ما تعلمنا نكون أقسى من أشباه البشر

[حنين اللقاء]

ماتعلمنا نكون اقسى من اشباه البشر

ماتعلمنا نكون اقسى من اشباه البشر

لو تعلمنا عرفنا كيف هالدنيا تدور

القلوب الممكنه تنبض حسافات وقهر


والقلوب المستحيله ماتعيش إلا تبور


ليه هالعالم يموت الف مره يابشر


يوم حسد ..يوم حقد..يوم كره..ويوم زور


ليه مانقدر نسامح من غلط او نعتذر؟


ليه اكثرنا يجرح في بعضنا بكل سرور


ليه مانسعى لحل النزاع المنتظر


ليه من اجل المصالح نشتهي حب الظهور


هي حكايتنا حكايه..او حكايتنا قدر


هو قدرنا؟هو قدرنا؟؟او تعودنا نثور


ليه يسبقنا الحديث مانفكر بالأمر


نستمر بكل قسوه إتأزم هالأمور


يابني (آدم)كبير الظلم واوهامك امر


اخلص النيه وجمل كلمتك بين الحضور


باكر تغيب الليالي عن ملذات العمر


وانت غارق في ظنونك ماتعديت الشرور


كف(حواء)لو تمده لك يومين و شهر


يمكن تكون الصديقه او الأخت الغيور


كلنا كنا ملامح ناس من غير الشعر


او شعر يرسم ملامح غير..والإحساس نور


كلنا كنا ضحية حلم ظالم ماقدر


يصدق بكل المعاني حلم مايملك شعور


ماتعودنا نصارح في سوالفنا ونقر


نعتقد ممكن بأن أللي يصارحنا يجور


فينا واحد كان قاسي وفينا واحد ماشعر


فينا من خان المآسي وفينا من خان الشعور


فينا من يحلم يطير فوق اغصان الشجر


فينا من يغتال ضحكة طفل بأحلام الزهور


فينا من يشهق حنينه بين روحه والنظر


فينا من يعجز بقول كلمه مابين السطور


فينا من يشعر بقيمة نفس اغناها الفقر


فينا من يدفن وجوده بين اشلاء القصور


كم فينا..ماعرفنا؟؟؟وكم نحتاج لصور


كم حنا مافهمنا؟؟كم حطمنا الغرور


هذا حنا ..كل منا ماعرف حكم القدر


والنصيب اللي يودينا لدرب القبور


بس لايمكن نكون اقسى من اشباه البشر

.. مما راقني..