استفسار عن مادة استراتيجيات 434

[نداء القمر]

السلام عليكم ورحمة الله وبركاته

يابنات ياحلوين ابغى افادتكم عن مادة استراتيجيات 434 مع استاذه منال

كيف طبيعة الماده فهم ولا حفظ ؟ سهله خفيفه ولا لا ؟

كيف اسئلتها في حاجه نعتمد عليها اكتر شيء متل سلايدات او تست بانك او الكتاب تجيب منه ؟

فيها واجبات ومشاريع ولا لا ؟


وسلامتكم

[a_alahmadi]

مافي احد اخدها ؟؟

[Ahmad-6]

معقوووله !!!

[DONUTS]

اهلا :)

انا اخدت دي المادة مع دكتورة منال

المادة مالها لاب تعتبر مادة خفيفة من ناحية المجهود طول الترم

عندك بحثين كل واحد عليه 10
شرحت الدكتوره بس شابترين الباقي احنا الطالبات شرحنا بس طبعا مع حضورها وبتضيف معلومات مره مفيدة كدا ماشاء الله عندها معلومات مفيدة ولو اني ما احب دا الاسلوب حق البنات يشرحوا

مع الشرح تقدمي 20 سؤال اختياري ويجي منها في الفاينل وعليها خمسة درجات من معدل المادة وكمان في تست بانك لكن فيلو أخطاء

المادة لها واحد دوري من 20 كله اختياري وجابت 40 فقرة كل وحدة نص درجة
المداكرة سلايدز مع الأسئلة كمان الفاينل بس اختياري

وكمان تجيب اسئلة من برى التست والسلايدز بس في نفس مجال المادة والشابترز يعني احس ممكن يبغالها فهم او شي مو عارفة


دا اللي في بالي لو عندك اسئلة قوليلي :)

عموما المادة شاملة لكل شي درسناه بتفهمك ايش يعني نظم معلومات وايش هوا العمل عن بعد وايش انواع الشركات والمنظمات وايش الاوت سورسنق وايش هي النولج " المعرفة " وايش اهميتها في الشركات والمنظمات والفرق بينها وبين الداتا والانفورميشن تحسيها قريبة من البزنس مافي كود مافي برامج ممكن في اسماء برامج تساعد المنظمات ... يعني ماينخاف منها لكن اللي يبغى درجات عالية حيتعب لانو المداكرة من اكتر من مكان