Lesson 3 : Relief of Choking

[Dr.Passed]

السلام عليكم ورحمه الله وبركاته

كيف حالكم..؟
اعتذر مره مشغوله دحين الفتره الاخيره واخرت الدرس عليكم..الي مارديت على اسإلتهم في الدروس الماضيه اليوم ارد عليكم ان شالله

حناخد اليوم ال choking ( الغصه) مره درس قصير وبسيط

ملاحظه/ كلامنا حيكون عن الي اعمارهم من سنه و فوق في هذا الدرس

في ال choking حنتكلم عن الناس الي يكونو غاصين في منهم الواعيين و الغير واعيين ( مو قصدي مجانين...قصدي مغمى عليهم يعني )

الواعيين

لازم نسألهم ?Are you choking
اذا قالولنا ايوا او ادونا اشاره انو ايوا هما choking من جد
نحاول نهديهم و نشجعهم انهم يحاولو يكحو.." لاتخاف..كح...بسيطه ان شالله...تطلع..لاتخاف ان شالله ما تحتاج بس انا اعرف CPR لا سمح الله انت بس لاتشيل هم...كح بس كح ...الخ" يعني اختصارا نحاول نهديهم ونشجعهم يكحو

لقينا مافي فايده مو قادرين لا يتكلمو ولا يكحو خلاص مافي امل معاهم ..نوقف وراهم ونسوي ضغطات البطن abdominal thrusts و تسمى heimlich maneuver

الى ان حاجه من اتنين تحصل

1. الforeign body ( الجسم الي سادد و عامل دا كلو) يطلع
2. يغمى عليه

اذا طلع الجسم الحمد لله...تنتهي الحفله حقتنا ونحمدلو على السلامه..ونبدأ نتحكى بأ " ربي سلم..." " وييييي عين ماصلت على النبي يالطيف الناس كيف...الواحد يخاف على عمرو..." ..." تصدقي انا داكا النهار ...الخ...الحمد لله بس ياستي ...الخ"

اذا اغمى عليه..نسويلو CPR عادي ( لكن كل مره نجي فيها نبا نديbreaths نفتح نتأكد نشوف في موجوده ال foreign body في الفم و لا لأ )

الغير واعيين

من البدايه..نعمل CPR و مع كل مره نجي نبا ندي breaths نفتح نشوف موجوده ال foreign body طلعت معانا و لا لأ >>اذا شفناها نسحبها

هادا باختصار ال choking

دحين اتفضلو شوفو الفيديو وشوفو كيف نعمل ال heimlich ( حركه ضغطات البطن)

?Any questions
feel free to ask..

[ζ ـــږۉف الـتـ’ـمـيـــزْ]

يعطيك العافية


الدرس مرررره واضح وسهل

بإنتظار القادم =)

بس اذا اغمى عليه وطلعت الجسم الغريب
وما وعى المريض .. اكمل الـ cpr عادي لين يعطي اشاره للحياه
او يكون في تنفس ونبض صح ؟!

[Abdullah Al-juhani]

وعليكم السلام ورحمة الله وبركاته

درس ممتع وخفيف ومفيد كلها في نفس الوقت
أنا حصلي موقف زي كذا وأنا صغير اللقمة وقفت في حلقي
ووجهي زرق خلاص عشان أمي وقتها ما عرفت التصرف الصحيح لما شافت وجهي كذا
دخلت أصباعها في حلقي وسويت عملية جراحية بأصباعها ^^" الين ما طلعتها بالقوة
الحمدلله ما أتذكر نفسي يومها

نرجع لدرسنا =)
عندي سؤال هل شرب الموية وقتها له فائدة ؟
يعني عندنا لما الواحد يشرق يشربوه موية طيب نفس الشيء مع الغصة أو لأ ؟ ...

شكراً د. باسد

[Dr.Passed]

المشاركة الأصلية كتبت بواسطة abdullah al-juhani وعليكم السلام ورحمة الله وبركاته درس ممتع وخفيف ومفيد كلها في نفس الوقت أنا حصلي موقف زي كذا وأنا صغير اللقمة وقفت في حلقي ووجهي زرق خلاص عشان أمي وقتها ما عرفت التصرف الصحيح لما شافت وجهي كذا دخلت أصباعها في حلقي وسويت عملية جراحية بأصباعها ^^" الين ما طلعتها بالقوة الحمدلله ما أتذكر نفسي يومها نرجع لدرسنا =) عندي سؤال هل شرب الموية وقتها له فائدة ؟ يعني عندنا لما الواحد يشرق يشربوه موية طيب نفس الشيء مع الغصة أو لأ ؟ ... شكراً د. باسد

