مساعده في الكيمياء (مساله في النظائر تعتمد على الرياضيات )

[abdullah_1410]

مثال 2-12 في مختصر الكمياء العامه
يوجد الكلور في الطبيعه على هيئة نظيرين cl35 ووزنه الذري 34.9689amu و ال cl37 ووزنه ووزنه 36.96591amu فاذا علمت ان الوزن الذري للكلور 35.453 فاحسب النسبه المئويه لوجود كل من النظيرين .؟
نفترض ان نسبة cl35 = x وبالتالي ستكون نسبة وجود cl37 =x-1
نطبق ذلك على معادله حساب الوزن الذري للكلور
34.9689x +36.9659 (1-x) = 35.453 وبحل المعادله ( كيف احل هذي المعادله يعني ايش الخطوات ) وشكرا

[υикиσωи]

صباح الخير ...دي طريقة الحل ..ما عندي انا دا الختصر بسس حأحاول اشرحلك هيا ع ـالسريع

دحينا زي محنا عارفين ...انو الأوزان الذرية للعناصر في الجدول الذري ... هيا في الأصل نسميها معدل الوزن الذري Average atomic mass...بسس سرنا نطلق عليها الوزن الذري ...
والــAverage atomic mass هوا مجموع ( حاصل ضرب العناصر في وفرتها )

يعني كقانون Average atomic mass= (الوزن الذري للنظير الأول × وفرتو في الطبيعة ) + (الوزن الذري للعنصر التاني × وفرتو ) + ( الوزن الذري للنظير التالت × وفرتو ) + ......الخ

وف المسألة اللي انتا كاتبها .. أدانا نظيرين للكلور ... النظير الأول وزنو 34.9689
والنظير التاني وزنو 36.96591
وأدانا آفرج الوزن الذري (الناتج الهائي ) اللي هوا 35.453

يبا مننا نسبة وفرتو في الطبيعة ..
طيب الشي الوحيد اللي نعرفو .. انوو مجموع نسبة وفرة كل دولي النظائر لااااازم تساوي الواحد
يعني .. نسبة وفرة العنصر الاول + نسبة وفرة العنصر التاني = 1
ازن على دا الأساس ... حطالك ديكا الفرضية ..
حنفرض انو نسبة وفرة النظير الاول Cl35 = x
اذن بدون تفكير حتكون نسبة وفرة النظير التاني تساوي الواحد - نسبة وفرة النظير التاني
يعني زي مهو كاتبلك ... nesbat wafrat CL37 = 1 - x...

طيب كدا خلاص وضحت المعادلة قدامنا ..واللي حتكون ...
Averg atomic mass =( نسبة وفرة Cl35 × وزنو الذري ) × ( نسبة وفرة Cl37 × وزنو الذري ) ....
وبعد كدا نعوض ..35.453 = ( x × 34.9689 ) + ( [ 1-X ] ×36.96591
) ... ونبدأ نحل المعادلة عايدي زي في الرياضيات...
D: .... 35.453 = 34.9689x - 36.96591x + 36.96591
35.453 - 36.96591 = - 34.9689x + 36.96591x
- 1.5129= - 1.997 x
x = 0.7579..>> دي نسبة وفرة النظير الاول Cl35
نوجد نسبة وفرة العنصر التاني حسب فرضياتنا ...
نسبة وفرة العنصر التاني = 1-0.7579 = 0.2421
وازا يباها عــ نسبة مؤوية ..عايدي اضرب النواتج في 100 ....:)


ان شالله تكون وصلت المعلومة...
ويا ريت تتأكدلي من الناتج الأخير ... ع ـــشان انا ما عندي المزكرة ... وردلي ازا صح ولا لا

اممم ... يمكن تلاقي نص الارقام عربي ونصها انجلش ..دا مو مني من المنتدى.. بسس انتبه في الاشارة قبل او بعد ع حسب هوا عربي ولا انجلش ...
وازا اتلخبطت عليك الاشارات ممكن اعدلك هوا ع وورد ....

بالتوفيق ..:)

[abdullah_1410]

الله يعطيك العافيه حليتها ينفس الطريقه وطلع صح وعلى فكره حلك بالضبط زي الكتاب لكن الكتاب مو مكتوب طريقة حل المعادله
بالتوفيق .........

[υикиσωи]

يعافيك ربي ان شالله ...
كويس طيب ..ما شالله عليك ... :)