معلومات عن التصميم

[سوس أم شعر منكوش]

السلام عليكم ورحمة الله وبركاته

الله يعطيكم عااااااااااااااافيه ويوفقكم ويجعل مثواكم الجنة

بليززز معلومات عن التصميم

من ناااحية اختبار القبوووول

من ناحية الدرااااسة الطلبات الخ

ماهو مستقبله من ناحية الوظااائف

والله يسعد الي تقووول لياااا

بليزززززز ردوا لاتطنشوني

[Roa'a]

اهليـــــــ =) ــن
من ناحية اختبار القبول
دا اللنك حيفيدك
http://www.skaau.com/vb/showthread.php?t=52524
من ناحية الدراسه..
بين وبين
تكاليف مررررررررررررررره كتير
لازم اذا بدك تدخلي تكون عندك رغبه تشتغلي بلا كلل أو ملل
لأنو في اليوم الواحد تاخدي حوال 6 رسمات وزياده كمان ...
أما الطلبااات .. أنسي المكافأه وزيدي عليها وانت تضحكي
أما المستقبل التصميم مره له مستقبل
بس الأغلب بيوقف عند حكاية الاختلاط لأنو أغلب الشركات او كلها اختلاط
نااااااااااااادرا ما تلاقي شركه أو شي مو مختلط
^_^
بس اذا انت تحبي الرسم الهندسي وكدا
ان شاء الله حتمشي تمام
انا ما بخوفك بس عشان لا تنصدمي زي ماصرلنا
الله يوفقك يااارب
واذا بدك تشوفي كيف الدراسه وكدا
تعالي الاستديوهات وشوفيها
احنا فاضيين من 12لـ 1
تعالي وشوفي كيف الشغل وخدي فكره
^_"

[سوس أم شعر منكوش]

ربي يسعدك يااااااااااااااااااااااااااااااااااااااااااااااااا اااااااااااارب

تسلمين ع المعلومات ياااقلبي

وان شاءالله حجي الاستديو عن قريب

[rnd]

و عليكم السلام و رحمة الله و بركاته ..

امممممم

معليش رؤى أبغى أسئلك كم سؤال ..

بما انك تخصصتي تصميم .. مافي احد ممكن يفيدني غيرك ..

بس ابغى اعرف ايش هيا الطلبات .. يعني زي ايش مثلاً ..؟

وهل بسهولة تلاقيها وأماكن خاصة خاصه تبيعها .. ولا تدووخي اليين ما تلاقيها ؟

وأسعارها غاليه يعني قد ايش ممكن توصل ...؟

وأنا سمعت انه ممكن يطلبوا منك تروحي لمكان يبنوه او عماره قاعدين يبنوها وتطلبي منهم مخطط هذه العماره (مخطط البناء ) ..

هل هذا صحيح ولا لا ..؟


وآخر شي : نصيحه تنصحيها للبنات اللي حابين يدخلوا تصميم الترم الجاي ، او معلومه مهمه لازم يعرفوها ..؟


معليش كثيرة أسئلتي وأغلبها عن الفلوس بس عشان مو كلنا نقدر ومو كلنا عندنا احد يودينا و يجيبنا وقت ما نبغى زي الأولاد :( .. .. فـ الأفضل نعرف من دحين عشان بعدين ما نتورط .!

دائماً البنات مساكين ..

:(

مشكــورة يا قمــر على مساعدتك ..

الله يجعله بميزان حسناتك ..

[Roa'a]

ويسعدك ربي ^_^ يا سوس تعالي يوم السببت أو الاتنين من 12 لي 1 وأسالي عن رؤى حتلاقيتي في وجهك
Rnd
خدي راحتك خليني أتفلسف شويه
بس ابغى اعرف ايش هيا الطلبات .. يعني زي ايش مثلاً ..؟
شوفي بما إني استديو 1
طلباتنا حاليا.. مساطر مثلثات أقلام تحبير ألوان مراسم
كراسات عدي واغلطي تخلص وحده تشتري غيرها... و زي كدا
وهل بسهولة تلاقيها وأماكن خاصة خاصه تبيعها .. ولا تدووخي اليين ما تلاقيها ؟
بكل بساطه حتسوي صحبه مع مكتبة جرير
كل يومين حتنطي عليهم
وكل شي صراحه متوفر فيهااا ما فيشي يدوِّخو
أسعارها غاليه يعني قد ايش ممكن توصل ...؟
شوفي انا من بداية الترم بخلي الفواتير عشان أسوي احصائيه
قربت أوصل 2000
من بداية دا الترم بس

وأنا سمعت انه ممكن يطلبوا منك تروحي لمكان يبنوه او عماره قاعدين يبنوها وتطلبي منهم مخطط هذه العماره (مخطط البناء ) ..

هل هذا صحيح ولا لا ..؟
لا .. بس يمكن يكون في كدا في مستوى متقدم


وآخر شي : نصيحه تنصحيها للبنات اللي حابين يدخلوا تصميم الترم الجاي ، او معلومه مهمه لازم يعرفوها ..؟
اهم شي تكوني متفررررررغه للتصميم
لأنو شغل مو طبيعي
وجباااااااااااات قد شعر الراس
تكوني تحبي الرسم .. وعندك صبرررر
هوا قسم ممتع ومره حلو ومطلوب واللي تلاقي في نفسها القدره أنصحها بيه

^_"
الله يوفقكم ياااااارب ونشوفكم معانا ...
معليش برد متأخر بس على ما اناااام ساعتين واصحى أحل الواجبات وارسم
وبعدين افضي للنت

[rnd]

يا ساااااتر 2000 ريال بس بنص ترم !!

لى مساطر وكرارييس ..!

هههههه

>>>> دحين تقولي عني بخيييييييييله هذه البنت..!!

بس والله مبلغ كبير ..

آخر سؤال ان شاء الله :

يعني هالاشياء و الأدوات اللي تشتروها مافي منها الا بجرير بس ولا ممكن بمرزا ومكتبة المكتبه وزي كدا ..؟؟


معليش والله تعبتك معاايا .. بس ما تتخيلي قد ايش حابة القسم هذا وأمووووت وأدخله ..

عشان كذا ابغى اعرف عنه كل شي ..

الله يجعل كل معلومه بميزان حسناتك ياارب ..

مشكــوورة مرة ثانيه ..

[Roa'a]

لوووووووووووووول =)
خدي راحتك احنا بنحاول نقتصد
واذا وحده فينا لقيت ماركة ارخص بتقول للكل ^_"
...
اعتقد في بس اذا تبغي مكان تلاقي فيلو كل شي
هوا جرير
يعني في اشياء ما تلاقيها غير بجرير عشان كدا

[rnd]

يسلموووو يا قمــر ..

الله يعطيــك العافيــــه على المعلومــات ..

مشكــورة ..

[Roa'a]

اهلين
الله يسلمك ويعافيكي =)
العفووو ..

[سوس أم شعر منكوش]

يسعدك ربي رؤى ع المعلومات ان شاءالله السبت اكون عندك عندي بريك من 12 الى وحده

ان شاءالله نتقااابل

بس لاتقولي شيء عن نك نيمي خخخخخخخخخ

والله يوووفقك يارب