اي استفسار لطلاب وطالبات الاشعه انا مستعد

[AM00NA]

^^
_ احنا دفعة السنة اللي فاتت 29 طالبة اشعة..
_ انا اشوف انو لآ مقارنة بينهم ..
التحضيري معظمها اخذناها في الثانوي بس في التحضيري كانت بالانقلش
وهاذا الشي اللي واجهنا فيه شوية صعوبه..
بس في التخصص كل المعلومات والمواد والمصطلحات جديده علينا
ويبغالها مذاكره مستمرة ومتابعة مع الدكتور للحصول على افضل الدرجات..
بالاضافة ان في التخصص عدد المواد في السمستر من 6_7 مواد
بااستثناء الترم الاول سنة ثانية اخذنا 8 مواد
بس عادي و Don't worry بتتعودون على الوضع
وراح تحبون التخصص كثير وحتشوفوه سهل وممتع ان شاءالله ..

[kid]

سلام عليكم ورحمه الله وبركآته ....
امممم .. محتار بين الاقسام .. ومعي سواال

( الحين سمعت ..انو الوآحد يوم يشتغل بالآشعه ممكن الاشعه لها تاثير على مدى بعيد عليه ..)) هل الكلآم صحيح .؟

وسمعت ايضا انو بعد كل سنه من العمل يسون له فحص للاشعه ويعطونه اجازه عشان الاشعه تتفرغ من جسمه ..


وادا تقدر عطني نبذه عن الدراسه بالقسم .. والموآد .. وشلون سهله .. ,ومن نآحيه الفرص الوظيفيه لها

تسلم .. تعبتك

[Dr.selly]

http://www.skaau.com/vb/showthread.p...56#post5900756

بيفيدك هذا الرابط

[XHUNTERX]

المشاركة الأصلية كتبت بواسطة dr.f.a.h - غالبا كم عدد اللي ينقبلو في الاشعه سنويا ؟ - هل صعوبة التخصص مثل صعوبة السنة التحضيريه ؟ وشككرآ

بالنسبه لسؤال الاول كل سنه يتغير يعني طوال السنوات الماضيه عدد الطلاب والطالبات ما تجاوز 16 لطلاب 16 لطالبات باستثناء السنه الماضيه كان عدد الطلاب تقريبا 15 او 16 بس الطالباات كان عددهم 29 بالنسبه لصعوبه والمقارنه مع التحضيري انا اشوف انو اسهل من التحضيري بس فالبدايه فيه شوية صعوبه والسبب المصطلحات الطبيه وبعد كذا الامور سهله ان شاء الله

[XHUNTERX]

المشاركة الأصلية كتبت بواسطة kid سلام عليكم ورحمه الله وبركآته .... امممم .. محتار بين الاقسام .. ومعي سواال ( الحين سمعت ..انو الوآحد يوم يشتغل بالآشعه ممكن الاشعه لها تاثير على مدى بعيد عليه ..)) هل الكلآم صحيح .؟ وسمعت ايضا انو بعد كل سنه من العمل يسون له فحص للاشعه ويعطونه اجازه عشان الاشعه تتفرغ من جسمه .. وادا تقدر عطني نبذه عن الدراسه بالقسم .. والموآد .. وشلون سهله .. ,ومن نآحيه الفرص الوظيفيه لها تسلم .. تعبتك

وعليكم السلام ورحمة الله وبركاته بالنسبه لتاثير الاشعه على المدى البعيد وهل فعلا فيه تاثير ولا لا طبعا الاشعه تؤثر على جسم الانسان تاثير خطير كمان قد يؤدي الى السرطان لاسمح الله بس في حالة وحده اذا كنت مهمل في اتباع اجراءات السلامه فيه ماده تدرس في ثانيه اشعه تختص بجرعات الاشعه وكيف تحمي نفسك والمريض من الاشعه فهذا الشي ما يخووف ابدا اذا التزمت بالتعليمات واجراءات الوقايه من الاشعاع وبالنسبه للفحص اذا كنت موظف وتعمل بقسم الاشعه بشكل يومي يفضل انو كل 6 اشهر تعمل تحليل cbc بس للاحتياط بالنسبه للمواد فيه السهل وفيه الصب مو كلها سوا بس عموما متوسطة الصعوبه الفرص الوظيفيه بعد خمس سنوات الله اعلم بس اتوقع حيكوون لينا ودود كبير باذن الله نظرا للمشاريع التي تقام حاليا من بناء مستشفيات عامه جديده تحياتي

[XHUNTERX]

الظاهر مافي اشعه كثير السنه هذي

[دره جده]

لو سمحتو في ناس قالولي دا الكلام وابغى استفسركم

يقولو ان لاتدخلي قسم الاشعه لأنه جدا خطير بعدين لمن تتوضفي !!
ممكن توضحولي دي النقطه وبكل صراحه ؟؟

