حلم طالبة جامعة الملك عبد العزيز

[bent mankoosha]

السلام عليكم ورحمة الله وبركاته
اول شي دي اول مشاركة ليا.. اتمنى اني ما اكون تقيلة عليكم ويا ريت يكون بينا اخوة و يكون بينا مودة ورحمة (على بالي حتزوج ) المهم
موضوعي هو بكل بساطة إني انا اناشد الضمير في أحشاء المسؤولين
فيه كم شي كدا ابغى اعلق عليه عندنا في جامعتنا احنا البنات
اول شي احنا اوكي نحب نتشمس بس ترى هم لما صمموا الجامعة دي فهموا التشميس غلط
احنا نحب نتشمس في البحر ( او في بانيو بيتنا ) ارجوكم انا الشمس كدا حتعمل لي مضاعفات
بليز سقفولنا الجامعة
تاني شي ويمكن الشي اللي الكتير حيوقف ضدي فيه
لما التدخين يكون مسموح للشباب بس, يا ريت يسمحوا بيه لينا
حتقولوا شي غلط حرام حقول عالجميع مش محلل لفئة واحدة
الشي التالت
لما دكتورتي بكل ثقة داخلة الكلاس بخمسة جوالات بكاميرا وانا اتمنع من اني اشيل واحد بس احس اني نكرة في المجتمع
الرابع
الحوامل.. الكائنات المضهدة في الجامعة.. إجازة الأمومة اسبوعين بس!! ( بربكم)
الخامس
مبنى الآداب التعيس الآيل للسقوط ( التامن)... احذفوه, انسفوه, دمروه,انقلوه عند الأولاد, سوا اللي تسوه بس ما اشوفه تاني عندنا
الشي السادس
ما حوج الجامعة تكون كبيرة لدي الدرجة شوفوا لكم حل واسمحوا بالبسكليتــــــــــــــــــــــــــــــات
عشان لما اكون عاملة اني بنت ( على بالي ) ولابسة كعب لزوم الأناقة حتى لو كان واطي رجولي ( بتقيح)
عارفة حتسموني بنت مقرفة مش منكوشة
بنات أعلنوا وفاءكم وانضموا ليا
ويلا نشوفكم على خير
سلام

[wizard]

السلام عليكم ورحمة الله وبركاته
يا ستي الله ينصر دينك و يحلي ايامك و يلونلك حياتك
بس احب اضيف شئ من جد نفسي افهمه من زمان نحنا بعد كل اجازه نرجع نلاقي جزء من الجامعه مقفل بخشب وعمال وزوبعة وقلق ويزيدوا لنا مشوار يا طوله وبعد سنه اعتقد يروح الخشب ونفرح يمكن فتحوا لنا مبنى ولا كافتريا عدلة (والكفتريات حكاية تانية خالص) نلاقي ترااااااب زي كأنهم بيحاولوا اثبات اننا في بلد صحراوي ونحن الضحايا الى نكتشف صحراويتنا بالمس والحس وتدخلك جوات حبب عيونك و ممكن في فمك تروح البيت زي كأنك كنت بتلعب في حوض رمل
تانى الشى الكافترياااااات جامعة بطووووول وعررض فيها 3 بس اشتري وروح دبر نفسك وكل مدري فين
تالتا (بالتاء)المبنى العاشر مش احسن من المبنى التامن كتير يعنى اعتقد انه من زمان زمان يعنى قبل كم سنه من ورا انه كان حمام الله يعز السامعين
رابعا النااااااااااادى عليه باب الى يبغى مرض خنفشاري نفسي يجيلو يروح يجلس ويسمع صوته الخنفشاري مع كل وحدة داخلة خارجة

و بصراحة اشكرك لطرح الموضوع و ينصر دينك ويسعدك والله اكبر والعزة للاسلام

[fOfOoOo]

هذا كله في قسم البنات !!!

على كذا انتو في زريبه مو جامعه

على العموم اختي الحال لا يختلف كثيرا عندنا لكن اعترف انه الحال عندنا افضل منكم بكل الاحوال ..

