استفسارات طلاب فرع شمال جدة (عسفان)

[م.نآإأيفـ]

السلام عليكم ورحمة الله وبركاته

بما ان التساؤلات كثرت من طلاب كلية الهندسة فرع شمال جدة (عسفان)

..

..

..


..


أتمنى يكون هالموضوع تجمع لطلاب هالفرع

وإن شاء الله كل معلومة مهمة واخبار جديدة راح نضيفها في الموضوع الرئيسي مرفقة بإسم صاحبها..

عشان تعم الفائدة ونجيب على جمييع التساؤلات

وبعد اذنكم راح ابدأ بإستفسارين :


*الخطة الدراسية (متى راح تنزل؟؟)

*مكان الدراسة (بما ان المباني تحت الانشاء..راح يحطونا مع طلاب جدة ولا رابغ !! او تحدث المعجزة وتكون المباني جاهزة مع بداية السنة)

*وماهي التخصصات المتاحة..؟؟



اتمنى التفاعل ّ

و تحياتي للجميع ~

[crazy 4ever]

الله يسعدك دنيا واخرهـ لسا اليوم كنت بنزل نفس الموضوع ..انا انقبلت في فرع الشمال واليوم مسافر بره وعودتي حتكون قبل بدايه الدراسه بخمسه ايام وشاااااااايل هم واتمنى لمن ادخل الموقع اعرف كل شي عن فرع عسفان من خطه دراسيه وموقع الجامعه و....الخ

[MR.Google]

انا سمعت انهم راح يسـتأجرو لنا مباني

[crazy 4ever]

نسيت شي مهم ... ايش التخصصات الهندسيه المتاحه بفرع الشمال

[الكريم ابن الكرام]

أصلاً في الموقع الإلكتروني بتاعهم مش كاتبين أي ذكر لكلية الهندسة

بينما الأقسام الأخرى كل واحد له صفحة

أنا كمان مستغرب كيف عينوكم في حاجة لسا أصلاً ما صارت

الله يعينكم ويسهلها لكم

بالتوفيق

[م.نآإأيفـ]

مشكورين على المرور يا شباب ..

بصراحة محتاجين واحد يروح للعمادة وياخذ منهم الاجوبة لاكيدة ..

لكن للأسف ماني متواجد في مدينة جدة

تحياتي ..}

[صقرر]

بالتوفيق ....

[م.نآإأيفـ]

يعطيك العافية اخوي صقرر

مقدر مرورك ~

[Eng:S.T.M]

أتوقع يحطوكم هنا في جدة عبال ما تكمل المباني
بس كدا حيسير ضغط على المباني

[عموريAHLI]

اتوقع اننا حندرس اول ترم بالجامعة

والترم الثاني بعسفاان

والله اعلم