موضووع خطير ادخلوااا بسرعه

[digital-girl]

اهلا اهلا مشرفتنا العزيزه...

اين انتِ ؟! ..باين انك اخذتي اجازه على اصولها..

اهم شي مستانسين.

واسمحيلي اولاً احيك على الرد الذي ان دل دل على نظرتك الشموليه والرائعه..

وبصراحه انا يوم كتبت الرد..كانت مجر احلام..واحلام واحلام..

وبيني وبينك ..اذا قيادة السياره ما افكر فيها ...لأن احسها مسؤوليه وحتى الي قدامي والي حولي

والي جنبي انا اخاف من اني اضرهم او اتسبب في وفاة احد او احد يدعي علي ..!!

لأن احس اني مو قدها

فما بالك بقياده كليه او جامعه..يمكن انا يوم رديت كنت افضفض واخرج الي انا اتمناه بالكليه الحاسب

فما نظرت بنظره شموليه..

وبتفكير عميق..

واعجبني ردك
وبرأيي انه اللي يبغى يقدم شي من جد المفروض يسأل ويدور ويعمل اللي في راسه.. بس نقول ان شاء الله يلاقي في وجهه اللي يسهله الموضوع ما يعقده

لأن بجد حنا احياناً نتمى فقط ..مجرد تمني لا اكثر ولا اقل..

ما نحاول نجري ونسأل ونتعب...!!

فاكلام صحيح ميه بالميه..يمكن لو سألت وتعبت ودورة راح الاقي..

وبالمناسبه.. بعض اسألتك اعجبتني ان شاءالله احاول ارجع قريب وارد عليها..

[mo999@11]

لا تعليق

لاني مستجده ولا اعرف اي شي في الجامعه

[IT dancing doll]

أول حاجه ..كل عام وانتي بخير ...ورمضان كريم ...حتى الأراء والنقاشات تكثر فيه
واسمحوا لي بالمداخلة

أول شي انا لو اتعرض علية المنصب ده انا رح ارفضه
لأنه هذه مسؤولية كبيرة انا لسة مو قدها
كان الله في عونها

فعلا ربنا في عونها ....أكيد كلنا بنخاف من المسؤوليه والامانه...بس بصراحة انا اعشق حاجه اسمها مسؤوليه ..كتير ناس مايكونوا كفء لاشياء كتير في حياتهم وبس تديهم مسؤوليه وتحسيسيهم انه انتي معتمده عليهم بشكل كلي ...حتلقيهم جد تغيروا وصاروا ناس ثقه وقد المسؤوليه اللي انتي اديتهم هيا...وكمانا حتلقي قمة الابداع منهم واشياء ابدا ماتتوقيعيها ...جربي دي الحركات مع أخوانك الصغار<<فئران التجارب في كتير اشياء تخصني ^_^
حسسيه انك انتي معتمده عليه في صنع اي حاجه ...وشوفي النتيجه <<وعد مني حتعجبك

ديجتال قيرل و اي تي دانسنق دول
اسمحوا لي اتناقش معاكم...انا احب اكون واقعية

انا مررررره سعيده بالنقاش مع شخصيه راااائعه بالفعل مثلك وكتير ماتبهرني ردودها ...^_^

لما تفتحوا الباب للطلاب والطالبات عشان تسمعوا مشاكلهم وآرائهم
كيف حتكون الطريقة؟ اي احد يجي يدق الباب وبدخل؟
او تحددوا اوقات معينة؟ او مثلا بالايميلات فقط؟

شوفي مايند شور مو كل الأراء تحتاج لـ إنصات امممم قبل مافكرت بس دحين بقول لك انه ممكن ايميل خاص شكاوي الطالبات افرغ نفسي ساعه وانا في بيتي واشرب الكوفي وفي وسط العالم اللي احبها يعني ابدا ماراح احسس نفسي انه شغل مجله وبتسلى فيها وازا كانت فيه مشكله للطالبات فعلا تستحق المناقشه والحوار معاهم ...في دا الوقت ارتب لهم موعد يناسبني واسمع لهم <<على فكره دكتوره هناء النعيم عملت نفس الشيء في مشكله واجهت الطالبات وعجبني مره تصرفهاااا

