طلب ممكن لاهنت يا اكاونتيج مان

[ياسين العرب]

السلام عليكم ورحمة الله كيفك ان شاء الله طيب يا رجل المحاسبة بغيت لاهنت استفسر منك كيف بشر حصلت وظيفة ولا بدري وابغى معلومات ياليت عن الوظائف ومشكوور اخووك / ياسين العرب ادارة شبكات على وشك التخرج ان شاء الله ودعواتك لي بالتوفيق....

[accounting man]

المشاركة الأصلية كتبت بواسطة ياسين العرب السلام عليكم ورحمة الله كيفك ان شاء الله طيب يا رجل المحاسبة بغيت لاهنت استفسر منك كيف بشر حصلت وظيفة ولا بدري وابغى معلومات ياليت عن الوظائف ومشكوور اخووك / ياسين العرب ادارة شبكات على وشك التخرج ان شاء الله ودعواتك لي بالتوفيق....

وعليكم السلام ورحمة الله وبركاته حياك الله ياسين اول شي اعتذر منك بعنف ياسين حبيب البي لاني بعد ما اتخرجت ما صرت ادخل كثير المنتدي الا كل فتره وفتره فاسف علي التاخر في الرد وثاني شي يا غالي بالنسبة لموضوع الوظايف ابشرك ترا البلد فيها خير ان شا الله وانت تعرف لكل مجتهد نصيب والارزاق بيد الله وتطمن بما انك انت ولد البلد فلا تخاف راح تتوظف غصب عن الي ما يبغوك تتوظف لانه من ابسط حقوقك بالنسبة لمشكلة بطالة شبابنا تنحصر في كم موضوع من اهمها التاخير عن الدوام وانا اعرف واحد في الموارد البشرية في شركة كبيره يقول ان 90٪ من مشاكل الفصل التاخير عن الدوام فحط هذي النقطة في بالك وثاني شي من مشاكلنا احنا الي هي ان الواحد ما يطور نفسه بمعني لمن يروح يقدم علي شركات تلاقيه حاط في الملف ورقتين ورقة cv. وورقة الدبلوم حااااف معليش عزيزي لكن لمن تقدم حبيبي وعدد الاوراق في ملفك 15 او 10 اوراق من دورات او حضور مؤتمرات (دائما احنا نحقر الدورات) ولعلمك ترا الدورات لها تأثير مو طبيعي اصلا الشخص الي راح يسوي معاك المقابلة اذا شاف ملفك مليان راح يحس انك انسان مهتم وتحب تطور نفسك واعرف واحد شخصيا انقبل معيد في الجامعة مع انه في ناس معدلاتهم افضل منه بس هو يمكن عنده 30 دوره تقريبا يا اقل او اكثر واغلبها دورات مجانية تسويها الجامعة بس انت ابحث عنها وسمعت واحد خوي يقول ان واحد اتوظف بسبب دوره اخذها مو بشهادته فهذي هو الكلام وثالث شي احب اتناقش عنه هو وضع الراتب يعني الواحد لا يقعد يحلم ويقول ابغا راتب 8000 او 9000 او حتي 6000 انت اشتغل في قطاع محترم او شركة قوية معروفة وراح تتدرج اذا اثبت وجودك وطبعا مع الخبر راح تكون مطلوب من الشركات المنافسة وفيه قصة واحد يقرب لصاحبي انه بدى يشتغل براتب 2000 او 1500نسيت لانه كان مؤله جغرافيا تعرف محد حولك وبعد فتره مع اجتهاده اثبت نفسه وشد حيله الحين شغال في شركة الناغي يستلم 16000 الف تقريبا ( قول ما شا الله تبارك الله) هذا الي كان ودي اوضحه لك ياسين ولا تشيل هم افعل الاسباب هذا كله موضوع

بالنسبة لي ابشرك الحمد لله قدمت علي المنح الداخليه وجاني قبول في كلية CBA الي في ذهبان وعادلولي المواد تقريبا 52 ساعة والحمد لله يالنسبة لواحد من دفعتي شغال ما شا الله في الجبيل براتب طيب جدا والباقين الي منتظرين تقديم ارامكوا وبعضهم لا حيااااة لمن تنادي ان شا الله اكون وفيت وكفيت واي استفسار او اي شي انا في الخدمة

ACCoUNTING MAN. ^_*

[.,.نيــــــــــــــــــــران.,.]

اكاونتنق مان افدتني انا كثير :)

ربنا يسعدك ويوفقكم والجميع يارب

[accounting man]

امين يا رب ووياكي وحتي انا سعيد ان شخص استفاد من كلامي والواحد وده يكون انسان يفيد ويستفيد والحياة تجارب والخبره هي عصارة تجارب ناجحة وفاشلة وبالتوفيق للجميع
accoUnting MAN