من كتم علما يلجم بلجام من نار أبغى احد يجاوبني ضروري

[عندي امل]

سلاام على الجميع


ياجماعة انا سؤالي سبشل وغير عن الكل واللي عندو الجواب الشافي والعلم يقوللي

ياحبايب قلبي

أنا خلصت دا الترم السنة التحضيرية

وثبتوني ب كلية العلوم أحياء

والحمد الله دي رغبتي

وطبعا انا بكلية التربيه

وسؤالي عن التحويل للجامعة ومعدلي 3.97

صحيح فاتني التحويل بس السبب همى الشؤون عندنا قاللولنا انو التحويل بعد الصيفي

كيف يكون وكنا بفرت امتحانات ف البديهي ماندخل النت محد فاضيلو

ف راح علينا الموعد

طيب انا بدي احول دحين ايش اسوي

اقدم اوراقي على التحويل الخارجي واحط اني من الكليات الاخرى

ولا اروح أسأل الشؤون

بليييز ضروري ابغى الجواب يكون على الاقل السبت موجود

وازا في احد متخصص احياء يفيدني ايش ممكن اصير ايش تخصصاتو اعرف حيوان ونبات طيب كيف أخش حيوان

وازا صرتو في امكانية ادخل كمان احياء دقيقة والافرع التانية من الاحياء حيوان



والالي يجاوبني عسى ربي يجمعني بي في جنه عرضها السموات والارض يارب

[جداوية شقية]

ليش الكل مو حابب الكليه مع انو دراستها اسهل

المهم مو هدا موضوعك

بس انك تحاولي من كليه لجامعه المسمى غلط بما انو الكليه فرع من فروع الجامعه يعني شهادتك ان شاءالله لما تتخرجي معتمده جامعيا

واذا حابه تحولي من كليه لكليه وسط الحرم الجامعي دا شي تاني
بس دام راح عليكي التحويل مااعتقد يحولوكي لين تدرسي ترم او ترمين ويكون معدلك عالي

ان شا الله اكون افدتك

[Onster]

يآ حلوة التحويل اللي فآتك


مو لينآ نحنآ التحضري


دآه كآن تحويل خآرجي يعني من جآمعه لجآمعة


مثلآ من جآمعة أم القري لجآمعة الملك عبد العزيز
: )

والتحويل إن شآء الله لمآ يتفح رآح يكون في آلآوديس حقك

رآح تلآقيه على اليمين وهنآك تعبي أستمآرة تحويل ^.^


بس لسه مآطلع ^ــــــــــــ^ ممكن يطلع بعد الترم الصيفي


خلي عندك أمل بالله كبير


أنآ كمآن أبغآ أحول للجآمعة لآنه عندهم تخصصآت أكتر ومجآلآت أكتر

بس الحمدلله على كل حآل

: )


يآعسل ممكن يكون خير لنآ في الكلية


: )

طيب وآلآحيآء لسه التخصص مو دحين

شوفي عندك في آلآوديس (( الخطة الدرآسية ))

رآح ندرس 5 مستوآيآت وبعد ه نتخصص

(( أحيآء حيوآن - أحيآء نبآت - أحيآء دقيقة ))

يعني في المستوي الـ 6 نتخصص


بس لمت دحين علمي علمك الجدول لسه مآ نزل ولآ شيء

^.^

[آخت ـآلقمر.!!]

والله ياقلبي زي ماقالو مافي تحويل لينا احنا السنه التحضيري الا بعد ماتتخصصين بالكليه سنه اظن وبعدين يفتحو التحويل وتقدري تحولي
اما على حكايه الاحياء انا زي زيك تورطت بهالقسم مادري كلو كلام يعني مادري اذ فيه احياء دقيقه ولا لا
والله يوفقنا وياكي على الخير...
دمتي بحفظ الرحمن

[Onster]

المشاركة الأصلية كتبت بواسطة آخت ـآلقمر.!! والله ياقلبي زي ماقالو مافي تحويل لينا احنا السنه التحضيري الا بعد ماتتخصصين بالكليه سنه اظن وبعدين يفتحو التحويل وتقدري تحولي اما على حكايه الاحياء انا زي زيك تورطت بهالقسم مادري كلو كلام يعني مادري اذ فيه احياء دقيقه ولا لا والله يوفقنا وياكي على الخير... دمتي بحفظ الرحمن

ههههه لآلآ

مو ورطة يآحلوة

على آلآقل أحسن من الريآضيآت الطلآسم

والكميآء والخرآبيط حقتوآ

^.^

آلآحيآء يحتآج حفظ أول بـ أول وصدقيني كل آللي يجي في آلآختبآر موجد في الكتآب

بس أهم شيء تزكزي فيه يعني بـ سهوله تجيبي ممتآز : )
^ــــــ^

لآلآ في إن شآء الله أصلآن نحنآ لين نطلع المتسوي الخآمس تكون في أقسآم جديدة في الكلية

ومآتدري ممكن نكون حولنآ الجآمعة >>>>>>> متفأله خير

[عزة نفسي_تكفيني]

وعليكم السلام ورحمة الله وبركاته


من جد مدري ليه الأغلب نافر من الكلية مع انه نفسها نفس الجامعه مايفرق شي والشهادهـ صايرهـ تعليم عالي