وهذا الوقت اللي تعطوه للطلاب ومشاكلهم حيكون على حساب ايش من المسؤوليات والمهام اللي حتكون عليكم؟

ماراح يكون على حساب اي مهمات وع فكره دي تعتبر من المهمات الاساسيه لااي عميدة شطر طالبات والا؟؟؟؟!!!!!!!! يعني مهمه ولازم احدد لها وقت

فكيف حتحلوا هذه المشكلة وتتفادوا الشكاوي اللي مالها حل او ما تعتبر مشكلة اصلا عشان تضيعوا وقتكم فيها على حساب اشياء تانية؟

سبق وقلت لك انه حيكون ان دايركت كونتاكت في البدايه وع حسب اهمية الموضوع حتخذ القرار
ولما احد يقترح عليكم حلول غير واقعية..كيف حتتعاملوا معاها؟ لأنه اذا ما نفذتوا آرائهم حيعتبروكم مقصرين وانكم بـ تتظاهروا فقط بالاهتمام!

دائما أحب في نهاية حواري ومناقشتي مع العالم انهي الحوار بشكل سلمي واسلوب قفل الحوار بوجه الواحد مااااينفع ....من الممكن ان نتناقش الحل من جميع الزوايا سلبياته وايجابيته ...وع فكره انا في نظري مافي شي اسمه حل غير واقعي ...كل شي بدا من ولا شي...واي حل غير واقعي ممكن يتحول لواقع مميــــــــــز ازا اصرينا ومسكنا بالسنتر تبع الحل مانبعت عند الطالب الفكره الا وكان اصلها صح ميه بالميه بس ممكن تتفرع وتفرعاتها تكون غير واقعيه
كثرت هرج بس اللي اقصده انه ممكن ناخذ جزء من الحل ازا كانت الصحراء رملتها كلها حاره اكيد حتلقي ولو جزء بسيط في ظله ...اتمنى تكون وصلتكي فكرتي
يعني لانحطم افكارهم وحلولهم بشكل كلي ولانبني احلامنا على اشياء غير واقعيه بالمررررررره
<<اعرف لخبط اهلك بس حاولت اوصل راييء


ثاني شي
لما تطردوا اعضاء هيئة التدريس الغير كفوئين (واعترف بوجودهم وكثرتهم كمان)
من فين تجيبوا احد بدالهم بالضبط وكيف؟؟
وفي ايش تعتمدوا على توظيفهم؟
وكيف تتأكدوا من كفاءة اعضاء هيئة التدريس الجدد؟
واذا ما لقيتوا الناس الكفوئين بشكل مناسب ابدا او كان عددهم قليل...ايش حتعملوا في النق

حكاية اعضاء هيئة لتدريس دي اللي واجعة لي راسي
عموما:
هل برايئك نخرج دفعات لا تفقه من العلم شيء ام اننا نحاول نبذل قصارى جهدنا لمراقبة واختبار كفاءة الاعضاء وبلنسبه للعدد هناك الملايين من الخريجات الذين ينتظرون المقاعد والكل يعلم ذلك ؟؟
لاحاجة لنقاش هذه النقطه بالذات


آي تي دانسنق دول

انت عاد حنعينك عميدة كلية الحاسبات مو عميدة شطر الطالبات
ولا عاد باقي الكليات اعتقد تقفليها وتخلي جامعة المللك عبد العزيز كلية وحدة بس
انا انصحك من بداية الترم تشتركي في نادي الحاسبات وتقنية المعلومات مع دكتورة مي
يصير تتعلمي وتعرفي كيف بيدبروا الامور وينظموا الدورات لبنات الحاسب
وكمان بما انه عندك افكار كثيرة كدة...حاولي تحققي جزء منها معاهم[/quote]

