اللي أخذت مع أ / إكرام.... تدخل

[miss2009]

مرحبا ..

كيفكم ..

وكيف جداولكم ..

إن شاء الله تمام..

ابي أطلب طلب لو سمحتو..

اللي أخذت عقود إداريه مع الأستاذة إكرام ممكن تقولي الكتاب المقرر وكيف أسلوب الأستاذة في الأسئلة؟؟

[Juliet]

سلااام
ايوا بالله الي اخدت معاها قبل كدا تقولنا كيف الاستاذه.. اسلوبها واسئلتها وكيفها في الدرجات :)

[تولين^_^]

اوكي انا اخذت معاها مبادى قانون هذا الترم الاستاده طيب

وحقانيه مرررررررررره عارفه لو ليكي درجه عندها روحي تعطيكي هيا حتى لو نص

اسئلتها حوه تراجعلنا كانت قبل لاامتحان احنا نطلب وترضى تاخذ راينا بكل شي

بس مشكلتها بسييطه انها عشان جديده تحسها تضيعك فالشرح تدخل بكم موضوع بنفس الوقت يعني لو

تكتبي وراها ترجعي البيت تحسي انك حايسه مو زي استاذه امل شلبي بس ترى هيا طيبه والله تجنن

[ملاك بن هاشم]

معليه ياأختي شكلك تتكلمي عن اكرام ثانية مو معقووووووووووولة

دكتورة اكرام اخذت معها قضاء اداري وكانت جدا سيئة في التعامل والدرجات والشرح وكله

تتعامل معك بالصراخ وغير قابله للتفاهم وتنقص درجات على كيف كيفها بس اللي تعرفهم تعطيهم حقوقهم وزيادة عمري ماشفت ظلم صريح اللي بتسويه وعنيدة جدا لو وحدة تراجعها على درجات اختبار ماتعطيكي مجال على طول صراخ يعني ماتسمع الا لنفسها

مادري ليه هي بتسوي كذا ؟ يمكن عشانها جديدة ومو عارفه كيف تتصرف ؟ الله أعلم !

عالعموم تبغي تجيبي درجات عندها ركزي على المراجعة معها لانها بتقول كل اللي بيجي بالامتحان فيها وامشي على كلامها حتى ولو كان مخالف للكتاب ..

[ملاك بن هاشم]

لاتنسي تروحيلها المكتب وتحفظيها اسمك وسوي شويتين عليها عشان تعتبرك ممتازة عندها وفوقه اجتهاد يعني اجتهاد وحده مايأكل عيش

حسبي الله على كل ظالم

[امووونه]

انا درست مع اكرام عقود اداريه بصراحه هي طيبه بس طيبتها على قول ملاك ماتاكل عيش
تحاول تفهم بس مو قادره انا بصراحه العقود حفظت الكتاب نصا لافهمت ولا غيره واليوم لو تساليني شي فيه اقلك تبخر لانو بصراحه بس حفظ وغير كذه اكلت علي درجاااااااااااااااااات مو درجه بس كل من له حق بياخذه اليوم اذا مو اليوم بكره
وراح تطلب منكم بحث تراها تبلع درجات فيه بشكل مو طبيعي اصلا هو اللي بيدها عشان تلعب في الدرجات
وعلى الكتاب سالتها عنه تقول غيرته لان بصراحه الترم الماضي كل شي نسالها فيه تقول مو عارفه بس العيب بالكتاب انتي شدي حيلك وسوي اللي عليك وبالتوفيق ياعســــــــــــــــــــل

[امووونه]

راجعي درجاتك عندها اول باول ترى عندها لخبطه مو طبيعيه وتنسى اعطت طالبه عندهافي الـ 80وهي قايلتلها انو اخذت في الـ90
والحين يوم راجعتها البنت قالت مايمديني اغير الدرجه الله يعين على حوسة مخهم

[Do0o0Di]

اكرام هدي حكايه تانيه

بجد احسها ضايعه صحبتي ادتها 75 ولما راجعتها طلع انها غلطت في الدرجه ولما البنت قالت لها عدلي درجتي

قالت لها دحين ماينفع لكن خدي معايا قضاء اداري وانا حعوضك

حلوه دي

وبعدين انا اخدت معاها عقود اداريه ابدا ابدا انسانه مو حقانيه لازم تكون تعرفك وتروحي لها المكتب وتهرجي معاها

انا دخلت الاختبار النهائي ناقصه درجه بس وحليت في النهائي وكانت عندي غلطتين في الصح والخطا وسالتها كم عليها

قالت لي درجتين

لكن للاسف نقصتني 8 درجات ليش لغايه دحين مو عارفه

وبعدين جابت لنا سؤال احنا ماقد اخدناه قبل كدا في ماده العقود الاداريه لانو احنا كنا مع د/بسام الله يسعده واختبرنا الدوري

الاول معاه

وقالت في النهائي راح ادخل معاكم دروس من محاضرات بسام قلنا لها انتي مو عارفه دكتور بسام ركز على ايش

قالت ادوني المحاضرات عشان اشوفها وفي النهايه جابت لنا حاجه ماقد اخدناها في المنهج

انا لو بيدي اغير الماده مع اي دكتوره تانيه بس مضطره اخد معاها قضاء

انتي حفظيها شكلك دي اهم حاجه وزاكري كويس

وإن شاء الله ربنا يوفقك

امووونه شكلك كنتي معايا في عقود اداريه الترم اللي فات

[امووونه]

كنت معاكي يادوووووووووووووودي وكمان قضاء معاكي شفتي بس كيف البهدله على اصولهـــا
وقعنــــــــــــــــــــــــــــــــــا ومحـــد سمــا علينـــــــــــــــــــــــــــــا

[Juliet]

الله يستر..