الله يعينكم

[bent mankoosha]

السلام عليكم ورحمة الله وبركاته
مشكورة يا ويزارد وبجد معاكي حق في كل كلمة قلتيها
وانت يا فوفو مشكور عالرد
سلام

[Mureed]

وعليكم السلام ورحمة الله وبركاته ...

أولا ... أهلا وسهلاا بيك في المنتدى بين اخوانك واخواتك ...

ثانيا ... أنا حأعلق على كم نقطة ...

موضوع التدخين ... الآن صار ممنوع التدخين حتى عند قسم الطلاب وبأمر رسمي أو سامي ( والله نسيت ) ...
يعني كلنا في الهوا سوا ... والصراحة مع اني ادخن ، إلا اني ارى ان من حق الجامعة أن تمنع أو لا تمنع ...
مثلها مثل بعض المطاعم أو محلات التسوق ، اللي يعلقون لوحة مكتوب عليها ممنوع التدخين ...

موضوع الجوال ... أعتقد ان خلاص بعد كدا حيختفي هذا الأمر ولن نجد هذا المنع ، فكما سمعت انو صدر قرار
بالسماح ببيع الجوال مرة أخرى ، وبالتالي لن تجدي من يمنعك من الدخول بهذا الجوال ، إلا إذا وضعوا شروط معينة والله أعلم ...

ونقطة انو الجامعة كبيرة ... انا معاك ، والمشكلة انها ليست مستغلة ، فنرى مساحات فاضية ، ماأعرف ليش !!
بس امكن عنهم خطط مستقبلية للتوسعات وإضافة بعض المرافق أو زي كدا ... والعلم عند الله ...

إن شاء الله ماطولت ... وإلى الأمام ...

[dr_love]

اولا موضوعك حلو ويستحق الاهتمام يا انسة منكوشة
ثانياً ليه تبغي ترمي علينا مبنى ىيل للسقوط
كفاية مبنى 81 اللي كان يبغاله بس واحد يقفل باب اي غرفة بقوة وينتهي موضوعه
هدوه ابنوه تاني
بالنسبة للتدخين انا الحمدلله ما ادخن واشوف ان قرار منع التدخين مررررة مناسب واتقدم بجزيل الشكر لإصدار الامر السامي بمنع التدخين " على باله بيلقي نشرة الأخبار " بعدين لاتنسي ان الحوامل بيتأثرو بالدخان وكمان في طالبات عندهم امراض في الجهاز التنفسي زي ما عندنا اخنا الطلاب ربو وضيق تنفس ... الخ
ثالثاً انا معاكم ان اجازة الحوامل مررررررة قصيرة ويبغالها 3 اسابيع عالاقل اصلا ما اعرف كم الاجازة العادية للحوامل " الغير دارسين "
وايش كمان
ايوة صح افتكرت
بالنسبة لجوالات الكميرا خلاص صار مسموح بيها بس ما ادري كيف النظام بالنسبة للطالبات بس للاسف انتو بتتحملو افعال التصرفات الخاطئة
يعني وحدة زعلانة من بنت تانية تصورها وتحط صورها في النت وبس
يعني للاسف الشر بيعم والخير يخص
لكن لازم يطبق النظام عالكل يعني الدكاترة ما يشيلو جوال بكاميرا زيهم زي الطالبات
هذا رأيي اتمنى يناسب جميع الاراء
واسف على الاطالة

[العاشق الساهر]

الرسالة الأصلية كتبت بواسطة bent mankoosha السلام عليكم ورحمة الله وبركاته اول شي دي اول مشاركة ليا.. اتمنى اني ما اكون تقيلة عليكم ويا ريت يكون بينا اخوة و يكون بينا مودة ورحمة (على بالي حتزوج ) المهم

وعليكم السلام ورحمة الله وبركاته
ويامية هلا فيكِ بيننا

الرسالة الأصلية كتبت بواسطة bent mankoosha اول شي احنا اوكي نحب نتشمس بس ترى هم لما صمموا الجامعة دي فهموا التشميس غلط احنا نحب نتشمس في البحر ( او في بانيو بيتنا ) ارجوكم انا الشمس كدا حتعمل لي مضاعفات بليز سقفولنا الجامعة

