ياشباب كل واحد ينتبه (لمرزام شماغه ) لايجيب العيد ( قصه محزنه )

[علي العسيري]

القصه على ذمة الدكتور ميسره البارح على القناة الاولى

كان يناقش موضوع الاهتمام بالشكليات عند الشباب وعملية ترتيب الاولويات في حياة الشباب

بادخل في القصه على طول :

( يقول انه في يوم من الايام تقدم شاب لخطبة بنت ورحب فيه والدها واخوانها وبعد ان سئلوا عنه من هنا وهناك ومالقوا الا كل علم يبيض الوجه والكل اثنى عليه ,, ثم حددو موعد له وجا على الموعد وجابو البنت عشان النظره الشرعيه تشوفه ويشوفها ,,,,, شوي ثم انصرفت البنت وهو قال انه ازداد اصرارا على الزواج بها فقال له ابو البنت خلاص بناخذ راي البنت ونرد لك خلال الاسبوع ,,,,,

الاب اجتمع مع بنته وقالها هاه وشرايك بالخطيب وتري احنا سألنى عنه وكل علومه طيبه ,, وتفاجاء الاب ان البنت رافضه هذا الشاب رفضا قاطعا ؟!!

الوالد : طيب ليه يابنتي ايش السبب ؟

وبعد الحاح منه عليها

قالت لشغله واحده بس انه

(مايعرف يضبط المرزام لشماغه !!!!!!!!! )

يابنتي هذي بسيطه مقدور عليها يمكن يتعدل

مافي امل البنت مصره على رايها الرفض

جاء الشاب على الموعد وبلغوه برفض البنت وطيبو خاطره بكم كلمه حلوه .... قسمه ونصيب .... والخ

المهم // الشاب هذا راح وخطب بنت ثانيه وتزوجها وعزم والد البنت الاولى واخوانها على العرس ,, وراح في سبيله ..

وبعد شهور جا شاب ثاني يخطب هذه البنت ولما شافته شكله (( اتكيت )) وكل شي (( كوووول ))

وافقت على طول

واقامو الزواج وقضوا شهر العسل سفريات

ويوم من الايام وبعد شهور معدوده من زواجهم قالها اغسلي شماغي واكويه

ولما جا الصباح وكان رايح للعمل اتفاجاء ان الزوجه لم تقوم بكي الشماغ بشكل مرتب (( والمرزام ))

معفوس بل احرقت جزء من الشماغ !!!!!! فقام واطلق لسانه عليها سب وشتم وعلى اهلها والي خلفوها وربوها ..... الخ

المهم انه راح للمغسله الي على الشارع في طريقه للعمل وعطاهم شماغ ثاني وطلب كيه بشكل مستعجل

وراح للعمل ثم عاد نهاية الدوام للبيت ,, والمسكينه تتمنى انها لو تقدر تصلح الي حصل وتهديه او انه ينسى ويسيب الزعل

ولكن لازال معصب وماد بوزه شبر

عندها حاولت انها تدخل ببعض الكلمات يمكن تهديه شوي (( شي مايستاهل صرحه ))

لكنه انفجر في وجهها مره ثانيه وهالمره ماقدرت تتحمل وطلبت منه يوديها بيت اهلها الي هو قاعد يسبهم ويشتم فيهم

وهو على طول ماصدق وودها لبيت اهلها ((وطلقها )) وعلى سبت مرزام الشماغ

المهم انه قعد يمطل فيهم ماراح اعطيكم صك الطلاق الا لمن ترجعو المهر........ والخ

لن اقوم بالتعليق واترك لكم المجال لتخيل مثل هذه العقول .......... التافهه !!!!

[عاطل بس دافور في القانون]

شئ غريب فعلا
أشكرك على الموضوع
مع التحــــــــــــيه

[بدرالبدر]

واااو القصه اعجبتني جداً ...اندمجت معها بقووة << من سنين مااندمج ):

بالنسبة للبنت الله يهديها ..


اللي اقوله ان الاشكال ماتهم ... ولاتغرك الكشخه ..

هذا باختصار ..

ومشكور جداً على القصه الجمييييييييييييله

[.,.نيــــــــــــــــــــران.,.]

قصة حلوة ومعبرة

مااظن فيه بنت عاقلة يهمها الشكل

تحياتي لك

[فتفوتة سكر]

ما ادري شعرت ان القصه من نسج الخيال لعل بها هدف وغرض

اما عن مضمون القصه
اختيار الشخص الأجوف ( سواء الرجل بماله واناقته أو الفتاه بجمالها وحسنها ) للزواج من اول اسباب التفكك الاسري وكثرة الطلاق ..
ان لم يضعو مقاييس الشرع في الاختيار فهذا هو الخسران
( اذا جاءكم من ترضون دينه وخلقه فزوجوه..... ...)
( تنكح المرأه لأربع...... ....فاظفر بذات الدين تربت يداك )


يقول جل وعلا في وصف المنافقين (وَإِذَا رَأَيْتَهُمْ تُعْجِبُكَ أَجْسَامُهُمْ وَإِن يَقُولُوا تَسْمَعْ لِقَوْلِهِمْ كَأَنَّهُمْ خُشُبٌ مُّسَنَّدَةٌ)فالظاهر يختلف عن الباطن
وهذا الخطأ يقع فيه العديد عند اختيار شريك الحياه

شكرا على الطرح القيــّم ..