بنات الاي تي يفكروا يعملوا نادي خاص فيهم واكيد حتشوفي الابداعات فيه ازا صار وربنا سهل لنا الموضوع وكان عندن فرررررررررررررراغ



اسفه طولت وهرجت كتير اعرف انه اغلب كلامي يجنح الى الخيال بس لو اصرينا وتمسكنا ببصيص من الامل رااااااااح يكون واقعي بازن ربنا...
وانا احس احيان بحتاج اكون خياليه عشان احقق شي جديــــــــــــد واتمنى اسوي شي جديد

بالتوفيق للكل وأراء فله

[فتافيت سكر]

للآسف الشديد
جآمعتنآ الموقره تهتم بآلشيء المو ملآحوظ وتترك الشيء المههههههههههههههههههههم للغآآآيه
فآتمني اعآده النظر في ذلك
مثلآ
بدل ما يتعبوآ انفسهم وكل يوم يلفوآ في الجامعه لف ويفتشوآ في البنآات ايش لابس وايش معآها جوآل
يحددون لبس معين ويرتآحوآ ويمنعون نهآيه الجوال بكآميرآ
تآآنيآآ : الجامعه مليآآنه قطآآآوه .. احيآن امشي اشك اني في صرح تعليمي
ثآلثآ : وللآسف الشديد مآآفي نظآآفه .. يعني لو يشكلوا لجنه تشرف ع عاملات النظآآآفه يكونوآ سوآ خير فينآآ
بس ما فتشوآ وكل يوم تعهد


وشكـــــــــــــرآ

[senorita]

حمااااس

خطر في بالي اشياء كثيره

اولها ..ارجع شخص يدرس بالجامعه هذه وعلى ضمانتي ومسؤوليتي ما ينظلم فيها بإذن الله..لانه خرج مظلوم

ثانيها..بوقف شي اسمه واسطات أمحيها تماما من قاموس الجامعه.

ثالثها..أطلب تشكيل لجان مراقبه للتاكد بأن أعضاء هيئة التدريس يقومون بواجبهم على أكمل وجه ..طبعا اللجان خفيه

امممم والباقي بتعرفوه اذا صرت مديرة جامعه

[مني يغار الورد]

ياربي ياربي ايش ايش وربي خطرت في بالي حاجات ملخبطه (من الفرحه هههههههههههاي مصدقه نفسهاا)مع اني مالي الا سنه نسميها سنة(لا اود جيب سيرتها )
طيب
1-أول شي اطرد الاستاذات اللي عصبيين ومايتفاهمون
2-اي احد عنده مشكله احدد وقت انه يجي يعرض مشكلته عشان نتناقش
3-كل واحد يدخل التخصص اللي يبغاه ..طيب انا ايش ابغى اقول هنا أبغى أقول انه بدال السنة التحضيرية نخليها سنه ابتدائية خخخخخخ يعني مثلا مثلا لو احد يبغى يتخصص متلا رياضيات يدرس في هذي السنة الرياضيات يتعرف عليها من كل النواحي ويدرس معاها مواد يعني تعتبر مهمه (أو المادة اللي يبغاها كرغبه ثانية وتالته وزي كذا) لو انه فشل في الرياضيات وما عجبه القسم يشوف الرغبه الثانية يكون بكذا عرف عن الاقسام اللي يبغاها بدل الحوسه الجانبيه
أخيرا
4-اخلي محاضرة اسمها محاضرة رياضية (فلة انا صح خخخخخ صح )
أزود المكافئات يالله هوه هذا جا بعد ال4 احلام الثابته بس مو مشكله نجمع من الزيادات كم قرش خخخ(ماتحسين اني صدقت )
واول ماتذكر بجي اقلك الاحلام المتبقيه
أفسحولي المجال بس ودعو احلامي تتحول الى حقيقة هههههههههههاي بس اسكتي انتي في قرقر واااجد وحلم أوجد
يسلمو والله ع الموضووووووووع الروعه بجد خليتيني احلم أحلام يقظة رهيبة ....
تقبلي مروري

[الباسل3003]

القرار رقم 1 :
اليوم اللي بصير فيه مدير الجامعة إجازة لجميع الطلاب ,, هيئة التدريس مافي إجازة كلهم يداومون .