العفو مافي مشاكل ...الحمد لله كويس انها طلعت يعني تصرف أدى الغرض ما شالله

شرب المويه ( غلط ) هيا عوايد إحنا متعودين عليها
لكن نسويها لأنو احيانا يكون قي شي عالق و شرب المويه بينزلو خلاص وينبلع بس هوا ( تصرف غلط ) المفروض ايش ما كان يطلع

[Dr.Passed]

المشاركة الأصلية كتبت بواسطة ζ ـــږۉف الـتـ’ـمـيـــزْ يعطيك العافية الدرس مرررره واضح وسهل بإنتظار القادم =) بس اذا اغمى عليه وطلعت الجسم الغريب وما وعى المريض .. اكمل الـ cpr عادي لين يعطي اشاره للحياه او يكون في تنفس ونبض صح ؟!

ايوا نعم طبيعي جداً نكمل زي ما اتعلمنا
الله يسلمك =)

[Dr . B E B O]

يعطيكي الصحة الدرس جدن ممتع و مفيد
مررررررااااا حبيته و انبسط بيه
عندي تلاتة اسئلة ^^
- دائماً و من أنا صغيرة اشوف ناس كتير لما يغصوا
يقوموا يضربوهم ع ضهرهم << اش تفسيره دا ولا بس ..
- ازا عملنا المطلوب و كانت الحالة واعية و لا مو واعية
و الشي اللي انحشر طلع بدم اش نعمل ع المستشفى ؟!!
-لما نعمل CPR و خلاص ظهر الشي اللي غاص الآدمي
نحطه ف recovery position ولا نقلبه كدا زي ما
الواحد يستفرغ الله يكرمك ^^ و لا بيدنا نطلعها او نكمل
CPR الين ما يطلع برا و يوعى و لا هوا رح يكح و لا كيف
؟!!

[Dr.Passed]

المشاركة الأصلية كتبت بواسطة Dr . B E B O يعطيكي الصحة الدرس جدن ممتع و مفيد مررررررااااا حبيته و انبسط بيه عندي تلاتة اسئلة ^^ - دائماً و من أنا صغيرة اشوف ناس كتير لما يغصوا يقوموا يضربوهم ع ضهرهم << اش تفسيره دا ولا بس .. - ازا عملنا المطلوب و كانت الحالة واعية و لا مو واعية و الشي اللي انحشر طلع بدم اش نعمل ع المستشفى ؟!! -لما نعمل CPR و خلاص ظهر الشي اللي غاص الآدمي نحطه ف recovery position ولا نقلبه كدا زي ما الواحد يستفرغ الله يكرمك ^^ و لا بيدنا نطلعها او نكمل CPR الين ما يطلع برا و يوعى و لا هوا رح يكح و لا كيف ؟!!

الله يخليكي =)

بالنسبة لأسئلتك
1. الضرب نستعملو مع التشجيع على الكح اسفه انا نسيت اذكر النقطه دي..نساعدو امكن الجسم يطلع اذا مافي فايده بعد كده نبدأ شغلنا

2. هوا الجسم ليه حيطلع بدم اذا طلع بدم ( ولو انو نادر جداً ) ؟ حتطلع بدم عشان الجسم نفسو حاد فجرح من جوا وخرج دم شويه ( وشي عادي مايحتاج مستشفى يكون جرح بسيط )

3.لا مو إحنا قلنا في الحاله دي حيكون غير واعي وحنعملو CPR عادي فاطبيعي حنحطو في ال Recovery position بعد كده

اي اسئله تانيه ؟ خدي راحتك =)

[كياني]

الدرس جدآ جمميـل ، بس والله هالحاالات تفجعع ً ، وتطلب حُسن التصرف
.
امممممم انا مستوعبـهه كل الخطوآت لين ، يبدا الاغماء .
اسوي سي بي ار / طيب اذا استمر الجسم الغريب وماتحرك .!
هل ممكن تسوء الحالة وتصير تتطلب جرآحه عاجله .!

.

[Dr . B E B O]

د. باسسسد
الله يسعدك انتي انساانة
جمييييلة ربنااا يوفقك
وينولك مرااادك و الجنة ياا رب
=)

[Dr.Passed]

كياني : غالبا هيا بتطلع معانا ..عمليه ما أتوقع الا نادر النادر..هيا بتطلع معانا يا على طول يا بعد ال compressions نلاقيها مع ال CPR طلعت في الفم

دكتوره بيبو : الله يسعدك ويخليكي