اللي تخصص إدارة مستشفيات ممكن مساعده

[تفاحة الخليج]

السلام عليكم
انا تعليم عن بعد تخصص ادارة مستشفيات ابغا نصيحة من اهل الخبرة انا دحين فالمستوي الخامس وما ادري محتارة وخايفة من المواد التخصص اللي هتنزل فجدولي خايفه اضيف مواد تكون صعبه فمني داريه فابغا اسأل اش تنصحوني اخد في المستوي الخامس يعني اش اضيف أنا بس فاضلي 5 المواد اللي خارج عن التخصص اللي هيا عمليات وأداة ماليه واقتصاد كلي وثقافة 3،4 أنا ما ابغا أخدهم كلهم يعني اقسم تلاته منهم وتلاته من المواد التخصص فالترم الأول والترم التاني كدا برضو مادتين واربع مواد تخصص
فالله يخليكم ويسعدكم يارب اللي تعرف ترد

[تفاحة الخليج]

42 مشاهدة وماحد عارف يرد معقول

[صمود الجبال]

هلا قلبوووووو
انا تبع رابغ مو تبع الاقتصاد والادارة بس معرف نفس المواد ولا لا بس بقلك اللي اخذته
اخذت مصطلحات طبيه وهذه الماده كلها انجليزي لازم تحفظي المصطلحات والرموز الطبيه
وادارة مستشفيات طبعا الماده ممتعه وتتكلم عن المستشفيات وبدايه ظهورها وكيف العلاج قديما
وادارة تامين صحي تتكلم عن التامينات وبالاخص التامينات الطبيه
موووووووووووووووووووووووووفقه

[الطالبه شوشو]

اولا لازم تاخدين مادة اختياريه ف الخامس وخدي زي استخدام خدمات الرعايه الطبيه مررررررررررررررة روعه جبت 89الملزمه كلها 34 صفحه
وادارة مستشفيات تجننن كما سبقتي اختي اللي قبلي
ثقافه 3عن الزواج وكدا من حياتنا
الاقتصاد الكلي حلوو بس ركزي على القوانين مرررة مهم
وبسسس هذا اللي اعرفه

[تفاحة الخليج]

مشكورة يابنوتات الله يعطيكم العافية يارب ويسعدكم ويوفقكم ويوفق الجميع

[تفاحة الخليج]

بنات بس ابغا اعرف احد أخد مواد مع دكتورة دينا الجحدلي و هند الجهني وإذا أخذتو معاهم كيف الشرح تبعهم الله يسعد كم ويوفقكم اللي تعرف تردلي

[ارامـ]

انا اخذت مع هند الجهني وربي الى حد هذا اليوم كل ما اتذكرها

ادعي لها عسل وطيوبة مرة وشرحها واضح وتعطيكي ملخص ما يتعدى 50 صفحة

اخذت معها مادتين ادارة مستشفيات و تسويق خدمات صحيه وبس هذا كل شيئ

عاد ما ادري اذا بتغير الملخصات او لا بس عموما المادتين مرة سهلة والاستاذة طيبة

انصحك تاخذين المادتين مع ثقافة 3 و اخلاقيات وقانون المهن الصحية هذه اربع مواد والباقي عليكي

واسفة اذا طولت ودعواتك لي

[الطالبه شوشو]

هند الجهني تاج على الراس كلمة عسل وطيوبه قليله ف حقها

[تفاحة الخليج]

مشكورة حبايبي الله يسعدكم يارب ويوفقكم يارب والله يبعتلكم اللي يساعدكم اذا احتجتو زي مابتساعدوني
طب ما تعرفو عن دكتورة دينا الجحدلي معليش والله تعبتكم معايه والله يجزاكم كل خير يارب

[ريم ريم ريم]

بنات اخر مستوى ممكن احول فيه من تعليم عن بعد الى انتساب