[me 4 islam]

بعيد الشر عننا مو حلو الرجال اللي يهتم كثير في شكلو وأناقته ودقيق فيهم بشكل مو طبيعي
وبرضه أغلب البنات ما يهمهم الشكل قد الاخلاق وفي العكس كمان


,,
احب استايل الكاب ع الثوب احلى من الشماغ والزحمة إللي فوق الراس

مغسي ع القصة

[علي العسيري]

شئ غريب فعلا أشكرك على الموضوع مع التحــــــــــــيه

عاطل بس (دارفور ) مدري (دافور ) في القانون / والله اني ما عرف معنى كلمة دافور هذه واشوفكم كثير تستخدمونها ؟
سيدي شرف كبير لي مرورك

واااو القصه اعجبتني جداً ...اندمجت معها بقووة << من سنين مااندمج ): بالنسبة للبنت الله يهديها .. اللي اقوله ان الاشكال ماتهم ... ولاتغرك الكشخه .. هذا باختصار .. ومشكور جداً على القصه الجمييييييييييييله

الاخ العزيز / بدر البدر ,,,,,,, جميل انك اندمجت مع القصه
اسعدني مرورك جدا ,,,,, لاعدمتك

قصة حلوة ومعبرة مااظن فيه بنت عاقلة يهمها الشكل تحياتي لك

الاخت / نيران
شاكر لك مرورك العاطر
والف تحيه لك

ما ادري شعرت ان القصه من نسج الخيال لعل بها هدف وغرض

الاخت / فتفوته سكر ,, قلت ان القصه سمعتها من التلفزيون القناه الاولى ليلة امس الخميس والي يرويها الدكتور ميسره في برنامجه الاجتماعي ونسيت اسم البرنامج الحين ......... المهم ان القصه على ذمة الدكتور ميسره ,,,, ولما كان يحكيها يقول انها قصه واقعيه وفعلا حصلت ...

اما عن مضمون القصه اختيار الشخص الأجوف ( سواء الرجل بماله واناقته أو الفتاه بجمالها وحسنها ) للزواج من اول اسباب التفكك الاسري وكثرة الطلاق .. ان لم يضعو مقاييس الشرع في الاختيار فهذا هو الخسران ( اذا جاءكم من ترضون دينه وخلقه فزوجوه..... ...) ( تنكح المرأه لأربع...... ....فاظفر بذات الدين تربت يداك ) يقول جل وعلا في وصف المنافقين (وَإِذَا رَأَيْتَهُمْ تُعْجِبُكَ أَجْسَامُهُمْ وَإِن يَقُولُوا تَسْمَعْ لِقَوْلِهِمْ كَأَنَّهُمْ خُشُبٌ مُّسَنَّدَةٌ)فالظاهر يختلف عن الباطن وهذا الخطأ يقع فيه العديد عند اختيار شريك الحياه شكرا على الطرح القيــّم ..

فتفوته سكر انا منجد ممتن لك لردك المثمر هذا والتعقيب الذي في موضوع الزميل كفو وجاد بخصوص فوائد التعدد ,,,,,,,,,,,,, لايسعني القول سوى
لاعدمنا قلمك المنصف ,, والله يوفقك

والف تحيه لك

بعيد الشر عننا مو حلو الرجال اللي يهتم كثير في شكلو وأناقته ودقيق فيهم بشكل مو طبيعي وبرضه أغلب البنات ما يهمهم الشكل قد الاخلاق وفي العكس كمان ,, احب استايل الكاب ع الثوب احلى من الشماغ والزحمة إللي فوق الراس مغسي ع القصة

me4 islam شاكر مرورك
وتقبلي تحياتي

[معالي الوزير]

?????????????
والله شي غريب
البنات طبعا بطبيعتهم اول مقياس عندهم في الرجل الشكل او المضهر
(ولا الومهم)
بس
توصل لهاذي الدرجه؟
عشنا وشفنا والله
تقبل مروري
ويعطيك العافيه
على الموضوع

[علي العسيري]

الله يعافيك اخوي / معالي الوزير وشاكر مرورك

بس ترى مو كل البنات يهمهن الشكل ,, هناك نسبه ضئيله جدا

والمشكله دائما في طريقة التفكير لكل شخص سواء كانت بنت او شاب وعملية ترتيب الاولويات عنده

تحياتي لك

[rara]

المظهر الخارجي مو كل شي جوهر الانسان ومعدنه هو مايهم