هنا تجّمع بنات المحاسبه (حست في القروبات الثانيه) :)

[حروف البسمه]

السلام عليكم


اش رايكم يا بنات المحاسبه نتجمع هنا وبدون ماندخل في متاهات تخصصات ثانيه

نتكلم عن تجاربنا (الحقيقيه ) مع الاستاذات والمواد الاساسيه و الحره و الاختياريه

ما نبغى سمعت وسمعت عن هذي الاستاذه ...لا نبغى تجربتك انتي مع الاستاذه من ناحية

الشرح و من ناحية توزيع الدرجات والتكاليف والماده سهله او صعبه حفظ او فهم..

وعن الدورات اللي راح نستفيد منها في مجال تخصصنا واللي قد أخذت دورات تقول لنا متى

كان وقتها يعني بداية الدوام او نهايته عشان نقدر نحط بريكات تناسب الدورات<<البدايه حماس

والنهاية سوالف وقرقره وووو .....ههههه


وبس :) حياكم

يارب نخلص الجامعه ونتخرج بمعدلات عـــــــــــاليه ونلقى وظائف مرموقه ونصير محاسبات

عالميات << الطموح قد الجبل ههههههه

[حروف البسمه]

يلا انا أبدأ

اخذت محاسبه 101 مع عيشه السيد ماعجبتني يعني الملزمه اللي نزلتها ريم صقر وساره بكر احنا نكتبها كتابه باليد

والسبوره كلها حايسه على بعضها وشرحها هادئ مره ينوّم بصراحه انا ماعجبتني بس الحق يقال أسئلتها مو سهله وبس

إلا رووووووووووعه موووووووويه هي اللي تهون علي ...ونصيحه 101 خذوها مع استاذه ريم صقر لأن ملزمتها

صارو الاستاذات يسوو زيها


ومحاسبه 102 اخذتها مع رغده الرملي يعني الماده سهله وحلوه احسن من 101 وتغيب و احسن شئ تخلص المحاضره

بسرعه بس يبغالك تذاكري أول بأول واللي مو حلو في هذي الاستاذه انها تشرح بسرررررعه وكأن الكل فاهم بس

اللي يهون ان الماده حلوه


تحياتي

[حروف البسمه]

يلا اشوف تفاعلكم عشان أكمل عن المواد الحره والاختياريه :)

[memoo2009]

السلام عليكم

انا هذا اول سمستر لي في المحاسبه وما اعرف شي ان شاء الله البنات يفيدونك

[حروف البسمه]

شكرا ميمو وان شاءالله تنبسطي في التخصص

[بنت من الجامعه]

يابنات المحاسبه واولادها
عندي بعد الأسئله حابة أسألها عن القسم ممكن تفيدوني ؟؟
أولا : سمعت انو بنات المحاسبه ياخدو مكفئهاعلى من التخصصات التانيه يعني 900
ايشمعنا ؟؟ يعني ايش شي مميز في المحاسبه عشان يعطوهم مكافئه اعلى
تانيا ::
مين أتخرجت كده ولقت لها وظيفه بسرعه زي الحلوين
يعني ماجلست سنه عاطله في البيت :(
وفين اتوظفت ؟؟ وكم اخدت راتب >>>لقاافه
يعني انا حابه اخد فكرة عن الوظايف مستقبلا
ايش وفين وكم ............ الخ
ياليت تفيدوني يا جروب
واسفه على أسألتي اللي مالها داع بس حابه اخد فكرة لغرض في نفسي
يسلموووووووووووو

[تورللي]

كويس نزلتي الموضوع كانت فكره في راسي وانزلها

بالنسبه للأستاذات المحاسبه اخدت
محاسبه 101 مع ساره بكر قليله فيها ابدااااع تخرجك فاهمه من المحاضره تأسس الوحد مزبوووط
نجي لـ102 اخدتها مع ريم صقر مثل سابقتها ساره بكر ايش ما اقول مايوفي فيهم..

بالنسبه للموا د الحره اخدت فقه عبادات مع منيره المريطب الماده مرره يبغالها تركيييز ومذاكررره من قلب >> نيلت فيها

الموضوع مره حلوو وان شاء الله بنات المحاسبه ما يقصروا يكتبوا اللي عندهم..وكل عام وانتو بخير

[حأقعد عالكاشير]

احم احم
بسم الله أبدأ

اول شي اخذت محاسبة 101 مع نهال الجندي
بصرااحه اللي يركز معاها هوا اللي يمشي اسألتها نفس اللي تشرحوا
وطيووبه وعسل مشيت معاها الحمد لله

اللي مو حلو فيها انو البنات لمن يتكلموا تسيبهم لانها ماشاء الله صبوره
بعدين بعد ما يتشتت تركيزك تنبههم مو تصرخ عليهم تنبههم
وعاد يكون خلف الله علينا

