مساعدتكم.. سؤال عن مستقبل التوظيف بطب الأسنان (عنوان مخالف تم تعديله)

[ورد و زهر]

السلام عليكم ورحمة الله وبركاته
أنا زميلتكم من جامعة طيبه وخلصت السنه التحضيريه بمعدل عالي 4.9(ماشاء الله ) وأنا حابه تخصص طب الأسنان مو حابه الطب البشري لاكن المشكله كثير يقولولي إنو وظيفته صعبه يعني بصعوبه حتى تلاقي وظيفه ومن هذا الكلام والله محتاره صراحه أبغا مساعدتكم يا طلاب طب الأسنان لأنه إحنا أول دفعة في جامعة طيبه ومو عارفه وضع طب الأسنان وصح التوظيف قليل لأني أنا الحمد لله معدلي يدخلني طب بشري ويمدني أغير الرغبات لحد الآن
وكيف يكون التوظيف لإني حابه طب الأسنان بس خايفه يطلع هذا الكلام صح

[الباشا666]

مين قالك اختي انو وظايفو قليلة

لا بالعكس وظايفو متوفرة بس يمكن اللي يتخرج بمعدل قليل يتاخر عشان يتوظف مو ما يتوظف يتاخر بس

بعدين دكاترة الاسنان مطلوبين سواء حكومي او خاص

وكمان احنا احسن من البشري انو نقدر نفتح عيادات خاصة ...

واستخيري وان شالله اللي كاتبه ربك بيصير

[د.رايق]

السلام عليكم يالغاليه

أولا ابارك لك المعدل الي جبتيه ماشاء الله عليكي هذا يبين انك ممتازة وشاطر ... لا وبجامعة طيبه.... انا درست فيها واكلت هوا لان الدراسه فيها صعبه وخاصة السنه التحضيريه والدكاتره الي فيها..... بس الحمد الله اني حولت جامعة الملك عبد العزيز..

((( الله يعينك يارب بجامعة الطيبه او بالاحرى جامعة خيبه ...... وبالتوفيق إن شاء الله ..... طب الاسنان رائع بل واكثر من رائع ............ انا كنت زيك محاتر بطب البشري وطب الاسنان .. وقعدت اسئل كثير وكل شويه وانا اغير بين الاثنين هذي ... واخر شي حطيته طب بشري ورضيت فيه .... بس باخر يوم قبل مايقفلوا ترتيب الرغبات قمت وغير طب اسنان ارتحت فيه كثير ولاني سئلت عنه كثير ... ومشكلتنا مي هنا مشكلتنا اننا نحب نسمع من الناس ايش يفضلوا وكل ماتكلمي واحد يقولك رايه او هو ايش يحب وهذه بحد ذاتها مشكله او اننا نبغى نلبي رغبات والدينا وضعنا بالشي الي نبغاه مو عيب اننا نرضيهم ... بس العيب اننا مانرضى بالي دخلناه .... انا سئلت واحد دكتور .. دخل طب بشري وقالي انو طب الاسنان احسن بكثير واريحلك والتوظيف لاتشيل همه الايام تمشي وماتدري ايش يصير بعد 6 سنوات ......))))
المعذرة على الاطاله ... بس لاني عشت التجربه هذي


تقبلي خالص تحياتي

[Dr~NanoOok]

الوظيفة والعمل هذه رزق
وأرزاقنا مكتوبة لنا من قبل أن نولد بخمسين الف سنة في اللوح المحفوظ

فليش أشيل همه من الآن.. وأخليه هو هدفي !
وعلى أساسه أكمّل في القسم "اللي أنا حابته" أو اللي ما أحبه.. ما يهمني
المهم وظيفتي بعدين !

وكلاااااام كتير بينقال في المجال دا

اللي بيقول اللي يبغى وظيفة مضمونه .. يروح أي تخصص طبي وأكيد حيلاقي

واللي بيقول العكس تماما.. ان الدكاترة مملين البلد وما حيلاقوا وظايف

و و و كلام من كل الأنواع !


ومنه الين لما نتخرج وبعد 7 سنوات دراسة
امكن ربنا يفرجها ويغير الأحوال.. للأفضل أو الأسوء.. الله أعلم

لكني اللآن أنا ايش ابغى.. وايش اقدر أكمل فيه برغبة وحب
هو اللي حختاره وامشي فيه باذن الله

طبعا هذا كله من بعد استخارة الله.. فهي أفضل وأروع علاج لحيرتنا

وبالتوفيق ,,

[ورد و زهر]

والله مره شكرا لكم
والله يوفقنا دنيا وآخره

[Loly Licious]

لا تسمعي كلام الناس ياقلبي اسمعي كلام قلبك وعقلك وبس