القرار رقم 2:
أتنازل عن حقي في باقي القرارات .

[مني يغار الورد]

خخخخخخخخخخ حلو القرار ان شاء الله تصير مدير للجامعه

[wan]

احم احم اووووول شي

1 - فتح باب الاقتراحات و المشاكل ( و حلها ) مو تطنيشها .
2 - تصليح المباني المهربده و المكيفات الخربانه
3 - اضافة شبكة وايرلس مجانيه في كل الجامعه .
4 - زيادة المكافئات و تسير 1500 للعلمي و الادبي محد اكتر من التاني .
5 - السماح بجوالات الكاميرا و البنطالات .
6 - وضع مضلات سقف على 70 % من الجامعه .
7- منع الواسطات منعاً باتاً .
8- كل الطلاب يدخلو التخصص اللي يبغوهـ عشان يطلع جيل منتاز مو جيل مغصوب على التخصص .
9 - أستادات الإنجلش كلهم يكونو من جنسيه ( غير عربيه )
10 - تطوير معامل الحاسب و المعامل العلميه
11 - فتح مسارات جديده في قسم الاعلام
12 - فتح معمل للتصوير الفوتوغرافي في قسم الاعلام
13 - تغيير طاقم النظافه و تغييره من الجنسيه السيرلانكيه إلى الفلبينيه
14 - توسيع القولف كارز و ياحبذا لو تصير باصات خخخخ
15 - فتح كافيهات و افتيريات أوسع في الجامعه

اوووهـ تعبت يلا كملو انتو ههههه

[أنثىْ لأ تنحنَيِ }`]

المشاركة الأصلية كتبت بواسطة wan احم احم اووووول شي 1 - فتح باب الاقتراحات و المشاكل ( و حلها ) مو تطنيشها . 2 - تصليح المباني المهربده و المكيفات الخربانه 3 - اضافة شبكة وايرلس مجانيه في كل الجامعه . 4 - زيادة المكافئات و تسير 1500 للعلمي و الادبي محد اكتر من التاني . 5 - السماح بجوالات الكاميرا و البنطالات . 6 - وضع مضلات سقف على 70 % من الجامعه . 7- منع الواسطات منعاً باتاً . 8- كل الطلاب يدخلو التخصص اللي يبغوهـ عشان يطلع جيل منتاز مو جيل مغصوب على التخصص . 9 - أستادات الإنجلش كلهم يكونو من جنسيه ( غير عربيه ) 10 - تطوير معامل الحاسب و المعامل العلميه 11 - فتح مسارات جديده في قسم الاعلام 12 - فتح معمل للتصوير الفوتوغرافي في قسم الاعلام 13 - تغيير طاقم النظافه و تغييره من الجنسيه السيرلانكيه إلى الفلبينيه 14 - توسيع القولف كارز و ياحبذا لو تصير باصات خخخخ 15 - فتح كافيهات و افتيريات أوسع في الجامعه اوووهـ تعبت يلا كملو انتو ههههه

^^

جواهر وربي جواهر

ايه والله ليتهم يأخذون بأقتراحاتك

وبعدين اهم اقتراح حق الواير ليس والمضلات

صراحه بشرتنا تعفنت من الشموس

وفوق هذا مافي نت >> تبي تـنـتـنـت


يسلم لنا بؤك ياشيخه