طوويل .. عمومآ تبغي طب لازم يكون نفسك طوووووووويل .. سواء بشري او اسنان .. لأن السبع سنين دي مجرد بدإأيه !!! وي على بالي على طول بعد السبعه سنوات خلاص تخرج و نرتاح ^^" زي مآ قلت نسبه التحضيري هيآ الي مهمه .. وتقدري تدخلي ملتقى التحضيري تأخد افكآر جنرال عنهاا .. اووكي, فهمت ^^" ادآ تبغي تواصل وتكون دكتور نآجح .. مو لازم تكون عبقري ولا دكي .. ولا دآفورر على قولكم يبغآلك تجتهد .. تكرف .. تتعب .. الذكاء مكتسب وليس بالفطرة :) :) إن شآء الله وصلت لك الي تبغييه !! قود لوووك :) الله يبشرك بالخير وربي ارتحت مرة كتير =) يب كلو وصل ميه بـ الميه شوكرن قأاد البحر و سمكأتو ^^ ربي يسهلك امورك و ان شاالله تسير احسن دكتور اسنان n.n

....

[Dr~NanoOok]

وعليكم السلام ورحمة الله ,,

اهلا بيكِ عزيزتي سرى
ويلا شدي حيلك وربي يوفقك.. وإن شاء الله نشوفك معانا بطب الأسنان ^_^

ماشالله الأخ مزاج ما قصّر وجاوب على أسئلتك ..

وأنا حزيد في بعض الأشياء.. وبحكيلك من وجهة نظري =)

~

2- المواد الي تندرس صعبة ولا سهلة؟ اقصد بالنسبة لـ غير دافوورة لآني الصراحه العب طول الترم و اجي افتح الكتآب وقت الاختبارت ^^"

المواد كميتها كبيرة.. عشان كده ما تقدري انك تخلصي المنهج في ظرف يوم أو يومين بس
وتحتاجيها غالبًا في المعامل .. فلازم تراجعيها وتكوني عارفتها

لكن مع الاختبارات الصغيره المستمرة على طوال الترم.. فحيخلوكم تزاكروا "^^

3- كيف ايآم الدراسة و الاختبارات في ضغط في المواد ولا مرتاحين؟

زي ما ذكرت.. اغلب الوقت يكون عندنا كويزات غير الاختبارات النصفية
ومن جهة الضغط للمواد.. في سنة ثانية عندنا 6 أو 7 مواد

لكن من ثالث إلى خامس يصير عندنا 10 مواد بالترم بالاضافة لمعاملها ..

ومن تجربة .. ومقارنة مع صحباتي بالبشري والأقسام التانية
فاحنا الأسنان فعلا أكتر ناس مضغوطين.. دراسة وشغل عملي

<< وفكرة انه الواحد يبغى يدخل أسنان لأنه أسهل من البشري وأقل ضغطا !
معليش يصححوا فكرتهم دي "^^

4- اسئلة الاختبارات تجي سهلة عادةً؟ عشان سمعت عن اسئلة تفجع لازم تنحل فـ وقت تخيُلي

زي ما ذكر مزاج عن نوعية الأسئلة ..

بس في اختبارات الفاينل.. ممكن توصل عدد أسئلة الاختيار من متعدد إلى 150 سؤال
فعشان كده تحتاج منك وقت لحلها وما توقفي كتير عند الأسئلة عشان لا يضيع وقتك

بس المشكلة مو بالوقت ..
الأسئلة نفسها تكون يبغالها تفكير .. ومو أسئلة مبااشرة ومره سهلة زي حقت المدرسة مثلا

5- ايش هيآ المواد الي تدرسوها؟

في سنة ثانية.. هنا نبذة عنها وعن موادها

http://www.skaau.com/vb/showthread.php?t=94958
و

هنا عن السنة الثالثة

http://www.skaau.com/vb/showthread.php?t=241992


بالنسبة للسنوات الاكلينيكة.. من رابع إلى سادس

فتقريبا 3 أو 4 مواد ناخدها كل سنة .. ولكن بشكل أكبر وتوسع مع كل سنة
زي مادة اصحاح الأسنان و التركيبات الثابثة والمتحركة و علم الأنسجة المحيطة بالأسنان وعلاج العصب والجذور

وكل سنة بناخد مواد جديدة عليها ..

وفي طب الأسنان بناخد بعض المواد على مرتين .. مره بصفة عامة , ومره بتعمق وبشكل أسناني
general & oral

زي مادة.. الجراحة - الباطنة - علم الأمراض - علم الأدوية
كلها بتنأخد على مرتين

- التخصص ممل, ممتع, مشوق ولا كيف؟

ممتع لأبعد حد ^_^
وخاصة لما نطبق كل شي في المعمل .. والأحلى منه في العيادات وعلى مرضى حقيقين

امكن لحبي وعشقي الشديد لتخصصي.. فكل شي أشوفه فيه حتى مصاعبة وضغطه
يهون لأجله

7- مممممم سبعة سنوات مو كآنو كتير؟ ادري انو هوا كده بس يعني عمر ح يروح كلو في الدراسه >.<

الطب معناها دراسة مستمرة طوال العمر ومو مجرد سبع سنين حقت البكالوريوس
بس زي ما قلتلك.. اذا من قلبك حبيتيه.. حتقدري تستمري فيه

9- رآيكم الشخصي عن درآسة طب الآسنان او الطب بشكل عام؟

كتبت هنا عن تجربتي مع طب الأسنان

http://www.skaau.com/vb/showthread.php?t=225358


~

يلا بالتوفيق لك ..

[_Sora]

اسفة ع الرد المتاخر ي اختي
والله مو بس اتحمست!
منجد مررره نفسي ادخل طب أسنان
من بعد ما قرات مواضيعك الي كتبتيها
جزاكِ الله خير ربنا يوفقك ويسعدك ^.^
بس للاسف كل شي ح يتحدد بعد اختبار القدرات
اللي ح يكون بالزبط بعد تلات ساعات >.<
و اول شي بعد ارادة ربنا طبعا
لا تنسوني من دعواتكم :)