تعالو شوفي اش قصتنا اليوم ف الجامعه ضروري الدخوووول

[بنت ملوك وكلي كيوت]

السلام عليكم ياشباب وياصبايا ..........................


اليوم رحنا للجامعه انا والبنات بنحظر الساعات المكتبيه للاتصال وباقي المواد

كلمنا الدكتوره طبعا ادتنا طناش ماردت علينا واحنا من الساعه 8 متواجدين هناك والله

ماجلسنا ولافطرنا غير الساعه 11 ونصف نتصل عليها ماترد احنا اشرت معانا الدكتوره

ف الساعات المكتبيه فصلين باقي فصلين تانيين ونصف ونخلص المهم جالسين نسال وين التعليم عن

بعد لفينا يمكن جميع الغرف كل وحده تقول من هنا ...................؟

وحده من البنات اتفقت معاها دكتوره الاحصاء انها تاشر وتشرح فرحنا بس يافرحه ماتمت

رحنا ندور ع مكتبها بالقوه لقيناه سالناهم وين الدكتوره الفلانيه قالو ماندري طيب متى ساعاتها

المكتبيه قالو مانعرف ولاعندنا رقم جوالها يعني الاخت مجهوله هع

خرجنا جالسين اتصالات ع الدكتورات لاحياه لمن تنادي والبنات يدقو علينا يبغو يتطمنو

بالقوه ردت علينا الاتصال اللي اشرنا معاها وقالت تعالو الساعه 12 الظهر قلنا اوك

ندور عليها ونتصل ماترد بدري لمن وصلنا القاعه قالت كلمتين وقالت خلصنا تعالو بعدين اكمل

الباقي وقالت لبنات الانتظام يساعدونا طبعا ولاوحده ادتنا وجهه ننادي عليهم

ساحبين علينا سيفون خخخخ كلمنا الدكتوره قالت تعالو عندي الاثنين والثلاثاء ف مكتبي وانا

اديكم كل شئ للان حلوو اوك رحنا لدكتوره الاحصاء كلمناها جالسه تستهزئ علينا

تقول انا مااشرح وانتو مقرر عليكم ع السنترا قلنالها ع معانات السنترا قالت انا مااقدر اخالف

النظام وكل وحده تروح للدكتوره تبعها انا ماادي شئ من هنا وهنا ساعدينا اشرحيلنا

قالت انا لاتناقشو معايا جيبو ورقه من العميد انه يسمح لي اشرحلكم انا حاظره افتح قاعه واشرح

غير كذا انا ماعندي رحنا لدكتوره برضو احصاء ذلينا نفسنا عندها وجالسين نشكيلها ع الحاله

جالسه تضحك وتكذبنا تقول مو معقوله اللي يصير معاكم ف البرنامج بالقوه وبعد محاولات

ادتنا المحذوف من القاعدات وادتنا ورقه القوانين اللي ف الاختبار صورناها وقلنا بنكلم

الانجليزي قالت تعالو بكره الله يعين اش بتعمل التانيه فينا والله ماتدرو قد ايه اليوم تعذبنا

جلوس ماجلسسنا من الصباح نمشي من مبنى لمبنى الفطور خليناها غذى اكلنا الساعه 11 ونصف

ورجعنا نلف ف المباني نكمل والله ماخرجت من الجامعه الا الساعه 3 تخيلو من الساعه 8

واحنا نلف من هنا وهنا لين الساعه 3 والسواق طرحني ف الجامعه الصباح وقالي مااقدر

اجيكي الظهر دبري نفسك انا خلاص سار معايا تبلد بالقوه بابا صحى من النوم وجاني انا وصحبتي شئ من جد قرف ويقهر بكره كمان نرجع للبهذله والذل من جديد

الشمس خلاص سيحتني رجولي ماعاد تشيلني كل هذا علشان نبغى مساعده ف الاخير يقولو

مالنا صلاح وربي حرام اللي يسووه فينا ............................ جاتني ضربه شمس اللحين درجه حرارتي مرتفعه

لابسه نظارات شمسيه ولاكاني للابسه الشمس ف عيني ونزل دم من انفي من الشمس قطع كمان

اه اه ياربي من غير البوابات اكثرها مقفله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ع فكره رحت للتعليم عن بعد اقولهم ان البرنامج مو راضي يفتح مع الكل قالت ف صيانه

