طلاب وطالبات cpit210 أرجوكم المساعدة

[thinker]

أخواني وأخواتي كيفكم مع المذاكرة "الله يوفقكم يارب"
ممكن الي عنده السلايدات تبع المادة لCH10 and CH11
يحطها هنا أو موقع الدكتور الي خبرنا أنه راح يحط السلايدات فيه
واخواتي الطالبات أرجو منكم لما تخلصوا الأختبار يوم السبت ان لا تبخلوا علينا بنبذة مختصرة عن الاختبار لأن اختبانا الأثنين
تقبلوا مني التحية

[ملك بلا مملكه]

اننا في حاجة في هذه الايام الى الدعاء

والدعاء في ظهر الغيب له اثره

ونحن بحاجة الى الدعاء سواء من الوالدين او من اخ يدعو في ظهر الغيب


والاخت الي راح تعطينا فكرة عن الاختبار وكيف كان الاختبار ومدى سهولة او صعوبة الاختبار

راح ندعوا لها في ظهر الغيب

وتحتسب الاجر عند الله

واي شي عند الطلاب راح نفيد به الاخوات الطالبات

والله على ما اقول شهيد ..


اسال الله تعالى لك

thinker

ان يفرج همك وان يشرح صدرك وان يرفع قدرك وان ييسر لك كل عسير

وان يسهل لي ولك ولكم الاختبارات ..

[تونا]

السلام عليكم ورحمة الله وبركاته

اختبار اليوم كان مرررررره حلو إلا شوية
حأقولكم اللي فاكرته لأنو طبعا الميموري حقتي دايما يصير لها ابديت فلازم في داتا حتتمسح من ذاكرتي خخخخخخ

في البداية اسئلة اختياري ومعظمها كانت عن method of accessing ومرره سهلة بدون مذاكرة تتحل :)
وفي كمان اختياري عن long interrupts لازم تكونو فاهمين الوقت اللي يحتاجو عشان يعمل البروسسينج هل هو اطول ولا اقصر من next I/O request
وكمان في فقرة تقول انو لو صار interrupt هل يتوقف البروسيسور على طول ولا يخلص العملية اللي عندو ولا ولا .. الخ

نجي للأسئلة الابداعية واللي كانت بيئة خصبة للتبكيش هع جاءنا اربعة تعليلات :
جاء انو : ايش الفايدة انو return تكون موجودة في الستاك مو في الريجستر ؟
وجاء كمان انو : ايش الفايدة من Privileged instruction << ترى مو متأكدة من الاسبيلنج
وجاء كمان : انو ليش تتحط في الكاش بلوكات بدل ما تترسل وورد ورا وورد ؟
الفقرة الرابعة مو فاكرتها صراحة :)

جاء كمان سؤال جاب فيه معادلة رياضية وانو اعملوها بـ one address & Two
address

جاء كمان مجموعة انستركشن وانو طبقوها على الستاك << أحلى سؤال

وجاء كمان سؤآل مررره زي اول فقرة اللي في التوتوريال ١١ روحو التوتوريال وشوفوه مرره حلو ترى :)

وجاب كمان معادلة رياضية بسط ومقام وانو نطبقها على ستاك .. اذا فاكرين الجدول اللي من ثلاث خانات واحد منها input و التاني output والثالث stack وفي كل مرة نكتب ايش يطلع في الآوت بوت وايش اللي يتحط في الستاك ومررررره سهل
وبعدين الفقرة اللي بعدها انو تعملوها zero address

أما أحلى سؤال اللي منجد انشكحت عليه كان جايب برنامج بس انو بصيغة انستركشن يعني LD - INC - DIV -STORE - JPZ ...الخ يعني زي كدا
والمطلوب ثلاثة اشياء :
اول شي تكتب دا البرنامج بأي high level language انت تبغاها .. << عن تجربة شخصية دي الفقرة المفروض تتحل آخر شي لانو محا تقدر تكتب الكود إلا لما تسويلو Trace وتشوف هو ايش يعمل البرنامج .. بعد الtrace اكتشفت انو لووب

الفقرة التانية انو تكتب نفس الكود بس بال machine language وحطلنا ال op-code لكل الأوامر بس انو علينا نرتبها ونحط جنبها عنوان الداتا او رقم الداتا نفسها يعني اللي يكون مناسب

الفقرة الثالثة اللي هو Trace وحط جدول لإكس وواحد لواي ونكتب قيمة كل واحد لما تتغير قيمته ونكتب رقم الانستركشن اللي يتغير عندو القيم

وسلامتكم والعافية :)
هدا اللي طلع معايا وان شالله ما اكون كتبت شي غلط خخخ ولو افتكرت شي تاني بأقولكم

بالتوووووووفيق ليكم يا شباب وترى الاختبار مرررره حلووو وظريف بإستثناء الجزء النظري اللي ما احبو من يومي

موفقين يارب

[السوسن البهي]

ماشاء الله تونا ماقصرت

كتبت كل الي جانا

المهم الاختبار ماكان صعب كان حلو

صح فيله كم فقرة مو مررة بس

بشكل عااام حلو والدكتور

سااعدناا كثير

الحمدلله عدا

سلايدات شابتر 10 و11 في المرفقات

[Oo 3soOola oo]