اللي يفرق انه خارج حرم الجامعه وطبعا هذا مايهم لانه مايفرق اهم شي الشهاادهـ والمستقبل

واتأكدي مادخلتي شي الا انه خير لكـ هذا الله اللي كاتبه

وان شاءالله تحولي للي تبيه ويكون فيه مجال للتحويل

وبالنسبه لقسم أحياء حيوان أختي تخرجت من هالقسم وهي بطبيعتها تحب الأحياء وحبت هالقسم

طبعا على فترتها كان عادي تختار حيوان ولا نبات مثل ماتبي وتتخصص على طول

أما اللحين مدري كيف النظام الجديد تتخصوا على طول ولا لا

ومجالات وأهداف القسم :

1. تهدف دراسة علم الحيوان إلى تحقيق ما يأتي : تدريس المملكة النباتية والمملكة الحيوانية للطالبات وتعريفهم بالدور البيئي للكائنات الحية , وتأثيراتها البيئية والاقتصادية , ودورها في تخطيط المدن, وكذلك الصناعات الميكروبية والمواصفات القياسية .

2. إعـداد متخصصين في الفـروع المختلفة لعلـم الحيـوان يمتـازون بالإبداع في البحث والدراسة للعمل كمعيد في الجامعات .

3. وان يكون لديهم القدرة على التطبيق والتحليل كفني مختبر ومساعد باحث في الجامعات .

4. الإعداد العلمي الجيد للعمل كمدرس في وزارة التربية والتعليم .

5. الإعداد العلمي الجيد للعمل كفني مختبر متخصص في المختبرات والتحاليل الطبية في المستشفيات الحكومية والخاصة .

6. الإعداد الجيد كباحث مؤهل في الثروة الحيوانية في وزارة الزراعة والهيئة الوطنية لحماية الحياة الفطرية وإنمائها .

7. الإعداد الجيد كباحث في المؤسسة العامة للأرصاد وحماية البيئة وغيرها من القطاعات الحكومية والخاصة المشابهة في طبيعة عملها .

8. كما يساعد في تأهيل الطالبات في مجال علوم الأحياء على أداء واجبهم الوطني في مجالات كثيرة.

9. تبصير الطالبة بأخلاقيات البحث العلمي سلباً وإيجابيا بما يتمشى مع تعاليم ديننا الإسلامي.
10. استخدام التقنيات العلمية الحديثة في الكشف عن أمراض الإنسان والنبات والحيوان ومقاومة الأمراض.


وبالتوفيق لكـِ ^_^

مودتي

[عندي امل]

بجد

شكرا ليكم كوووووووووووووولكم

ونا مو نافرة من الكولية بس لأنو ما ابغاه تربية ابغى اكمل من دون مايكون عندنا نروح مدارس ودا الهرج

تاني شي انا رحت الجامعة بنفسي >>>عشان اجيب الخبر اليقين

المهم رحت للشؤون وحولوني عند وفاء 2 خخخخ يعني غرفتها

المهم قالتلي صح انو النقل مو لينا

وكمان نحنا مادرسنا السنة اللي اتخصصنا فيها

يعني سنة راحت فشوش

ف بعد السنة نجيب معدل ونحول هادا في حالة ماقفلوه قولو يارب مايقفلوه ويعلونا ونقدر نقدم من الترم الاول

وهادا على لسان وفاء دا الهرج

ونقلتو على ذمتي

وبس

وشكرا تاني مر ة وشكلو باشيل معايا فيتامين بالشنطة

[Onster]

آنآ عن نفسي مو نآفرة من الكلية


بس أصلآن مآ أحب آلآحيآء ومآ أطيقه خير شر

يعني كآن نفسي تقنية طبيه أو مجآل طبي


ودي التخصصآت مو موجودة في الكلية

بس الحمدلله على كل حآل

بس لو في تحويل يكون أحسن عشآن أبغآ أحول

يآآآآآربي مشوآآآر ندرس سنة بعدين نحول ...؟

يآحلوة


عندك رقم وفآء ..؟

[عزة نفسي_تكفيني]

ياأختي عندي أمل منو قال انكـ تربويه

اللحين مااعاد صاار في تربيه

انا دفعتي كانت اخر سنه تربوي من حظي الماايل ^_^ بس ماأقول غير الحمدلله

ولا انا ولا أفكر في التربوي ولا كنت أبيه بس الله كااتبه والحمدلله أول تجربه عدت على خير وتجربه حلوهـ وان شاءالله باقي الثانيه الله يسهلها مع اني للآن ماأبي مستقبلا اذا الله كتبلي عمر اشتغل في مجال تربوي

ومثل ماقلت لكـِ انا دفعتي آخر دفعه تربوي انتم واللي قبلكم لا ماعندكم تدريب في مدارس

صاير نظامكم مثل الجامعه بالضبط تبي تربوي تقدمي سنه اضافيه بعد التخرج وبس ^_^

واللي فيه الخير الله يكتبه لكـِ انت والأخت onster

مودتي

[Onster]

عن جد والله صح كلآمك

بس الحمدلله على كل حآل

آلآحيآء عآلم من إختيآري >>>>>بدآت أتعودت هههههههه


: )