تجمع med14 تمريض + ممرضات الدفع السابقه ((=

[Nr.Wafaa]

السسلام علييكم ..
أنا من البنات اللي انقبلو تمريض والحمدلله ...
صراحة ماكنت أبغاه ونسبتي كانت 92 بس النسب مره نااار وربي ماراد الا تمريض وان شاء الله يكون خيره لياا
أنا عن نفسي احب الطب البشري والمختبرات .. وكنت متوقعه انقبل (علوم طبيه-مختبرات) لان الاعوام اللي راحت قفل اقل من نسبتي بس ماتوقعت كدا النسب مرتفعه ماشاء الله
........
ممم عن نفسي ناويه أشد حيلي فأول سنه لأن نفسي أحول طب أو علوم طبيه بإذن الله
........
الزبده فالموضوع اللي منزلتو >> أنا ماني شايفه أي حمااس أحس انا لوحدي اللي انقبلت تمريض وين اللي انقبلو تعالو نتجمع ونتناقش وكدا ،، واللي أكبر منناا يعلمونا ويقولوا تجاربهم لما كانو زيناا

صراحه أحس التخصص ممتع لما قريت مواضيع عن الدراسه والتدريب ودا اللي عجبني فيه

وبس .... بالتوفييق لكل وحده انقبلت فتخصص تبغاه او ماتبغاه والله يكتب الخير للكل

[Dr.candy]

و عليكم السلالالالام ..

اهلا اهلا ب nurs14

و مبروووووك عليكي التخصص ..

يارب تنبسطي فيه و تستمتعي وترا الشعور الي انتو فيه شي طبيعي كلنا الدفعات بتمر فييييه ..

انا من الدفعة NURS10
>>> ايوة من الدفعات المخضرمة الي خلاص عجزت

و سامحيني على الرد المتأخر لاني دوبي انتهيت من فترة الامتياز ..

المهم ..

ايا حاجة تبغو تسألو عليها انا موجودة

[Nr.Wafaa]

المشاركة الأصلية كتبت بواسطة dr.candy و عليكم السلالالالام .. اهلا اهلا ب nurs14 و مبروووووك عليكي التخصص .. يارب تنبسطي فيه و تستمتعي وترا الشعور الي انتو فيه شي طبيعي كلنا الدفعات بتمر فييييه .. انا من الدفعة nurs10 >>> ايوة من الدفعات المخضرمة الي خلاص عجزت و سامحيني على الرد المتأخر لاني دوبي انتهيت من فترة الامتياز .. المهم .. ايا حاجة تبغو تسألو عليها انا موجودة

يباارك فييكي. ومبروك عالتخرج

[مريم عمر]

السلام عليكم و رحمة الله و بركاته

أنا كمان انقبلت تمريض و نفس الحالة ما توقعت النسب تكون مرتفعه بهذ الشكل xd
و برضو نفس الحالة أخطط أجتهد جداً و من ثم أحول طب أو صيدله إذا كتب الله لي ذلك.
شكلهم نص المقبولين تمريض نفس حالتنا ... عشان كذا مهم متحمسين
يبدولي إن التمريض تخصص جميل و من الي قريته شكلنا حنتدرب في المستشفى من الترم الثاني، و هذا شي يحمس مره.

السؤال الذي يدور في ذهني حالياً و أتوقع إنه بدري عليه :-

كتب المواد المشتركة بيننا و بين التخصصات الصحية نشتريها و لا نحملها؟ و إذا أبغا أطلع عالمنهج قبل انتهاء الإجازة هل يفيد
أطلاعي على منهج السنة الماضيه ؟

[ĴusŦĪce ♣]

أخيرا فكرت إني لحالي بالكلية "><

صراحة فعلاً النسب كانت مرتفعه جداً حتى نسبة الحاسب أعلى من التمريض !!

لكن الحمدلله =)

أبي أسأل Dr.candy

ايش فكرتك عن القسم بشكل عام و نصايحك ..

