شاركنا رأيك: ما الأفضل نظام الدراسة القديم أو النظام الحالي؟؟؟

[Dr.Omar]

السلام عليكم ورحمة الله وبركاته

بصراحه أنا طالب بجامعة أم القرى وتقدمت للتحويل للمك عبدالعزيز لكن اللي مخوفني ان نظام الدراسة بجامعتكم مختلف تماما وهو جديد طبعا نظام الاجهزة أو System ؟

أبغى آراوكم ايش أفضل وأحسن وأسهل نظام هل النظام الحالي أو النظام القديم ؟
وياليت لو تعطوني فكرة أكثر عن طريقة الدراسة عندكم ؟؟

تحياتي

[Eng:da7moon]

احسلك خليك في ام القرى دحين مسوين نظام السنة التحضيريه وبعدها تقرر فين تخش حسب معدلك

[evil girl]

وعليكم السلام ورحمة الله وبركاته


بالنسبة لنظام الدراسة الجديد ما اقدر افتيك فيه لانه ما اعرف عنه كثير بس الي بشوفهم من البنات ويدرسوه يشتكوا من انه متعب لانه فيه جهد كبير عالطالب لانه بيعتمد عليه بشكل اكبر وفيه اختبارات على مدار السنة

والنظام القديم برضه ضغط بس الدكاتره بيشرحوا اكتر على قولهم سبون فيدينج بس انا احسه احسن مع انه النظام الجديد عندنا هو المعتمد في كل جامعات العالم

وفي النهاية لكل نظام ايجابيات وسلبيات

انتا لو تلاقي احد يقولك عالنظام الجديد حتعرف تحدد الي يناسبك لانه في النهاية يعتمد على الشخص وقدراته


اتمنى احد يفيدك اكتر مني عن طريقة الدراسة عندنا :)

[المتفائلة]

اممممم

بالنسبه لصديقة لي تدرس في الطب البشري

بتؤيد النظام الجديد وبتقول حلو لانهم بياخذوا السستم وبيدرسوا كل شي عنو
من فسيولوجي وباثولوجي و و و و
و في نهاية السستم يختبروا فيه

وسبب التأييد بتقول اصبحنا نربط المعلومات و كمان تقول بنركز في سستم واحد

وصحيح يمكن الاختبارات كانت طوول السنه مافي اسبوع الا ومختبرين فيه


هذه نقله بسيطه من صديقتي
و تختلف من شخص لاخر
وكلا له ايجابيات وسلبيات


بالتوفيق ان شاء الله

[Dr.Omar]

ألف شكر على مروركم ونصيحتكم

احسلك خليك في ام القرى دحين مسوين نظام السنة التحضيريه وبعدها تقرر فين تخش حسب معدلك

عزيزي Eng:da7moon أنا الان أكملت سنة في أم القرى يعني نظام السنة التحضيرية لايطبق علي ... تحياتي لك

أرجو منكم ألا تبخلوا علي بنصائحكم وتجاربكم ... اكتب/اكتبي اي شي

[evil girl]

بس باضيف شيء

هنا حيكون افضل لك عشان السنوات السريرية

يعني لمن تنزل المستشفى في جدة حيكون احسن من ام القرى

....

[Dr.Omar]

مشكورة اختي evil girl بس ماوضحتي ليش حتكون في جامعة عزوز أفضل ؟؟؟؟ايش السبب

[Bright Future]

وعليكم السلام ورحمة الله وبركاته

أنا صيدلة مو طب وتوني خلصت سنة واحدة فما عندي فكرة عن هالأنظمة ..

لكن يا أخوي يكفي انك انتقلت لجامعة الملك عبد العزيز .. واذا كان النظام مختلف فأكيد للأفضل

مستوى الدراسة هنا أحسن وسمعتك لما تتخرج من هنا أفضل ..

فلا تشيل هم .. وكل شي فيه صعوبة بس لازم نصبر عشان نحقق طموحنا ..

[evil girl]

المشاركة الأصلية كتبت بواسطة Dr.Omar مشكورة اختي evil girl بس ماوضحتي ليش حتكون في جامعة عزوز أفضل ؟؟؟؟ايش السبب

عشان المستشفيات اكبر والحالات اكتر وممكن تتعلم احسن

وانا اشوف في الصيف يجوا يتدربوا هنا

فاحسن تدرس هنا :)

[The WisdomTooth]

التجربة خير برهان أخوي بعدين مابين مكة وجدة 75 كم يعني مافي مشكلة ان شاء الله