:: شــــــرح الجـــــداول الدراسيــــــــه للطـــــــلاب المستجديـــــن ::

[~RAN~]

السلام عليكم ورحمة الله وبركاته كيف حالكم ياطلاب وطالبات دفعه 12 ؟؟ اول شئ ابارك لكم القبول في جامعتنا جامعة الملك عبدالعزيز رحمه الله وابغى انصحكم تجدوا وتجتهدوا بالذات في السنه التحضيري علشان تجيبوا نسبه مرتفعه ان شاء الله وتدخلوا اي تخصص تبغوه وربي يوفقكم اليوم راح اشرح لكم مكونات الجدول الدراسي وعلى هذا الشرح راح تمشوا طوال سنوات دراستكم ان شاء الله هذا صورة للجدول اول ماراح ينزل عندكم في الاودس ان شاء الله راح اقسم الجدول خانه خانه ونشرح على ايش تدل كل خانه ~ نبدأ التسجيـــــــل : معناته اليوم الي تسجلت لك هذي الماده في الاودس .. المـــــــاده : خانه الماده مقسمه لثلاث اقسام 1- الرموز ( Bio – STAT – CHEM - ELI ) هذي رموز للمآدهـ وأختصار لهآ ورآح تفيدك في معرفه الشعب الدرآسيه .. لأن البحث يكون عن طريق رموز المآدهـ .. 2- رقم المآده .. مثل ( 110 )* .. يعتبر رقم للمآدهـ .. ولكل مآده لها رقم معين يختلف عن الرقم الأخر في نفس التخصص .. مثلآ .. BIO رمزهآ 110 .. ويعبر الرقم 1 لوجودهآ في المستوى الأول للطلبه المتقدمين .. ولكن عند التخصص في قسم الأحياء .. سوف تظهر أرقآم أخرى مثل ( 202 ) والرقم 2 عادهـ يعبر لوجودهآ في المستوى الثآني في القسم مابعد السنه التحضيريه .. وهكذآآ .. 3- الشعب الدرآسيه :- أيآم الثآنوي كنآ نطلق ثآنيه 1 / وثآنيه 2 ... الخ .. ولكن كطآلبه جآمعيه نستخدم الحروف الإنجليزيه للتعبير عن الشعبه .. فيجب على كل طآلبه معرفه اسم شعبتهآ ..ْ اســـم المـــــاده : مكتوب هنا اسم الماده بالعربي وطبعا لو تلاحظوا قدام مادة اللغه الانجليزيه مكتوب رقم 1 وهذا يدل على انه الطالب بدأ من ليفل 1 لو كان مكتوب 2 يدل على انه من المستوى الثاني وهكذا ... علمًآ ،، لمن تدخلوآ الحين على الأودس ،، رآح تلآقوهـآ ( اللغه الانجليزيه 1 ) بسسبب إنهم ماطلعوآ لسه نتآئج تحديد المستوى ، ولمن تطلع النتايج رآح يتغير رقم اللفل :) ملآآآحظه .. زي مأنتو شآيفين إن تحت مآده الإنقلش( ELI ) فرآآآغ هذآ الفراغ يدل إنها محآضرات انقلش وبدل مايكتبوآ في كل خانه انقلش انقلش انقلش .. اختصروهآآ وخلوهآ فآضيه يعني كآنها تابع او مثل مانعمل نحط شرطتين .. وطبعا كل هذي الفراغات اجباريه تدرسوها يعني مو اختياريه لانه كثير من طلاب السنه الي فاتت كانو يحسبو انهم يختارو الوقت واليوم الي يبغوه ويحضروه فيه وهذا خطأ طبعاً .. الوحــــــدات : - تعني عدد سآعات كل مـآدهـ .. فمثلآ أغلب الموآد الآن في السنه التحضيريه للمسار العلمي سوف تكون 3 مآعدا الانقلش يختلف بإختلآف المستوى .. - وفي المسار الإداري هنآك مآدهـ .. ( الثقافه الإسلاميه ) .. بوحدتين أي بسآعتين .. - فمثلآ لو كآنت المآده من 4 وحدآت " سآعات " ... وجبت فيهآ درجه عآليه .. رآح ترفع من معدلك بالشكل الكبير .. امآ اذا حصلت على درجآت متدنيه سوف تؤثر على معدلك وتدهورهـ .. إن شآء الله وضحت فكرهـ الوحدآآآت .. " السآعات ".. الأيـآم : s.m.w < معنآه سبت واثنين وربوع .. .s.t. < معنآه أحد وثلوث .. وكيف نفرق بيـن السبت والأحد في الرموز .. السبت يكون رمز الـ s في أول شئ .. أمآ يوم الأحد يكون بعدهـ نقطه وبعدهـ حرف الـ s ( النقطه ) هذي معنآها اليوم اللي بعدو مآعندك ذي المآده مثل .. .s.t. < النقطه اللي بالبدآيه يعني يوم السبت ومآعندك فنحط نقطه .. وبعدين الـ s يعني الأحد .. والنقطه الثآنيه يعني الاثنين ومآعندك فيحطوآ نقطه ... وهكذآآ الوقـــــت : يعني على وقت بداية المحاضره ووقت انتهائها والعاده يكون بين كل محاضره والثانيه فراغ 10 دقايق ومن الساعه 12 الى 1 فراغ لجميع طلاب الجامعه . المبنــــى : عباره عن المباني الي راح تاخذوا فيها محاضراتكم فمثلا : مبنى 7 :هذا مبنى العلوم تقريبا كل طالبات كلية العلوم يدرسوا هنا هم والمسار العلمي . مبنى 32 : مبنى صغير مكون من دور واحد موجود جنب مبنى 7 . الغــــــرفه : كيف تفهموا حكايه الغرف ؟؟ الحين اول غرفه عندنا 094A معناتها الغرفه رقم 94 في الدور الاول بحيث انه A يدل على الدور الاول B الدور الثاني C الدور الثالث وهكذا ... الغرفه L05C هذي غرفة الحاسب L= يعني لاب 05= الغرفه الخامسه C= الدور الثالث زي ماقلنا يعني تصير لاب 5 في الدور الثالث . الغرفه 3205 في بعض الغرف تكون مسبوقه برقم المبنى زي محنا شايفين 32 يعني رقم المبنى 5 رقم الغرفه داخل منبى 32 وهكذا .. المشاركة الأصلية كتبت بواسطة ريال سعودي مشكورة د.رآن موضوع منظم ومرتب .. يعطيكِ العافية بس حبيت اوضح شيء للطلاب : المباني الدراسة للطلاب هي 91 ، 31 ، 26 ، 11 ، 12 مبنى 31 و 91 لهم قسمين a و b طبعا في مباني جديدة حيفتحوها السنة هذي ما اعرف ارقامها اما الغرف حسب مكانها في المبنى مثلا غرفة 102 .. يعني الدور الأرضي قاعة 2 210 .. الدور الأول قاعة 10 وهكذا مو زي البنات : الغرف عندهم بهذي الطريقة A يدل على الدور الاول B الدور الثاني C الدور الثالث وهكذا ... ملاحظه : اول ماراح ينزل لكم الجدول راح تلاحظوا عند المبنى ورقم الغرفه مكتوب TBA فلا تخافوا لانه معناها انها لسه ماتحددت وقبل الدراسه بكم يوم راح تلاقوا تعدلت وصار مكتوب المباني والغرف . وبكذا انتهينا وفهمنا الجدول وانا مستعده اجاوب على اي سؤال في الجدول واي سؤال خارج موضوع الجداول ماراح ارد عليه .. وسلآمتكم .. وإن اخطأت فهو مني .. وإن اصبت فمن الله .. وأتمنى لكم حيـآه جآمعية حآفله بالجد والإجتهآد .. ويارب حمآآس المزآكرهـ يكون موجود دآيم فيكم ..