هل فيه إمكانية التحويل من التمريض إلى طب أو صيدلة بعد دراسة ترم ؟

و أبي أعرف الخطة الدراسية للتمريض .. اذا محتفطة برابط

جزاك الله خير

[R.O]

النسب ما شاء الله كانت مره عاليه بس التمريض كان خيره و الحمد لله
ابى اعرف هل ممكن لو درست سنه و شديت حيلي احول !
وايش هيا الكتب الي نحتاجها ومن فين نقدر نجيبها ؟

[مريم عمر]

يا رباه من المضحك إن معظمنا يبغوا يحولوا XD
يبدوا انها حتكون سنة ممتعة و جميلة جداً بإذن الله.

بخصوص التحويل شوفوا هنا بنت سألت وردوا عليها :-
http://www.skaau.com/vb/showthread.php?t=97246

من الواضح إنه ممكن بس مهو سهل.

[Nr.Wafaa]

ان شاء الله تكون سنه ممتعه ،، حتى أنا حاسه انها حتكون سنة ممتعه والكل شاد حيلو عشان التحويل
شكلو نسب التحويل حتكون ناااااار

عندي شوية أسئله لممرضات الدفعات اللي راحت //
ـ دحين أول يوم نداوم صح؟ ونروح مبنى8 ولا ؟؟
- وكمان سؤال تاني ، ماندخل غرفة تشريح ؟؟ *مره نفسي ادخلها*
- اللابكوت نلبسو من أول اسبوع ؟؟ والسكراب ضروري يتلبس؟ وايش لونو ابيض !!
- اخر سؤال ايش تنصحونا عشان نقدر نجيب معدل عالي ونحول لطب ؟؟

ومعليش كترت أسئله

[Saraalharby]

انا كمان تمريض وما شاء الله كانت النسب مرتفعة وماانكر اني زعلت في البداية بس دي خيره من ربنا وان شاء الله نبدع فيه وتكون لنا بصمة
وحابة اسال في الكلية ومتى نبدا نداوم وهل في اسبوع تعريفي للكليه
وانا كمان ابغى احول للطب فاياليت تفيدونا كيف نجيب معدل على باذن الله

[عذاري السمروات]

المشاركة الأصلية كتبت بواسطة مريم عمر السلام عليكم و رحمة الله و بركاته أنا كمان انقبلت تمريض و نفس الحالة ما توقعت النسب تكون مرتفعه بهذ الشكل xd و برضو نفس الحالة أخطط أجتهد جداً و من ثم أحول طب أو صيدله إذا كتب الله لي ذلك. شكلهم نص المقبولين تمريض نفس حالتنا ... عشان كذا مهم متحمسين يبدولي إن التمريض تخصص جميل و من الي قريته شكلنا حنتدرب في المستشفى من الترم الثاني، و هذا شي يحمس مره. السؤال الذي يدور في ذهني حالياً و أتوقع إنه بدري عليه :- كتب المواد المشتركة بيننا و بين التخصصات الصحية نشتريها و لا نحملها؟ و إذا أبغا أطلع عالمنهج قبل انتهاء الإجازة هل يفيد أطلاعي على منهج السنة الماضيه ؟

أهلين يا قلبي .
أولا شي مبروك عليكي التخصص و الله يكتبلك الخير .
تاني شي ..
بجد مو عشاني تمريض ، لتمريض جميل جدَا حتكوني ممرضة العائلة و احيان دكتورتهم من كم معلوماتك .
..
بالنسة لسؤالك :
الكتب اللي راح تشتريها مو كتير .
هما كتابين اللي راح تشتريهم بالنسة للتخصص : الفاندامنتال أوف نيرسينج ( أساسيات التمريض ) و الأناتومي ( التشريح )
و الفيسيولوجي ( علم وظائف الأعضاء ) ازا حابه تشتريه اشتريه عشان تقري منو و تستزيدي من معلوماتك و فهمك .
ممممممم ايوه عندك كمان العربي و الثقافه رح تشتريهم أو انك تاخديها من بنات السنه اللي فاتت
اما المواد التانيه راح تكون مزاكرتها من السلايدات ( عرض البور بوينت ) .
|| ..
لو تبي تطلعي على المنهج يكون حلو ومن ناحية انو هل تستفيدي او لا يعتمد عليكي .
الاناتومي أنصحك تنزلي اي تطبيق على جهازك و تتصفحيه ( ب الانجلش و حاولي تترجمي )
و اقري عموما عن الطب بشكل عام و ان شاء الله تستفيدي ..
و بالتوفيق ..