ايش الفرق بين المواد الحرة والاختيارية احد يفيدني ياعالم

[7toom]

السلام عليكم ورحمة الله وبركاته

زي ماهو موضح بالسؤال ابغا اعرف الفرق بي المواد الحرة والاختارية

الحرة معروفة اللي 71 مادة بس الاختيارية ايش هيا؟

واعطوني امثلة عليها (يقولوا مادة الغوص صحيح ذا الكلام)

وشكرا مقدما

[Miss Honey]

الحرة تاخذها من أي كلية في الجامعة حتى لو الغوص ماعندك مشكلة
لكن الإختيارية تكون بس من كليتك
إذا مثلا تخصصت إدارة واقتصاد
يكون بعض مواد الكلية إختيارية مو كلها
هم بيكونوا محددين لك المواد الإختيارية بالنسبة لتخصصك
لأن فيه بعض المواد تكون من نفس كليتك بس مو إختيارية
لازم تنتبه لهالشي

[همس البنفسجْ]

المواد الحرة هيا المواد اللي تقدر تاخدها من الكليات التانية ،، يعني مثلا تبا سيرة نبوية من كلية الادآب

وغالبا تكون 3 مواد بس ..

المواد الاختيارية تكون بعد ماتتخصص محاسبة مثلا ،، الكلية تديك مواد تخص المحاسبة ،،

وانت تختار منها ع كيفك ،، تقريبا 9 ساعات

أما المواد ابو 71 ساعة ،، هذي مواد عامة اول ماتدخل الكلية كلنا ناخذها

[coOola]

كمان شغلة ..

الاختياريةة .. تقدر تعوضها بـ بـ بحث و تدريب

لـ أن الاختياري 3 مواد بـ 9 ساعات .. تقدر تاخذ البحث و التدريب بدالها برضو بـ 9 ساعات ..

[7toom]

بس انا شايف موضوع في المنتدى

http://www.skaau.com/vb/showthread.php?t=413239

انها 71 مادة حرة فقط من مختلف الاقسام ومافيها لا رياضة ولا غوص

وسؤال اخر هل اقدر اخذ المواد الاختيارية في الترم الحالي؟

[همس البنفسجْ]

لا الاختيارية بعد ماتختار تخصصك مو الحين

ايوا دي المواد الحرة تقدر تختار منها الموجود