الفزعـه يا الربع .. ولا ترى بزعل عليــــــــــكم : <

[ملاك الجامعية]

اممم انا مو طالبه بكلية الطب لكن طالبة بالتمريض يعني حولها >>>لا حلفي

فراح اعطيك نصيحتي انا العام كنت زيك افكر بالطب وفي نفس الوقت افكر بالفله بس بصراحه كان موضوع الطب وعشقي له غالب

المويهم دخلت التحضيرية اللي بالفعل افادتني كثير عرفت ايش قدراتي وقدرت اختار اللي ابغاه

وكان اول تخصص كتبتوا برغبات التسكين العلوم الطبية تخيل من طب لعلوم طبية وتمسكت برائي كثير

تعرف ليش لانو كان عندي سنه اكتشفت فيها قدراتي وحسيت اني بالفعل ماابغى الطب


حلو انك تفكر من الان لكن لاتاخذ قرار مستعجل عندك سنه شد حيلك اعرف نفسك وشخصيتك وميولك لانوا اي شخص طالع من الثنوي بيكون مرتبك بخصوص المستقبل وغيروا


وللعلم انا بعد سنة من التحضيري اللي كنت مصره ادخل طب غيرت رائي للتمريض بس ماقدرت ادخلوا قمت سحبت من الجامعه ودخلت كلية التمريض

ودا كلوا بفضل السنه التحضيرية اللي اكتشفت فيها ميولي الفعلي

انا اسفه طولتها وهي قصيره هع

في النهايه قود لك اخ مدحدر

[مدحدر]

يا عيني يا عيني

شيء حلو .. ان كل واحد يعطيك شيء من خبرته وتجربه مرت عليه

بصراحه شاكر لكم تفاعلكم .. ورايكم باخذه بعين الاعتبار

شاكر لكم تواضعكم .. يا ساده

واتمنى المزيد من التفاعل


مدحدر

[dr.yasser.m]

- محسوبكم ( مدحدر باشه - الزاحف الكبيـر ) .. ماله اي خلفيه عن تخصص الطب غير [ اسمـــــه ]

هوا الصراحة لازم يكون عندك دكتوراه طب عشان يدخلوك الكلية , ايه ياعم ترى كلنا كلنا دخلنا الكلية ومانعرف شي حتى اذكر يوم كنت بسوي الكشف الطبي رحت العيادات الطبية حقت الجامعة وحسبتها المستشفى الجامعي خخخ

2 - بالنسبه لـ مدة الدراسه .. بصراحة انا مو متخيل نفسي ( اعتكف ) ف ِ الكليه (6 - 7 ) سنين !! مثلكم عارف ،، الشخص له امور ثانيه مستعجل عليها ( من زواج وغيره .. وكلكم مفهوميه عااااااااااد )

يا يا أخا العرب أولا هيا ستة سنوات بس لأن السابعة تستلم فيها راتب يعني زي الوظيفة , بعدين ترى مو كتيرة لو تحسبها ترى تمر عليك في لمح البصر ولاحق عالزواج ياعم خخخ
ويعني لو قلنا انك مثلا دخلت هندسة حتدرس خمس سنين , مافرقت الا سنة وحدة

3 - كثير اسمع ان طلاب الطب - حفظهم الله - يجلسون مع الكتاب ( 4 - 5 ) ساعات .. باليوووووووم ؟؟ يعني بصراحه يا شباب ماتحسون بانه شيء مبالغ فيه وكثيــر ؟؟

بغض النظر عن المدة لو انت دخلت تخصص وحابه بجد حتلاحظ انك تجلس 10 ساعات عالكتاب كأنها ساعة
ولو دخلت أبسط تخصص في العالم بس انت كارهه حتحس انك مخنوق بجد وقتها
وأنا بأتكلم كلام عن تجربة شخصية . وبالنسبة للوقت الي انت ذكرته ابدا مو زي ماقلت حتلاحظ تجيك ايام تكون بجد مشغول وماتقدر تقرى ولا نص دقيقة وتجيك أيام ممكن تقرى فيها أكتر من خمس ساعات وتمر عليك من دون ماتحس فيها
بس بصراحة بصراحة حسيت من سؤالك دا انك بزنس مان خخخخ

4 - والاخيره : خايف ادخل كلية الطب واسوي زحمه وماني عارف ايش وبالحلقه الاخيره .. أجيـــــــب العيد ،، وأندب سنيـــــــن العمر .. واغني [ ياليل مطولك ] ،، يرضيكم اغني ياليل مطولك ؟؟؟؟؟؟؟؟؟؟؟؟

حأكون صريح معاك اعرف ناس كتير استمرو سنة واتنين وتلاتة وبعدها بطلو طب
بس أغلبهم ناس دخلو الطب مجبورين أو إنهم دخلو من دون هدف وفكرو في الطب من ناحية مادية واسم وكلام فاضي
بس خدها مني لو دخلت الطب بنية صالحة وصادقة وكنت حاب التخصص وحاب المهنة ماراح تتخلى عن دراسة الطب ابدا ابدا ابدا حتى لو كانت مية سنة .
وبالتوفيق ..

[مدحدر]

يا عيني عليك يا د . ياسر ،، هذا الي يسمونه " فن الاقناع "

وعجبتني صراحتك كثير وتفاعلك مع الموضوع .. يا كويس

يجوز تكون المشكله فينا ( على اساس : ماخذين الطب ) انه شيء ،، خرااااافي

انا اتوقع الشيء هذاا ،،

على العموم ،، يعطيك العافيه .. يا ابو الشباب ،، وانبراشتك على موضوعي

شاكر لك ..


مدحدر