██ اقتراح || [ إنشاء مجلس الطالبات ] ليكن لنا صوت رسمي ██

[bayoon]

أتمنى فعلا ان يتحقق ذلك
من أبسط حقوق كل طالب معرفة اسس وقوانين الجامعة بشكل كامل وتفاصيل و اسباب وضعها
و للاسف
لايوجد قانون للآن كامل يحقق الهدف والغاية المرجوة منه
مجرد لائحة يتم تعميمها بلاهدف ووعي

من ابسط الأمثلة قرار منع الجوالات بكاميرا والسبب امكانية التصوير من غير اذن -للآن حلو ومعاهم حق -
لكن لما ينسحب الجوال اول شي يطلبو منك بطاقتك وثاني شي ياليت تطلعي الذاكرة
لو فرضا البنت صورت احد ,, الذاكرة يرجع لية ؟!!

[تفآحة نيوتن}~]

المشاركة الأصلية كتبت بواسطة بنت انشتاين تفــــآآحـــه .. فكره حلوووه .. بس احنا لازم نتحرك خلال هالاسبوع يعني لوو اتـــفــقنا نروح كلنا بكره للشؤون ونعترض مو شرط بوقت واحد اهم شئ عدد كبــــــــــــير اكيد راح يحطون اعتـــراضنــا بعين الاعتــــــــــبآآر هذا هوا الحل الوحيد فاللي معـــــــــــــــــآآرضه تروح للشــــــــــؤون وتعــلن اعتـــراضهاا وانا بكره باذن الله حرووح

المشاركة الأصلية كتبت بواسطة بنت انشتاين alnuaimh@yahoo.com << ايمــيل عميـــدة الجامـــعه لطشــــته من وحده هيع راســــــــــــلوهاا عليه واعلــنوا اعتــراضكم بطريقه لائــــــــــقه وراقيه ومنطقـــيه :)

لا الشؤون مايسوي شي بيقولون قرار واحنا مكلفين به

لااا نروح للعميدة من حقنا كطالبات نقابلها ونطرح اعتراضنا واسبابنا

من حقنااااااااااااااااا

المشاركة الأصلية كتبت بواسطة بنت الخليج.. اتمنى إن هالشي يتحقق..

ان شاء الله يارب .. لو يدنا بيد بعض وصممنا على تحقيقة وعاونا بعض

راح يتحقق

المشاركة الأصلية كتبت بواسطة د/مــهــاااوي انا معاكم بس اتمنى مايكون فيه عايق جامعي وربنا يوفقكم والله تعبت من كثر ما اتكلم ومافي ناس تسمع كاني اتكلم في قربه مقطوعه

ان شاء الله يكونو متعاونين معانا .. وحتى اذا كان في عوائق المفروض مانيأس

راح نستمر ونواصل بمطالبنا حتى تتحقق لان المستفيد اولا واخيرا احنا

المشاركة الأصلية كتبت بواسطة Assor وانـا معاااااااااااكم... يعني من جد أليين هنا و بـس اليوم العبايات بكرة يدققو لنا ف اللبس و لا تنورتك قصيرة و لابلوزتك شفافة ..

في كثير من الامور تجري بدون اخذ راينا .. اقلها الاب توب الاهم ياناااس

لمتى .. كطالبة جامعية احتاجه معايا وقت البريك اعمل تكاليفي .. الف شغلة

ليه ممنوع بدون تصريح .. وراح نضل تسقبل قرارات غريبة جداا

المشاركة الأصلية كتبت بواسطة wan تفاحه انا رسمياً معاكي . و لازم نعمل يوم نعلن فيه ان رح يكون تجمع عند مكتب العميده . و ننشر خبر التجمع في الايميلات و في المنتديات و في البي بي و في تواقيع المنتديات و حتى لو نعلق اوراق في الجامعه . مستعدين ؟ نحدد يوم ؟

ايواا لازم نوصل لها صوتنا بأنفسنا كفاية سكوت حتى لو كانت شغلة العباية تافهة

وماتستحق القروشة ذي اقلها يكون لنا صوت لازم يسمعوه

المشاركة الأصلية كتبت بواسطة روووني يب يب انا معاكم اخاف بكره حتى الوان التنانير والتي شيرتات يحددوها ويقولوا انتوا تلبسوا الوان مو لايقه للصباح يعني وحركات النص كم دي

ان شاء الله مايجي اليوم ذا

المشاركة الأصلية كتبت بواسطة bayoon أتمنى فعلا ان يتحقق ذلك من أبسط حقوق كل طالب معرفة اسس وقوانين الجامعة بشكل كامل وتفاصيل و اسباب وضعها و للاسف لايوجد قانون للآن كامل يحقق الهدف والغاية المرجوة منه مجرد لائحة يتم تعميمها بلاهدف ووعي من ابسط الأمثلة قرار منع الجوالات بكاميرا والسبب امكانية التصوير من غير اذن -للآن حلو ومعاهم حق - لكن لما ينسحب الجوال اول شي يطلبو منك بطاقتك وثاني شي ياليت تطلعي الذاكرة لو فرضا البنت صورت احد ,, الذاكرة يرجع لية ؟!!