ان شاء الله مايجي الساعه 12 الظهر الا يفتح معاكم قلت شكرا بعد شوي اتصلت عليه

وحده من البنات تقولي المسجله كلها راحت رجعنا مره تانيه وقلتلها قالت معقوله يعني يكذبونا

قالت لاتخافو ان شاء الله حقكم مايضيع هو بس خرب علشان المطر والمحاظرات اللي فاتتكم

راح يعوضوكم لاتاكلو هم من يوم مابداؤ النظام واحنا ف هم وغم


هذا قصتنا انا والبنات والعذاب اللي دقناه اش رايكم جيت البيت مانمت باحظر المحاظرات

مانمت غير 4 ساعات متى انام ماادري راسي بينفجر بس متحمله حتى اكل مااكلت مثل الناس

رجعت نص فطوري معايا ومالي نفس باي شئ والله حرام مابقي ع الاختبارات غير 15 يوم

تقريبا قبل شوي كلمتني وحده قالت بتتصل ع العميده وتقلها اللي سار ونشوف ردها شوي

الله يعين بس والله ماسار هذا تعليم استغفر الله ............................


اش رايكم ياشباب وصبايا بالي سار اليوم ركزو ف كل كلمه قلتلها وربي حرام

تحياتي لكم .........

[moni cool]

ســلآم

الله يعيننـآ يارب انا بصراحه اشك ازا كنت انتساب ولا تعليم عن بعد وربي حرام فيهم يسو كدا
وربي ما سوو طيب فينــا

الله يعين بس

حبيت أسال ايش الساعات المكتبيه دي ؟!

والاشيــاء المحذوفه ياريت تفيدينـا بيها ....

و

الله يعطيكي العــافيه

[بنت ملوك وكلي كيوت]

هلا وعليكم السلام حبيبتي هذه الساعات المكتبيه يعني تجي ف مكتب الدكتوره

وتديكي اللي تبيه شرح او تاشير انتي لازم تتكلمي معاها وتتفقي

علشان تقلك متى ماعندها محاظره وتكون فاضيه

اذا تبي اي شئ حياتي راسليني وانا اديك كل شئ

بمناسبه المحذوف والله الكتاب مو عندي مع وحده من صحباتي تاشر منه

بس تجيبه انزل المحذوف ولايهمك غلاتي


يسلمووو ع مرورك العسل ............

[رونق التوليب]

حسبي الله ونعم الوكيل خلوها على الله وبس مالنا غيره والله يوفق الجميع يارب ويعدي خالاختبارات على خير يارب

[moni cool]

اووكي بنوته ما تقصري وانا رح استنـاكي

ومره تـانيه شكراً

[تــرفــ]

حسبــــي الله عليـــهمـ
ماصااار تعليـــــمـ ..
الله ينتقـــمـ منـــهمـ ..
والله شيء يـــقهــر

وعــاد انتــي لاتهمـــلي نفســـكـ غلآآآي ..
ربــــكـ يحلهااااا ان شاءالله ..

[فيفاااا]

حسبي الله ونعم الوكيل عليهم

جزكم لله خير

أنا بالمدينة لو بجدة كان رحت معااكم وطلعت الشيب فيهم

ثاني يالغولي ممكن تكتبون شو اعطكم الدكاتره

الورقة شو هي ممكن تنزلينه هنا

والله يوفقنااااااااااااا

[الحالمه بمستقبل جميل]

الله يعينك عارفين مرمطة عزوز
انا كمان طيروا كل اختباراتي وواجباتي ومشاركاتي في مادة الاحصاء وماني عارفه مصيري
حتى الدكتوره قاعده تنزل الاختبارات وانا من يوم السيل ما خذت محاضرات
بس ادخل اختبر اذكر من الايمس واختبر
ابغى اشوف النهايه بس
هم يقولون اختبري من ثاني
اما اختبر ثاني
ماره لا ثم لا ثم لا
رحت اربع اختبارات فل مارك يبوني اغامر واعيدها لا

[11MAX11]

الله يعينكم بس ماأقول الا حسبي الله ونعم الوكيل فيهم شي يقهر من جد
انتي شدي حيلك بالمذاكره وخلي الباقي على ربك الله يوفق الجميع

[بنت ملوك وكلي كيوت]

الله يسلمكم من جد حسبي الله عليهم ...........................

moni coolولا يهمك غلاتي راح انزله باذن الله والورقه والله اشوف اصوره

بالجوال او كاميرا ديجتال وان شاء الله يبان معاكم

والله يوفق الجميع يارب