طلب مشروع
بس يقولوا الشمس مفيده للبشره <<< هذا أهم شي عند البنات

الرسالة الأصلية كتبت بواسطة bent mankoosha تاني شي ويمكن الشي اللي الكتير حيوقف ضدي فيه لما التدخين يكون مسموح للشباب بس, يا ريت يسمحوا بيه لينا حتقولوا شي غلط حرام حقول عالجميع مش محلل لفئة واحدة

التدخين لو سمحت فيه الجامعه فرب العباد حرمه
فما اعتقد أنك تقدمي شرع الجامعه على شرع الله سبحانه وتعالى
بعدين بنت تدخن !!!
مو على اساس أنتم زينة الحياة الدنيا !
وبعدين اذا كان الشباب جهال وسفهاء
واللي يسمح لهم بالتدخين أجهل منهم
تقارنوا نفسكم فيهم ليه
يعني اذا الناس انحطت تنحطوا معهم ؟؟؟

الرسالة الأصلية كتبت بواسطة bent mankoosha الشي التالت لما دكتورتي بكل ثقة داخلة الكلاس بخمسة جوالات بكاميرا وانا اتمنع من اني اشيل واحد بس احس اني نكرة في المجتمع

لا والله المجتمع النكره
مافي دوله منعت جوال الكاميرا الا السعوديه ليه ما أعرف

الرسالة الأصلية كتبت بواسطة bent mankoosha الرابع الحوامل.. الكائنات المضهدة في الجامعة.. إجازة الأمومة اسبوعين بس!! ( بربكم)

ياللهول أسبوعييييييييييييييييييييييين بس !!!!!

الرسالة الأصلية كتبت بواسطة bent mankoosha الخامس مبنى الآداب التعيس الآيل للسقوط ( التامن)... احذفوه, انسفوه, دمروه,انقلوه عند الأولاد, سوا اللي تسوه بس ما اشوفه تاني عندنا

بيني وبينك
الجامعه كلها آيله للسقوط
( لا تقولي لأحد ) ههههههههههه

الرسالة الأصلية كتبت بواسطة bent mankoosha الشي السادس ما حوج الجامعة تكون كبيرة لدي الدرجة شوفوا لكم حل واسمحوا بالبسكليتــــــــــــــــــــــــــــــات عشان لما اكون عاملة اني بنت ( على بالي ) ولابسة كعب لزوم الأناقة حتى لو كان واطي رجولي ( بتقيح) عارفة حتسموني بنت مقرفة مش منكوشة بنات أعلنوا وفاءكم وانضموا ليا

أنتي ناويه تدخلي مظاهره مو تطرحي موضوع
على العموم أسلوبك يشجع البنات يجوا بصفك
لكن مين راح يسمع ؟؟؟؟؟؟؟؟؟؟؟؟؟؟؟

وفي الختام أتمنى أن أرى منكِ مواضيع أكثر وأنفع في الايام القادمه
واسمحي لي أن أعدل كلمة في عنوان موضوعك
لأنه في اعتقادي اللفظ لا يناسب المنتدى وخصوصا أنه يمثلنا كجامعيين



وسلامي

[Naser]

موضوع جميل ومفيد
وفيه مقاطع أضحكتني ( بقوة )
وأستميحكم عذراً بنقل الموضوع إلى مكانه المخصص وهو ملتقى الطلاب والطالبات .
وليس منتدى الوناسة والأصدقاء .

تحيتي لكاتبة الموضوع
أدمن

[bent mankoosha]

السلام عليكم ورحمة الله وبركاته
مشكورين كلكم عالمرور
وعلى تعليقاتكم
والعاشق الساهر مش مشكلة اذا غيرت في الموضوع حلالك ( بس عبدالمجيد احسن من كاظم)
و admin عاتشي (عادي ) لو نقلت الموضوع انت ادرى مني اكيد

[العاشق الساهر]

الرسالة الأصلية كتبت بواسطة bent mankoosha ( بس عبدالمجيد احسن من كاظم)

أهااااا أشوف الجوائز مكومه في درجه