برافووو عليك ابسط حقوقنا نعرف القرارا مين صدره واسبابه وكل شي عنه

وبالتالي يكون لنا حق الاعترض او القبول به

كطلبة جامعيين نرفض الاسلوب العقيم الإرغام القسري علينا



__________________



بناااااااااااات لو كان في مجلس طلبة وصوت رسمي لنا

يوصل مطالبنا للمسؤليين


اساسا مستغربة اناااا مافي مجلس طالبااااااااااااات

جامعات العالم فيه مجلس طلاب لأنهم يؤمنون بالديموقراطية

وسماع رأي الاخر ويعتبرونه عنصر اساسي للرقي بالجامعة

الله عليك يادار الحكمة مسوين انتخابات وديموقراطية ومجلس طالبات

وجامعة المؤسس الي تكافح عشان تدخل التصنيف ماعندهم مجلس طلبة

[bayoon]

الدكاترة يطالبون الطالبات بخلع العبايات
والطالبات يطالبون الدكاترة بتحسين اخلاقياتهم في التعامل وتقدير وضع البنات
واالامانة في توزيع الدرجات وشغل التزبيط الى ماشي في الجامعة يوقف نبغى شؤون للطالبات يمسكوا كل دكتورة تمشي الطالبات المزبطة نفسها معاهم وووبس
وإلا سوف يتم ارتداء الجلابية السوداء ردا على قوانينهم ;)

[تفآحة نيوتن}~]

المشاركة الأصلية كتبت بواسطة bayoon الدكاترة يطالبون الطالبات بخلع العبايات والطالبات يطالبون الدكاترة بتحسين اخلاقياتهم في التعامل وتقدير وضع البنات واالامانة في توزيع الدرجات وشغل التزبيط الى ماشي في الجامعة يوقف نبغى شؤون للطالبات يمسكوا كل دكتورة تمشي الطالبات المزبطة نفسها معاهم وووبس وإلا سوف يتم ارتداء الجلابية السوداء ردا على قوانينهم ;)

بالفعل زي ماللدكاترة صوت مسموع حتى احنا نبغى يكون لنا صوت مسموع

واخيرا العباية ليس من مهمات الدكاترة عشان يعترضو عليها

ويتطبق اعتراضهم

اذن حتى احنا نطالب ا، الدكاترة مايلبسو بناطيل بمدء المساولة بيننا وبينهم

راح يعترضو الدكاترة وانو احنا مالنا دخل في لبسهم

وحتى احنا نعترض ومالهم دخل في لبسنا

هذا شي مو مكلفين فيه .. اذا نفسية الدكتورة تتاثر بمنظر العبايات

فنفسية الطالب اولا لانو هوا الي في نهاية مستفيد

والبعض مايرتاح الا بالعباية وانا منهم

[coOola]

أنا معك

وأصوت لـ إنشاءهذا المجلس

والله يوفق الجميع

[عيون السهارى]

انا معاكم وراح أبدأ من نفسي والله مابعطيهم فرصه يمشوا كلمتهم عليا

اتمنى الكل يقوي شخصيته ومايسمحلهم يمشون كلمتهم

انا بالنسبه لي مابفصخ العبايه واذا جات حقت الشؤؤن بسفهها بطنشها ماراح ارد عليها

اش بتسوي بتمدي يدها ماتقدر بتصرخ مع نفسها بتسحب شنطتي وتاخذ بطافتي وربي ماتقدر
خلاص كفايــــــــــــــــــــــــــه

[روووني]

^^^^^
المشكله انو اغلبنا باقيلو مخالفه ويتحول على المجلس التأديبي

[wan]

^^^^

روان مره مكبره انتي هرجة المجلس التاديبي . ترا كلها ورقه و مع السلامه
مهي فلكه ولا افتحي يدك و هوووبا بالمسطره . ما يقدرو يعملو شي و ان كان لهم لسان انا ليا عشره و اللي يشوفك بعين شوفيه بالاتنين .. لا تسكتوا يابنات اسفهوهم لا تردوا عليهم

امشوا بعباياتكم .

[زعيمة الورود]

أنا معك

وأصوت لـ إنشاءهذا المجلس
ضد قرار منع لبس العبايات في الجامعه

[امـــ88اني]

يابنات لازم نتكاااتف لازم
مو بنت تلبس عبايه والثانيه تفسخ
يعني لاحد يسوي نذاله ويفسخ العبايه
كلنا مع بعض
بالله لو جات عند ذي وقالتلها هاتي بطاقتك تقولها ياحبيبتي شوفي كل البنات عليهم عبايه جات عليا
وتروح عند الثانيه ونفس الرد وبكذا اتحدي ياخذوا بطايق احد
يابنات هما عددهم قليل واحنا كثيير
يعني ايش بيجرونا مثل الغنم على المذبحة والله ماايقدروا
بالعكس هما اللي راح ينفشلوا اذا كنا كثيير ومانعين ولو فيهم خير يسووا شيء
ياابنات مو بس كلام لازم الكل ماايفسخ عشان يصير القرار بيدنا ومايصير تكلمنا وتعبنا علي الفاضي
يابنات لاحد يفسخ وربي تشوفوا راح يتنازلوا عن القرار بس خلينا متمسكين براينا