احلى شي لما الدكترو عصب

وحل اول خطوتين من سؤال 4 عشان يفهمنا السؤال خخخخ يحزن صراحه

[تونا]

معليش للأخوان اللي راسلوني عالخاص ما اقدر ارد عليها لانو مشاركاتي اقل من ٢٥ << براااا مالك داعي في المنتدى

المهم اللي ما كانو فاهمين على شرحي للسؤال بأحاول اوضحو هنا أكثر اللي هو السؤال اللي انا انشكحت عليه

عموما هو السؤال كان غريب وبأحاول اقولكم كيف جانا بالزبط وعلى الله ما تخونني الذاكرة ^^

شوفو اول شي جانا مجموعة انستركشن زي كدا :
LD 8
STORE x
LD 5
STORE y
LD x
JPZ 13
LD y
ADD 2
LD x
DEC
BR 4
اوكي تقريبا هي كانت كدا وكان مرقمها كلها من زيرو الين ١٣ << بس ترى في انستركشن مني فاكرتو عشان كدا لو عديتوها محا تلاقوها ١٣ ^^

وبعدين في الفقرة الاولى كان مطلوب انو تكتبو دا البرنامج بأي لغة برمجة تعجبكم << بأشرح دي تاني آخر شي ماشي ؟ ^^

الفقرة التانية : انو تكتبو دا الكود نفسو ب machine language وكان حاطط الop-code لكل انستركشن
يعني زي كدا :
0 تمثل LD Immediate
1 تمثل LD Direct
2 تمثل STORE
3 تمثل JPZ
4 تمثل BR
5 تمثل ADD
6 تمثل DEC

وكمان اعطانا عنوان الاكس وعنوان الواي .. مثلا خلينا نقول عنوان الاكس كان 01F وعنوان الواي كان 092
اوكي ؟
وانو المطلوب تعيدو نفس الكود باستخدام دي الابكود .. وجنب كل ابكود تكتبو اذا كان داتا او عنوان الداتا ..
يعني دحين الاكواد اللي فوق في السؤال حأكتب لكم هي بالmachine Language :

0008
201F
0005
2092
101F
3013
1092
5002
101F
6000
4004

وتلاحظو في LD عندكم حالتين يا تعملو لود لقيمة معينة زي اول شي LD 8 هذه نوعها immediate يعني تكتبو جنب الابكود على طول قيمة الداتا يعني 0008
وفي حالة لو كان LD direct حتحطو جنب الابكود رقم العنوان يعني مثلا LD x حتصير كدا 101F
ماشي ؟ ان شالله فاهمين عليا ..

المهم والفقرة الثالثة كانت انو تعملو Trace على الكود دا
يعني جانا جدولين من عمودين .. واحد لاكس والتاني لواي
الجدول قلتلكم من عمودين اول عمود تكتبو قيمة اكس كل ما تتغير وفي العمود التاني تكتبو رقم الانستركشن اللي اتغير عندها قيمة اكس <<طبعا الانستركشن اللي فوق في البداية بتجيكم مرقمة زي ما قلتلكم من ٠ الى ١٣ مثلا ^^

وهذه الفقرة لما تحلوها حتلاقو نفسكم فاهمين الكود دا ايش يبغى وبعدها يمديكم تحلو الفقرة الاولى اللي تكتبو البرنامج بلغة برمجة .. شوفو جربو اعملو Trace على الكود وبتلاقو انو Loop وانو يعمل كدا :

int x=8
int y= 5

while (x!=0) {
y=y+2 ;
--x ;
} //end

هاا كيف وصلت الفكرة ولا لسه ؟ اذا ما فهمتو عليا انا ووجهي قولولي يصير اكتبها على ورقة بالزبط كيف جانا شكل السؤال واعملها سكانر وارسلها .. اوكي يا شعب ؟؟ ^^

وترى مررررررره سهل لا تشيلو همه .. شوفو اذا فاهمين من الدكتور بتحلو حتى لو ما فتحتو لا كتاب ولا سلايد .. بس طبعا ما عدا الاجزاء النظرية الحمقاء حقت التعاليل بس !! والباقي مووووووووية ^^

مووووفقين يارب

[thinker]

أشكر كل الأخوات والأخوة على المرور
وبالأخص الأخت تونا والأخت السوسن الله يوفقكم ويجزاكم خير على كل عمل إن شاء الله
لا تنسونا من دعائكم

[ahmedmaher]

الله يعطيكي الف عافية على الوصف الدقيق للسؤال وجوابه .

[تونا]

العفوووووو .. اهم شي استفدتو وان شالله موووفقين ^^

[ملك بلا مملكه]

اسال الله تعالى ان يوفق كل من كتبت وشرحة وفصلت

وساعدت ..

وان يسدد خطاها وان يجعل لها من كل هم فرجا ومن كل ضيق مخرجا ..


بالنسبة لسؤال الاختيارات

الي فاكره اي شي

لا تبخل علينا

ولو الشي اليسير .

ودمتم في صحة وعافية