طلب : نماذج لاختبار مناهج بحث

[sosooo2]

السلام عليكم جميعا


كيف احال؟
ان شاء الله بخير

يابنات احنا تدرسنا منى حمودة والله حايسين ما ندري اش تقول بس قعدين شغالين تصوير ملازم


ياليت للدرسا معها العام ينزلوا لنا اسئلتها حق العام واش جاهم عشان يكون عندنا خلفية كيف طريقة الاختبار الشهري والنهائي



بلييييييييييييييييييييييييييييييييييييز لا تبخلو علينا ولكم دعوة بظهر الغيب

[عزة نفسي_تكفيني]

وعليكم السلام ورحمة الله وبركاته


ان شاءالله البناات يفيدووناااا بالأسئله

اناا بعد أدرس مناهج بحث هالترم وابي استفيد من النماااذج

والله يوفقنا جميعا

[nOOoOOsa]

وانا بعد تدرسني اللهام الدجاني
ومو فاهمه منها شي حتى سالفه
الكروت والضروف المكتبه ماقدرت افهمها
وكمان نذاكر من نفس الموقع حقها يعني
باختصار تهت بوسط الزفه....

[فتاة الجبال]

احمدوا ربكم

اش نسوي احنا اللي تدرسنا فتحية الغريبي ..

خليها على الله بس

[nOOoOOsa]

ياروحي عندنا وعندك خير
بس بليز ممكن تجاوبيني اذا تقدري تساعديني فموضوع البطايق
وبسالك اذا اختبرتوا اولا
ومن فين ذاكرتي
سوري طولت عليكي بس والله حايسه ومحتاجه مسااعده

[جداوية شقية]

بنات لا تستصعبوا المادة ترى اسئلة اختبارها سهلة من نفس الكتاب المقرر
انا درستني هوا العام دكتورة أميرة كفت ووفت مشاءالله عليها
حكايه الظروف دي عشان
ظرف كبير للعنوان
والظروف الوسط
المقدمة
الفصول
للخرايط
المصادر والمراجع
وبطايق صغيرة تجمعوا فيها الكلام من المصادر وكل معلومه تكتبي في نفس البطاقة المؤلف و اسم الكتاب و الصفحة وان وجد جزء للكتاب عشان لما تعيدي كتابة البحث على فروخ الورق تعملي هامش تحت تكتبي فيه الحاجات دي و توضيح لكلمات يعني لو كان بحثك عن معركه من المعارك اللي صارت في عهد الخليفة المنصور بيكون موضوعك منصب على المعركه فلما تكتبي حدث في عهد الخليفة المنصور مع الجبهة البيزنطيه ..... والكلام الكثير تجي تحطي رقم واحد عند اسم المنصور ..وتنزلي في الهامش تكتبي .. هو عبدالله بن محمد بن على بن عبدالله بن العباس من مواليد الحميمية ..
ياريت وضحتلكم كيف طريقة عمل البحث واش الحكمة من الظروف و كيف تتعاملوا معاها

[جداوية شقية]

وبالنسبه لبنات التاريخ اقدر اساعدكم في يوم من ايام السبت او الأثنين او الأربعاء اكون فاضيه من 8-11
في حكاية الظروف يعني بس اوريكم كيف تتاعملوا مع الظروف و كيف ترتبوا المواضيع وكيف تقسموا القصول
وممكن اساعدكم في اختيار موضوع سهل تقدروا تعملوا عليه بحث ...
واللي حابه تقدر تراسلني على الخاص عشان احدد لها الوقت اللي ممكن تلاقيني فيه بالمكتبه

[nOOoOOsa]

مساء الخيرات والروووعه
انا مررررره مبسوطه من اختبار مناهج البحث
كان موضوعي ومن جد اتعب اقولكم على سهولته
يسعدك ربي ياستاذه اللهام
تعيشي وتكتبي اسئله سهله..

[sosooo2]

لا انا ابغى بنات الانجليش

لاننا نأخذ المنهج بالنجليش

معليش بنات اانجليش ردو