>> اقتراحات + شكاوي + افكار تطويريهـــ *باذن الله ستصل للمسولين شخصيا <<تفضلو بالدخول

[Remoo]

.....


اشكركم اخواتي على تفاعلكم وعلى تقيدكم بالشروط
وسامحوني اذا طولت في الرد عليكم
بسبب ظروف صحيه والله
الاربعاء رحت المستشفى بسبب الدوخه والصداع المستمر

تخيلو الدكتوره ايش قالت لي فاجاتني مررره ؟؟؟

تقول جاتك ضربه شمس وتقول ابدا لاتتعرضي للشمس
لانك ماتستحمليها وفقر دم وهبوط في الضغط

بس ماقول الا الله يعين ويساعد الجميع

مافي شي يجي بالساهل وكل شي بأجره ..

المهم ...

اقتراحاتكم
فعاله وهي الهاجس ل 99 % من طالبات الجامعه
وهي اصلا مدرجه في الخطاب الي سويته بس كنت اخذ رايكم
يمكن يكون عندكم اي شكاوي او اي اقتراحات او افكار غير كذا

خصوصا تضليل الاماكن الي الشمس فيها بجد ماترحم

وبالاخص الممر تبع 420

وبالنسبه للموظفات وتعاملهم الغير راقي مع الطالبات

هذه اكثر شي راح اشدد فيها ...

اتمنى تفاعل اكثر منكم ...

الله يوفق ويسهل للجميع

دمتم بكل ود

[ام ساروووونه]

اشكرك أختي ريموووو

على ايصالك لمعانتنا لمن هم بإستطاعتهم مساعدتنا


1/ اللبس حرية شخصيه ((البناطيل يسمحو فيها لاب كوت عليها او بلايز طويله )) واذا صار هالنظام اتوقع اغلب البنات راح يقبلو بتفسيخ العبايات .

2/ خزانات خاصه للطالبات(( اتوقع هالشيء صعب عمله بس بالذات لو قروو بمنع العبايات وتكون بأرقام ورسوم شهريه بقيمه يقدرون كل الطالبات دفعها))

3/ الكافتيريات والزحام غير سوء الاطعمه ((يعني مو معقوله جامعه الملك عبدالعزيز تضم كم كافتريا وصغيره ))

3 / نرغب بوضع استراحات مكيفه .

4/سوء تعامل موظفات الشؤون .


أشكرك أختي ريمووو

ونتمنى بموضوعنا هذا أن ننتقل لـوضع أفضل

والسلام ختام

:)

[سومي1]

1_ قبل مايمنعوا لبس العبايات يشوفوا ردة فعل البنات مايصير تنعدم حريتنا مرة وحدة وإذا لازم ولابد خلاص يسمحوا لنا نلبس بناطيل ولاب كوت يعني بيكون في توحيد بالملابس ومافي فرق بين هذي وهذي وكذا أريح والله في الجري من مبنى لمبنى وفي عدل بين الطالبات .

2_ الكفتريات صغيرة و أسعارها ناااااااااااااااااااار حرام والله هذا غش عيني عينك .
ياريت يفتحوا كفتريات أكثر وأكبر وأنظف وأرخص من الموجودة حاليا , لأن ماشاء الله الطالبات بالآلاف ومافي غير عدد قليل جدا من الكفتريات شيء بصراحة مو معقول .

3_ تعامل بعض الموظفات بالشؤون للأسف لا يليق بموظفة بجامعة الملك عبدالعزيز .

4_ تظليل الشوارع و إنشاء محطات قولف وتظليلها مع الزيادة في عدد القولفات وتوفير كراسي يرتاحوا عليها البنات داخل المباني بدل قعدة الأرض اللي صلبت مفاصلنا .

5_ تخفيض التكييف ببعض المباني مثل 420 و 9 لدرجة "برودة معتدلة" تناسب البنات إذا فسخوا العبايات مو يفسخونها ويتثلجوا من البرد يعني يحسوا فينا إحنا أوادم يانااااااس .
6_ إنشاء بوابات أكثر للبنات لأن بصراحة البنات يتأخروا في المحاظرة الأولى دائما والسبب أكيد زحمة الطرق داخل سور الجامعة .

7_ تخصيص دواليب أكثر للطالبات برسوم آخر الترم وبكذا نرتاح من الشيل والحط .


هذا اللي بخاطري وأتمنى من كل قلبي يتحقق لو جزء بسيط منه

[رقة الورد]

هل هذا الموضوع خاص بطالبات الإنتظام فقط يعني الدراسات العليا لا؟

سؤال موجهه لكاتبة الموضوع

[جنون دمعه]

بجد لازم احد يشفلنا صرفه في اللي احنا فيه
طبعا البنات ماقصروا هذا اغلب الا كل بنات الجامعه يعانون منو
الكقتريات وتعامل المسؤولات والشمس والقولف
وان شاء الله ينظرو للموضوع بجديه

[Remoo]

المشاركة الأصلية كتبت بواسطة رقة الورد هل هذا الموضوع خاص بطالبات الإنتظام فقط يعني الدراسات العليا لا؟ سؤال موجهه لكاتبة الموضوع

اهلين فيكي اختي العزيزه ..

ايه نعم الموضوع للانتظام لان تحدد انه الشكاوي والاقتراحات

تكون من الانتظام ... مع العلم اني فيه شكاوي كثيره عالانتساب ومشاكله لكن والله حاولت اني اساعد هم
بس جاني الرد انه انتي انتظام ولك في الي يخصك وبس والانتساب اذا عندهم شكاوي او اقتراحات يقولوها بنفسهم ....

بس ولا يهمك قولي كل الي بخاطرك وإن شاء الله اذا ربي كتب لي عمر

بحاول قد ما اقدر اني اوصله واجيب لك الرد ...

[Remoo]

اخواتي كل الي انتكتب وضعته بالخطاب

وبيكون باذن الله بعين الاعتبار ..

وإن شاء الله ماتروح جهودنا هدر....

بس اوصيكم ونفسي بالتفاؤل والصبر

والقوة والعزيمه ...

وإن شاء الله يااااارب في القريب العاجل


تتعدل اوضاع جامعتنا الحبيبه ....


استنى منكم تفاعل اكثرر ...

واتمنى منكم تشاركوني بمقترحات وافكار اخرى لتطوير الجامعه

مثلا زي .. انا كان عندي مقترح وهي خدمه تقدمها الجامعه في نهايه فترة الاختبارات
وهي انه الرقم الي بتكون مسجلته الطالبه بالــ ouds ينرسل عليه نتايج اختباراتها ومعدلها الجديد بعد ماتنحسب من ضمنه نتايج الاختبارات
هذه الخدمه تشترك فيها الطالبه برسوم رمزيه جداا لانه احيانا فيه طالبات مابيكون عندهم نت وبيتعبو لحد مايعرفو درجاتهم ...

اتمنى الفكره تكون وصلت ...

انتظر تفاعلكم .............

[بنت الحسب ونسب]

ريوم فكره حلوه

مو بس لي ما عندهم نت كمان تخفيف للضغط الي يصير للموقع اثناء نزول النتائج

[m!ss dana]

اقترح بخصوص الكآفتريآت.. ليش مايسووآ منآقصه بين شركآت تغذيه وتموييين وتمسك كل الكآفتريآت.. زي دليفرآنس .. بآرنيز.. وغيرهم .. نظمن اكل نظيف وصحي..

[•♥fŗŌồtą]

لو يرجعون لنا كاكو >> توني عرفت قيمتهااا

او لوزين نبغى شي مغلف مو اكل استغفر الله بس :(