سؤال مهم جدا....

[hibara]

اخواني و اخواتي الطلاب و الطالبات
انا انقبلت تمريض و لله الحمد و الشكر ,,, لكن انا كنت اتمنى ادرس تغذية اكلينيكية
و حبيت اسال اذا في امكانية التحويل للتغذية الاكلينيكية و معادلة المواد بعد سنة من التخصص
رجاء اللي يعرف يساعدني
علما بانه التمريض يندرج تحت كلية العلوم الطبية التطبيقية زيو زي التغذية الاكلينيكية
فهل التحويل من قسم الى قسم تحت نفس الكلية اسهل من التحويل من كلية الى كلية؟؟

الرجاء افادتي

[mzat kau]

اول شي بقولك طبعااا تقدري بعد سنه وطبعااا انو اسهل لانو من قسم لي قسم فان شا الله تقدري


وتاني شي ابا اقولك انو التمريض في البدايه ماحد يبغا بس كتير كتير بعد مادرسوه ارتاحو وحبوه مرة كتير سووو استخيري ربك

وكمانا لمن تروحي اول يوم الكليه اسالي عن التحويل امكن يحولوكي مرة الاخت ان ناون قالت انو في وحده حولت من قسم لي قسم في التقنيه بدايه السنه
لكن والله بصراحه انا مني متاكده من كلامها مو تشكيك فيها بالعككككس لاكن لانو الانظمه الجديده اختلفت عن القديمه عشان كدا

هوا دا بس بالتوفيق :):)

[miss me]

اممم كان في موضوع في المنتدى انو ازا انتي جايبه المعدل المطلوب في الكليه تقدري تخلي ابوكي يروح العماده عند الرجال و يعبي ورقه وكده بس يمكن مدة دا الشي خلصت
و في كمان انا سمعت انو اول اسبوع في مجال للتحويل بس اهم شي يكون معدلك قد اللي الكيله طالباه

=)

[hibara]

شكرا عالردود يا اخواتي الغاليات
و اكيد راح اعمل بنصيحتكم ان شالله
التمريض قسم حلو و رائع و انا احبه بس انا كتير بيعجبني قسم التغذية و من زمان كنت بحلم ادخله
و الخيرة فيما اختاره الله

[no0of2009]

حبيبتي استخيري وإن شاء الله يختار لك الخير انا صحبتي تمريض بس في الحرس مررررررررررررة مبسوطة واتوقع تقدري تحولي مو اتوقع الا اكيد في وحدة تقولي 2 حولو من العلوةم للطب فمعناته مو بعيده عليك

[hibara]

شكرا لك اختي عالرد نورتي موضوعي
و اكيد راح استخير الله باذن الله
و التمريض قسم حلو و كل اللي سالتهم بيمدحو فيه و الحمدلله على كل حال