خااااص لكلية التربيه سؤال مهم

[مرام&تهاني]

سلام عليكم ورحمة الله وبركاته
واااه اخيرا لقيت القسم بنات كيفكم
ابى اسالكم انا طالبة انتساب بجامعة الملك عبدالعزيز مستوى ثالث كلية الاداره واقتصاد تخصص اداره عامه تنظيم وتطوير اداري
انا بصررراحه مرا مقهوره على نفسي ياريت يابنات تقدرو تساعدوني انا معدلي 4.01وكنت ناويه احول انتظام لكلية الاداره واقتصاد بس ماقبلوني الا بالفيصليه مواد ادبيه مع العلم انا طالبة علمي والمشكله فين انو التخصصات الي في كلها مو طموحي تاريخ وجغرافيا وعرربي حتى لو في علم نفس ها تهووون وانا الصراحه مرا مرا مرتاحه لذا التخصص تربيه خاصه يعني ابى اعرف فين موقع كليتكم وهل هيى مسار اداري وانساني ولا مسار علمي لاني انا درسة مسار اداري وانساني وابى ادخل فيها يعني تتوقعو لو رحت لجامعه ترضى تحولني عندكم
..... وابى اعرف موقع الكليه بليييييييييييز

[مرام&تهاني]

تكفووووووووووووون ردو عليا وربي مافي وققت شي مصيري

[طموحهـ ولكنـ]

ياحبيبتي موقع الكلية في حي الفيصلية جنوب ميدان الفلك . وقدامة مستشفى عرفان .

وتخصص التربية الخاصة للأدبي والعلمي .

وان شالله تتحولين لها

بالتووفيق ..

[مرام&تهاني]

تسلميلي طمووحه بس ابى اتاكد كلية الفيصليه مو الي كمان عند دوار الدراجه وعند ايكيا ومحمود سعيد الشعبي

[rose sky]

اهلييييييين خيتو .. ..

شوفي انا نفس حالتك .. .. انتساب تطوير وتنظيم اداري ................
بس تنازلت عنه لعيون الانتظاااام .. .. بس للأسف فرع الفيصليه .. .. آآآدآآآب وكل التخصصااااات جداااا عااديه احسنها انجلش

شوفي انتي ايش نفسك فيه ............انتظااااااااام وتختاري تخصص ادبي والله يعينك نفس الحاله بس ادرسي ونفسك فيه ....... ممكن تدخلي قسم عادي وتحولي اعلام او انجلش للجامعه نفس حالتي .. ..

او اداره عامه ..... انتساااااااااب .. .. .. ..

استخيري
انا امس حولوني عالفيصليه .. .. من اداره عامه الى ادآآآب بس لسى ما اخترت التخصص

وعلى قولتك كل التخصصات تشكي الحااااال .. ..

بس انتظام احلى بكثير من انتساب .. ..

طولت عليكي بس لاني حااسه بحالتك

اما التربيه الخااصه ما عندي اي خلفيه عنها

الله يوفقنا ياااارب

[مرام&تهاني]

من جددد وربي معااااااناه مرا يلا ربك معانا ان شاءالله ويحس فينا يارب طيب ماسلتي اذا يمديكي تدخلي تربيه خاصه ولالا ترا حلو ومرا يمدحووه وابى اسالك امس حولتي كم كان معدلك ؟؟

[rose sky]

التربيه الخااصه حلووو .. .. بس ماعندي اي خلفيه عنه .. ..؟؟

انا معدلي 4.21 بس لاني برا جده وصاحبتي هي سوت اوراقي ويومها كاااان بسنه ...

انتي خلاص اخترتي التخصص او لا ؟؟؟

[مرام&تهاني]

انا انتساب وماابى انقل للفيصليه الا اذا رضيو تربيه خاصه يلا ربي يوفقك يارب

[طموحهـ ولكنـ]

يابنات فرع الفيصلية فيها 3 كليات .

الاداب

العلوم

التربية الخاصة

وقريباً راح يفتحوا كلية الحاسبات .

بالتووفيق ..

[عزة نفسي_تكفيني]

^^^^

كليه الحاسبات فتحت ^_^

حبيبتي ان شاءالله تقدري تدخلي تربيه خاصه وهو قسم رااائع

بس ان شاءالله يكون في مجال لأن الاقبال عليه كبير فمدري اذا باقي مقاعد ولا لا

لكن معدلاتكم حلوه وبما انه انتظام تقدروا تدخلوه ان شاءالله بس اتأكدوا من المقاعد

بالتوفيق