ياخوان استفسار للمجربين بخصوص التدريب العملي 2

[بندر العوني]

السلام عليكم .

ياخوان انا الحمدالله تدربت التدريب العملي 1 وطبقت في مقر عملي لانه فيه علاقات عامه والحمدالله عملت التقرير وكل شي الترم اللي فات
وجبت درجه مقبوله الحمدالله .


السؤال هل اقدر اتدرب العملي 2 في نفس المكان ؟؟

لاني سمعت انه لابد تغير جهه التدريب الاول عن الثاني .

فياليت اللي جربو ومشت امورهم يفيدوني.؟

[46S]

ايه تقدر اخوي بنفس المكان وانا سبقت وعملت التدريب الاول والثاني في نفس المكان

بالتوفيق يارب

[آخر الغيم]

تقدر ياعزيزي

[بندر العوني]

الله يعطيكم العافيه ماقصرتو ياغالين .

[abo-ftoon]

انا طالب متخرج

وقمت بتطبيق التدريب العملي (1) (2) في نفس الجهه ونفس الفصل


عادي جدا يمديك تطبق

بالتوفيق لكم جميعا

[حسن عبدالرحمن]

تطمن يالغالي ولاتشيل هم التدريب العملي ترى الوضع سهاله وفالك التوفيق والنجاح ان شاء الله

[عبدالله النافع]

المشاركة الأصلية كتبت بواسطة abo-ftoon انا طالب متخرج وقمت بتطبيق التدريب العملي (1) (2) في نفس الجهه ونفس الفصل عادي جدا يمديك تطبق بالتوفيق لكم جميعا

كيف يعني نفس الفصل؟؟

[ع ع]

أخي الفاضل رد الزميل في نفس الفصل

مجرد التغيير في عدد الساعات التدريبية

وفالك النجاح

[عبدالله النافع]

وضح اكثر اخوي
الله لا يهينك

[أمجد لطيف]

يعني الطالب اللي يقول انه تدرب في نفس الفصل تدريب 1 و 2 يعني جمع بينهم في نفس الترم بس سوا له تقريرين منفصلين , هذا مقصده منها