محوله من التعليم عن بعد

[ميمو :)]

السلام عليكم ورحمة الله وبركاته ...

أخبااااركم ؟!

أخواني وأخواتي ..

أنا كنت تعليم عن بعد وكنت من اول دفعه يتجرب عليها دا النظام وكان فيه اغلاط مرره كثيره ..

وكنا حايسين في النظام بما اننا اول دفعه تجربه ...

جبت معدل كويس ونقلت انتظام ...

فاللي حابب يسأل عن اي شي في النظام او كيف حولت او اي شي ..

أنا تحت امركم ..

وان شاء الله حعمل اصى جهدي علشان افيدكم

[يلدرم]

اولا ماهي شروط التحويل للانتظام خصوصا اانه لا يوجد اي شروط في موقع الجامعة؟

ثانيا هل هناك تحويل بين الانتساب والتعليم عن بعد اذا كان عندك خلفية؟

ثالثا وهو شئ مهم ليا شرح طريقة التعليم عن بعد بشكل عام وعيوب البرنامج ومميزاته؟ علما ان من وجهة نظري بعد عده سنوات واكتساب الدكاترة والمسؤولين للخبرة فيتفوق على نظام الانتساب ويكون مفيد خصوصا للاخوات خارج جدة ؟

وماذا عن الاختبارات في اي مكان تقام؟

ا

[انا بس]

ابغى اعرف انتي كم لك سنه متخرجه من الثانوي؟

[ميمو :)]

المشاركة الأصلية كتبت بواسطة يلدرم اولا ماهي شروط التحويل للانتظام خصوصا اانه لا يوجد اي شروط في موقع الجامعة؟

المشاركة الأصلية كتبت بواسطة يلدرم ثانيا هل هناك تحويل بين الانتساب والتعليم عن بعد اذا كان عندك خلفية؟ ثالثا وهو شئ مهم ليا شرح طريقة التعليم عن بعد بشكل عام وعيوب البرنامج ومميزاته؟ علما ان من وجهة نظري بعد عده سنوات واكتساب الدكاترة والمسؤولين للخبرة فيتفوق على نظام الانتساب ويكون مفيد خصوصا للاخوات خارج جدة ؟ وماذا عن الاختبارات في اي مكان تقام؟ ا

أهلين اخوي يلدرم ...

1- شروطه سهله .. اول شي انه اللي حاب يتقل يكون سعودي \ ـه ويكون المعدل 3.50 أو أكثر ...

هذه اهم الشروط ...

2- والله ما أعرف

3- أنا بصراحه ارتحت في التعليم عن بعد هو نظام يخليك تحضر المحاضرات بشكل مباشر بس من بيتك .. وفيه شي اسمه نظام السنترا ونظام الايمس
الايمس :- هو النظام اللي يتحط فيه الواجبات والاختبارات الدوريه ويتم فيه ايضا التواصل
بين المدرسين والطلبه عبر الرسائل ,,
طبعاً كل طالب\ـه لما تسجل في التعليم عن بعد يكون لها باسوورد ويوزر نيم خاص علشان تقدر تدخل النظام والمشاركات تتاخذ على اساس انها تحط موضوع في منتدى الماده وحتحصل شرح مسبق للماده وممكن تطبع المنهج منه لانه يحتوي على جميع المحاضرات من قبل شرحها ..

ودي صورتوا ...

اما السنترا :- هو زي الكلاسات لما تدخلوا تحصل زي الجدول طويل فيه محاضرات الاسبوع كله ..
مثلاً انت اليوم عليك محاضرة ثقافه من 9-10 تروح عندها وتضغط دخول بكدا تكون دخلت المحاضره ..
لما تدخل حتحصل زي السبوره كبيره وفي الجنب اسامي الطلاب اللي حاضرين وفوق فيه شريط ادوات مايك وشات ومن دا الكلام واذا فاتتك المحاضره لاتخاف حتحصلها مسجله ...

ودي صورتوا ..

