بنااات تخصص الاحيااء و بناااات تخصص الفيزياء تعالوا بسررعه

[Dr.sarona]

السلام عليكم احلى حلم مواد الاحياء كثيره من زمان فدفعتي مثلا درست اول سنه مايقارب 18ماده >فيسك اكيد كدا دحين
وكمان عندك اول جدول كلو معامل بس في معامل بدون اللاب كوت او بمعنى اصح تاخدو المعمل كانو نظري زي ماده وراثه عامه واساسيات علم بيئه
من ناحيه الانجليزي فاحنا درسناها بس مصطلحات مو منهج يعني اسم حيوان او تصنيفو بالانجليزي
والرسم عاد اول معملين الله يعينك عليه لانك ماحتكوني متعوده انك ترسمي من الشي اللي تشوفيه من المجهر>بس هادا مو معناتها تخافي منو
والحفظ والفهم دا شي راجع لك>بس مافي شي ينحفظ دون ماتفهمي خصوصا انو اغلب الدكتورات تقول اقرائي واكتبي اللي فهمتيه
باقولك شي مهم ادا انتي من الناس اللي تقرف فحتلاقي بتخصص الحيوان اشكال وانواع من التشريح والعينات فلازم تكوني صبوره-افتكر شرحنا سمك طلعنا من المعمل فواحات خخخخ-
الجداول مافيها ضغط بس انتي فكري اي تخصص حتدخل بالاحياء؟؟
والله يسهلك وعادي ماتعبتيني