وشكرا

[Dr-JooJ]

س سؤال دي السنه مافي ناس حتدخل أشعة؟؟! لانو ماني شايفا احد جالس يسال حسيت اني حكون لوحدي اقربع في الكليه

[NoOoNy360]

اول شي مررره شكرا على الموضوع وجزاك الله خير
تاني شي انا اللي عرفتو انو اول ماتتخصص اشعة هتكون في مادة رياضيات<< اش رح ناخد في الرياضيات يعني لو مثلا حسيت نفسي ماقدرت امشي في الأشعة وحبيت أحول هندسة ممكن تتعادل هادي المادة؟؟

وكمان انا محتارة بين الأشعة والتغذية بس يمكن حاسة كأنو الأشعة ممتع اكتر بس مني عارفة ايت اصعب << ممكن تفيدوني بمعلومات

[Dr.Shaikhah]

بعد إذن صاحب الموضوع حـ اجاوب =)

المشاركة الأصلية كتبت بواسطة دره جده لو سمحتو في ناس قالولي دا الكلام وابغى استفسركم يقولو ان لاتدخلي قسم الاشعه لأنه جدا خطير بعدين لمن تتوضفي !! ممكن توضحولي دي النقطه وبكل صراحه ؟؟ وشكرا

تخصص الأشعة التشخيصية الجميل , كثر الهرج واللقط والقيل والقال عليه من الغالب اللي مايعرفون حقيقة هذا التخصص
وحلو انك جيتي تسألين وتستفسرين مننا قبل تختاري التخصص

ممممم زي ماحنا عارفين ان الأشعة لها أضرار أكيد ولها منافع كمان في انها تكشف وتشخص المرض وممكن نعالج بها المريض كمان
وأن لو تعرضنا لها كثير ممكن تصابين بسرطان لاسمح الله
حتى أشعة الشمس مثلا مع ان لها فائدة في تكوين اليود بالجسم لكن لو جلسنا 24 ساعة تحت الشمس بنحترق وبيجينا سرطان
لكننا كأخصائيي وأخصائيات اشعة درسنا في سنة ثانيه من السمستر الأول مادة اسمها Radiobiology & Radiation protection < الإشعاع الحيوي والحماية من الإشعاع
فيه تدرسين اساليب الوقاية والحماية من الإشعاع وكيف تحمين نفسك وايش الجرعات اللي مفروض ماتتعديها خلال فترة معينة عشان تكوني في السليم ومتى مفروض ماتتعرضين لأشعة
وراح يكون معاك جهاز صغير تعلقينه فترة التدريب واذا توظفتي ان شاء الله يقيس مدى الإشعاع اللي تعرضتي له بحيث انهم يشيكون عليه مابين فترة وفترة عشان يتأكدون انك ماتعرضتي لجرعة تضرك

وانتي اذا اتبعتي هالأساليب ماراح يصير عليك شي
في دكاترة لهم دهور في مجال الأشعه وصاحيين مافيهم شي
السر يكمن في مدى اهتمامك بالوقاية من الأشعه وان الأشياء اللي بيعلمونك اياها تطبقينها وماتتجاهلينها

والله يحميكِ

المشاركة الأصلية كتبت بواسطة Dr-JooJ س سؤال دي السنه مافي ناس حتدخل أشعة؟؟! لانو ماني شايفا احد جالس يسال حسيت اني حكون لوحدي اقربع في الكليه

لا في ان شاء الله بس اغلبهم مايدخلون المنتدى يمكن
لا تستعجلين عليهم

المشاركة الأصلية كتبت بواسطة NoOoNy360 اول شي مررره شكرا على الموضوع وجزاك الله خير تاني شي انا اللي عرفتو انو اول ماتتخصص اشعة هتكون في مادة رياضيات<< اش رح ناخد في الرياضيات يعني لو مثلا حسيت نفسي ماقدرت امشي في الأشعة وحبيت أحول هندسة ممكن تتعادل هادي المادة؟؟ وكمان انا محتارة بين الأشعة والتغذية بس يمكن حاسة كأنو الأشعة ممتع اكتر بس مني عارفة ايت اصعب << ممكن تفيدوني بمعلومات

لا تطمني مافي رياضيات ولا راح تشمي ريحته بعد

بالنسبة للتخصص الأحسن انتي شوفي تميلي اكثر لأيش واقرأي عن مواد كل تخصص وشوفي الأقرب لك واللي تحبينه , اقرأي عن طبيعة العمل بعدين كمان وتخيلي نفسك وشوفي ايش تحبي تكوني اكثر اخصائية اشعة او اخصائية تغذية

انا ما أروّج لتخصصي بس ماراح تندمي اذا اخترتيه