وبخصوص عيوبه ووميزاته ...

كانت عيوبه كثيره ..

مرات الصوت ما يوصلنا ومرات الدكتور او الدكتوره ما يعرفوا كيف يدخلوا فيتغيبوا كثير عن المحاضرات ..

مميزاته برضوا كثيره ...

مريح والاختبارات الدوريه تختبرها وانت في بيتك والواجبات تسلمها برضوا وانت في بيتك ..

ودحين صاروا بيعطوا الدكتورات دورات في التعليم عن بعد علشان يعرفوا يتعاملوا مع النظام ...

وبالنسبه للاختبارات النهائيه كانت تقام في الجامعه ..
والاختبارات الدوريه كما ذكرت سابقاً انها ترسل الى نظام الايمس ...

ان شاء الله أكون افدتكـ ..

وأي سؤال انا حاضره ..

[ميمو :)]

المشاركة الأصلية كتبت بواسطة انا بس ابغى اعرف انتي كم لك سنه متخرجه من الثانوي؟

حبيبتي انا ليا سنتين متخرجه من الثانوي ..

يعني انا دحين 2 جامعه السمستر الرابع :)

[يلدرم]

يعنى الاختبار الدوري عن طريق النظام وهل يكون في وقت محدد للجميع ونفس الاسئلة

فمثلا ممكن شخصين مع بعض ويحلو لبعض وهنا ماصار فائدة ابدا


شئ اخر لو تكرمتي عليا

سمعت ان المحاضرات لها وقت معين

فكيف الموظف يقدر يحضر محاضراته؟ هل هناك محاضرات ليليه

وكمان بالنسبة للاتصال بالانترنت هل الاتصال بالدايل أب ينفع خصوصا للمناطق الصغيرة في المملكة

اسمحيلي كل ماخطر لي سؤال راح اذكره هنا اذا سمحت

[ميمو :)]

المشاركة الأصلية كتبت بواسطة يلدرم يعنى الاختبار الدوري عن طريق النظام وهل يكون في وقت محدد للجميع ونفس الاسئلة ايوا يكون في وقت محدد ونفس الأسئله ... وله برضوا وقت محدد مثلاً 15 دقيقه بعدها اتومتيك يقفل الاختبار .. فمثلا ممكن شخصين مع بعض ويحلو لبعض وهنا ماصار فائدة ابدا صح كلامك علشان كدا تحصل كل الطلاب تقريبا فل مارك .. شئ اخر لو تكرمتي عليا سمعت ان المحاضرات لها وقت معين فكيف الموظف يقدر يحضر محاضراته؟ هل هناك محاضرات ليليه المحاضرات لها وقت محدد واذا ماقدرت تحضرها حتحصلها مسجله عندكـ بصوت الدكتور... أو مسجله في نظام الايمس من قبل ... ومافي محاضرات ليليه كلها في الصباح ... وكمان بالنسبة للاتصال بالانترنت هل الاتصال بالدايل أب ينفع خصوصا للمناطق الصغيرة في المملكة والله ما أعرف بخصوص دا الشي .. اسمحيلي كل ماخطر لي سؤال راح اذكره هنا اذا سمحت أنا في الخدمه :)

ــــــــــــــــــــــــــــــــــــــــــــــــــ ـــــــــــــــ

[انا بس]

طيب كم معدلك لو مافيه مانع عزيزتي...

[ميمو :)]

المشاركة الأصلية كتبت بواسطة انا بس طيب كم معدلك لو مافيه مانع عزيزتي...

حبيبتي انا الترم الأول كان 4.30

وفي الترم التاني 4

والمعدل المطلوب علشان تحولي انتظام 3.50

[يلدرم]

طيب اذا الكل ياخد درجات كاملة فمالفائدة من الاختبار؟

ثانيا هل حضور المحاضرة الزامي وهل له درجات اذا كان الحضور في الوقت المحدد؟ واذا ماحضر الطالب يغيب؟