محاسبة 102 اخذتها مع عيشة السيد وكرهت عمري
جابتلي النوم بس اسئلتها سهله ولو قلتيلها اشرحيلي تاني تعيد ماشاء الله عليها

محاسبة حكوميه اخذتها مع ساره بكر احلى محاسبه بصراحه حبيت الماده منها
فنااااانه الاستاذه هذي ومبدعه ربي يحفظها واسئلتها عادية لاسهله ولا صعبه اذا انتي فاهمه تحلي
بالراااااااااااااحه انصحكم بيها


اش كماااااااااااااان ااااا اخذت اقتصاد جزئي مع ايمان علي
كانت طيبه واسئلتها حلوه وتعطيكي اوراق مراجعه
بس اللي قاهرني فيها انو ماتدي المشاركه كامله لاي احد يهمها تقدمي الواجب بشكل مرتتتتتتتب وجميل ولازم صح
وتشاركي معاها في الكلاس كمان
بس طيووووبه

واقتصاد كلي اخذتو مع سلوى صابر شرحها فنااااااان بس اسالتها يبغالها فهم من قلب وتركزي لمن تذاكري تجيب من بين السطور بس ماشاء الله عليها تفهم

تحليل كمي ومادة بحوث عمليات (اختياريه)
اخذتها مع امل تركستاااني قليل فيها مبدعه مرررررررره طيبه تساعدك كثير
انصحكم تاخذوا معاها لاني حبيت المادتين منها لانها لزووووزه وتفهم


وبس
واي شي ثاني انا في الخدمه:)

تحيتي للعسلز
وكل عام وانتو بخير^^

[حروف البسمه]

شكرا على تفاعلكم

ويا اختي (حأقعد عل الكاشير) كيف مادة بحوث سهله والا صعبه ابغى شئ يرفع العدل؟؟

وبالنسبه للمواد الحره اخذت سيره نبويه مع أ.ناديه قربان الماده رووووووووووووووووعه

وتعيشي الجو أكثرها قصص ممتعه عن حبيبنا ورسولنا محمد صلى الله عليه وسلم

الله يجمعني واياكم به وصحابته في الجنه

والاستاذه تجنن تحدد الكتاب واكثره محذوف وتجيبي a بالراحه بس فيه نقطه كانت تضايقني

كانت الاستاذه تقول لاتحفظو اسماء الاشخاص اللي في الغزوات وبعدين تلاقيها جابتها اختيارات في

الاختبار <<<ورطه صح هع.. بس ماراح تروح درجات كثير بس مشي حالك وفيه برزنتيشن

تختاريه عن درس من المنهج وتعرضيه مره سهل تلاقيه في كل مكتبه ...

[my silent story]

عيدكم مبارك <<بعد الزحمة
تسلمين ع الموضوع ...

أقولكم عن تجربتي البسيطه في الحياة الجامعيه <<هههههههههه

*محاسبة 101مع ريم صقر الله يوفقها بصراااحه مبدعه وتفهم بمعنى الكلمة
*محاسبة 102مع صفية ماتشرح كثير بس نزلنا ملزمة أستاذة ريم وهي تقرألنا منها بس الماده مررررره سهله أسهل من 101

*اقتصاد جزئي مع عفاف عايد هذه الأستاذه مرررررره روعه شرحها حلو وتفهم وتخليك تكتبي معها ع راحتك وأسئلتها سهله من نفس اللي تقوله بصراحه كنت محظوظه لما أخذت معها..

*اقتصاد كلي هذه الماده حلوة بس انا حوست فيها في البداية درستنا أ.حنان الجشعم وبعدين أ.سلوى

اسئلتها مدري من فين تجيبها مع اني اذاكر من بين السطور حتى بس النهائي موحد وجاء أسهل من اسئلة سلوى

*تحليل كمي 1_2 اخذتها مع د.نرمين فهمي الله يسعدها مررره حبوبة شرحها مو مره بس تحاول إنها تفهمك بأقصى جهدها و أسئلتها سهلة أم المادة كأنها رياضيات الثانوي مع شوية إختلاف..


أما المواد الإختياريه اخذت :

إدارة عمليات مع أ.خديجه ضباب بصراحه المحاضره مو بس ممله إلا تجيب النوم كمان ماتشرح بس تقرأ من العروض اللي نسخة الكتاب ولازم تسوي عرض مع قروب طبعا
وعن أسئلتها جابت إختبارين سهله فيها نفس مسائل الكتاب والإختبار الدوري الثاني شكيت إنها هي اللي كاتبه الأسئلة مررره صعبه بس الحمد لله طلعت بــ a...

وأخذت سلوك تنظيمي مع أ. نسرين خياط شرحها عادي تقرأ اللي في الكتاب ولازم تسوي عرض عن أحد الفصول وتعرضيه كمان أسئلتها مو مره فيها السهل وفيها اللي شوي..


وبس << مابغيت أخلص ههههه

أتمنى التوفيق للجميع