[يلدرم]

شكرا على الموضوع المرتب والمنظم

[ǁ غــلأآإ ، رٍوٍحــي ǁ]

موضضضوع بطل ..

أبدعتي يآقلبوو ،، وششرح لآيعلى عليه
إن شاء الله يفيد جميع المسستجدين ،،

[ƨɱƨɱ]

ماشاء الله

موضوع رائع ~

اليوم نزل الجدول وتنحت فيه =)

الله يعطيك العافية ~ْ

[SoOoma~]

الله يعطيكي العاافيه

[بترولي مآكل هوآ]

السلام عليكم ورحمة الله ..

أول شي هنيئا ً للي أنقبلوا .. وحظ أفضل في مكان آخر للي ما أنقبلوا ( إن شاء الله خيرة ) ..

أنا طالب جاي من " جامعة الملك فهد للبترول والمعادن " ..
وبصراحة استغربت أني شفت اليوم عالم كثير جايين من البترول ههههههه شي يضحك والله ..

بالنسبة للبليسمنت تست .. متى تطلع نتايجه ؟؟
+
انا شيكت على جدولي وطلعت لي خطة ( ب ) :
بس الجدول ملخبط وحوسة وحالته صعبة جداً .. هل في مكان ثآني اشوف الجدول فيه بشكل أسهل وأوضح من الاودس هذا !؟؟

امممم وش بآقي !!!
.. إن شآء الله ماباقي الا كل خير .. عمُوماً إذا تذكرت شي بجي وأقولكم ..

يلا يعطيكم العافية مقدما ً ..

/

وضإح

[جنون أطفال]

مشكووورة ويديكي العافيه ,,

أنا اليوم طلع جدولي وطللعت عيوني من مكانها وأنا أحاول أفهم ,,

[بترولي مآكل هوآ]

مآشاءالله

يعطيك العافية يا ’ دكتورة ‘

شرح مميز وحلووً .. مآقصرتي

[Ma3QoLa!]

الف الف شكككككر لك يا دكتوره

ماقصرتي خيتو،، جزاك الله خير ^^

[m!ss sam]

طيب احنا انقبلنا باقى بنروح لهم
سوالى هو
متى بشوف حبيب القلب اللى تتكلمين عنه
الجدول