مافيه حيله.... أقرأ ملح القصيد.....

[THE EXPERT]

يا شيـن طبـعٍ فيـك .. يا زيــن الأطبـاع
....................... لولا الرجــاء .. ما كان خلّيته .. يفـوت
سَـنَـع .. يشـوّه لا تـذكّـرتــه .. أسـنـاع
....................... مثل الحصاة .. اللي وسط عقد ياقــوت
تخـفي هيـامـك .. وإنت ميـّـت وملـتـاع
....................... ما تـدري إنه في ملامـحـك .. منـحـوت
ويبخل لسانك .. وإنت للسمع .. طمّـاع
....................... والبخل .. في سِلْم المحبيـن .. ممـقـوت
الحكي .. قوت السمع / وأسامعي جياع
....................... ومسامـعي ماتت من الجـوع .. للـقـوت
وحكي الغزل في صدرك أشكال وأنواع
....................... لكن صمتك .. حوّل الصـدر .. تـابـوت
إلا طَلَبتـك وصـل .. صعّبـت الأوضـاع
....................... مدري .. من اللي درّسـك جعله يمــوت
تصـد .. ما كـنّـك من الصـد .. مـرتـاع
....................... وإن قلت : يا القاطـع .. تلفّـت مبـهـوت
أقطع بـ دَرْب مواصلك في الشهر.. باع
....................... وإلاّ إنت تقطع للوصل فـ السنة .. فوت
طعني .. وطاوع واحدٍ فيك .. ما طـاع
........................ ناسٍ ضعاف عقول / وأشوار / وبخوت
وإلطف بحال اللي نحـل حاله .. و راع ..
........................ قلبٍ جروحه .. تنزف أفكار .. وبيوت
قلبـي .. إلا منّه شـرى قـلـب .. ما بـاع
........................ وإنت هالله هالله فيه .. والعمـر موقوت
اسمع أشعاري في الهوى وارخ الأسماع
......................... ياللي غـلاك بـ تربـة القلب .. مكـتـوت
لا .. للفـراق .. و لا .. لتجديـد الأوجاع
........................ ونعم .. نعم للوصل .. لو كان بالصوت




الشاعر
محمد بن حمد بن فطيس المري

[ام حمدان]

ياسلام احترت كل بيت احلى من الثاني
هالقصيده صراحه اول مره اقراها للشاعر محمد بن فطيس
صراحه يعجبني هالشاعر كثييير واحسه فعلاً يستاهل يكون شاعر المليون ومحترم جداً حتى غزله عفيف وهذي ميزه قليل نلاقيها فشعراء اليوم
اشكرك عالنقل الي امتعني

[أم خالد2010]

صح لسانك كلام في منتهى الروعة مشكور اختك ام خالد

[THE EXPERT]

المشاركة الأصلية كتبت بواسطة ام حمدان ياسلام احترت كل بيت احلى من الثاني هالقصيده صراحه اول مره اقراها للشاعر محمد بن فطيس صراحه يعجبني هالشاعر كثييير واحسه فعلاً يستاهل يكون شاعر المليون ومحترم جداً حتى غزله عفيف وهذي ميزه قليل نلاقيها فشعراء اليوم اشكرك عالنقل الي امتعني

الأمتع هو تواجدك

شاكر لك مرورك

[THE EXPERT]

المشاركة الأصلية كتبت بواسطة أم خالد2010 صح لسانك كلام في منتهى الروعة مشكور اختك ام خالد

شاكر لك تواجدك

[عمر من الأعمار]

أخي الفاضل العزيز the expert : أبصم لك بالعشرة إن ذوقك رفيع .
مع أصدق تمنياتي لك بالتوفيق والنجاح في حياتك العلمية والعملية والأسرية وموفق إن شاء الله .

[THE EXPERT]

المشاركة الأصلية كتبت بواسطة عمر من الأعمار أخي الفاضل العزيز the expert : أبصم لك بالعشرة إن ذوقك رفيع . مع أصدق تمنياتي لك بالتوفيق والنجاح في حياتك العلمية والعملية والأسرية وموفق إن شاء الله .

يا أخي العزيز عمر من الأعمار ,,, فأذا ذوقي رفيع ابصملك بالعشره انك منع الذوق

وأسأل الله ان يوفقك