"مشكلة" اللغة الانجليزية

[JuchiKazunashi]

السلام عليكم ورحمة الله وبركاته يا زميلاتي وزملائي في الجامعة ^^

انا حابة أناقش في موضوع من جد تعبني طول عمري.. صراحة احنا الين متى حنفضل نقول "انجليزي صعب" و"انجليزي مو قادرين نفهمه" وما شابه؟

طول عمري وانا جالسة أسمع كده.. من ايامي في المدرسة الين دحين.. كنت أسمع نفس الكلام وأقول لهم "لا حرام! والله الانجليزي سهل! خذوه على انه لغة مو مادة".. انا دارسة في 3 مدارس أهلية (نقلت من واحدة لثانية), معناه انه انا بادرس انجليزي من صغري.. وأعرف ناس دارسين في مدارس حكومية لكن يعرفوا يتكلموا انجليزي ويكتبوه ويقروه ما شاء الله

شرط إنه الواحد يكون في مدرسة أهلية أو حكومية عشان يتحدد إنه يقدر يتكلم انجليزي ولا لا؟! مو شرط! زي ما قلت قبل إنه من وأنا في المدرسة باسمع الكلام ذا, وهي مدرسة أهلية!!!

المشكلة مو في أي مدرسة درست, المشكلة في الشخص نفسه اذا هو يبغى ولا لا.. ودحين لو الناس تبغى تطور نفسها في الانجليزي او تتعلمه, في دورات بتتعمل, وفي انترنت يا كثر مواقع التعليم فيه بالهبل, وفي كتب تعليمية كمان

وفي نقطة أخيرة حابة اقولها كمان.. انا الصراحة عن نفسي, أبغى أتعلم لغات ثانية جنب الانجليزية.. حاليا, نفسي أتعلم اللغة اليابانية على أصولها.. الحمد لله اعرف افهمها شوية لو سمعت الناس بتتكلمها, بس برضو لازم أتعلمها على أصولها.. وعلى فكرة, اتعلمت الفرنسية بس شوية مرة.. انا بس قلت كده للي حاب يتعلم لغات ثانية جنب الانجليزية

معليش طولت عليكم أنا.. بس أتمنى إني ما أسمع كلام زي كده ثاني, أوكي؟

Peace ^^v

[حنااااااان بنت ابوها]

انااا معاااك بس عندي ملاحظاااات


هووو على حسب قدررات الشخص

وتختلف من شخص الاخررر ومن البيئه كماان تلاقين نااس


منذ نعوومه اظاافرهم يتعلموون في مداارس


لاكن احناااااا المدارس الحكوووميه ماااتعلمناااا الا اذااا رحناااا


المتوووسطه يعني لووو يخلووون الانجليزي منذ الابداائيه تلاقي

الاطفااال يررروحون االمتووسطه تلاقي عنده طلاقه في اللغه

اسفه اذاا طوولت هذه الحقيقه

[JuchiKazunashi]

المشاركة الأصلية كتبت بواسطة حنااااااان بنت ابوها انااا معاااك بس عندي ملاحظاااات هووو على حسب قدررات الشخص وتختلف من شخص الاخررر ومن البيئه كماان تلاقين نااس منذ نعوومه اظاافرهم يتعلموون في مداارس لاكن احناااااا المدارس الحكوووميه ماااتعلمناااا الا اذااا رحناااا المتوووسطه يعني لووو يخلووون الانجليزي منذ الابداائيه تلاقي الاطفااال يررروحون االمتووسطه تلاقي عنده طلاقه في اللغه اسفه اذاا طوولت هذه الحقيقه

أهااا.. أنا لسه كنت باقول إني أعرف ناس دارسين في مدارس حكومية لكن يعرفوا انجليزي ما شاء الله

حتى لو على قدرات الشخص, حتى لو لخبط في الأول حيتعلم من أخطاؤه ويزبطها.. مثلا أنا كنت اعرف اقول الكلمات الانجليزية مرة مزبوط من اول مرة؟ لا طبعا! لكن مع كثر الممارسة حتتمكني منها بإذن الله.. وبالنسبة لي أنا اللي حابة أتعلم لغات ثانية غيرها, كنت أزبطها من أولها؟ لا طبعا برضو! هي كثر الممارسة اللي حتخليكِ تتمكني من كل لغات العالم إن شاء الله ^^

كلنا لسه بنتعلم ما فات الأوان.. هي المشكلة في إنه إحنا اللي بنحط في راسنا فكرة إنه صعب ومو قادرين عليه ومستحيل.. لا! نحط في راسنا فكرة إنه سهل وقادرين عليه وحنتمكن منه إن شاء الله

أتمنى ما أكون طولت عليكِ.. بس ان شاء الله اكون وصلت فكرتي ^^

[حنااااااان بنت ابوها]

شوووفي ياقلبي

الخلاصه-----------------

كل ووواحد وعلى حسب ميووووله في اشخاااااص

يحبووونه الانجليزي زيك انتي في اشخاااااااص يحبوون كمااان

الرياااضيااااااااات متفووقين كمااان فيهاااا


كل ووواحد على حسب قدررراته تختلف من شخص الاخر


شكرررررررررا لك