خطه لإنعاش قسم الهندسة النووية ضحاياها طموحات طلاب

[حلم انسان]

بسم الله الرحمن الرحيم


اخواني المنتسبين لكلية الهندسة .. السلام عليكم ورحمة الله وبركاته ..



تفاجئت اليوم بتخصصي .. الهندسه النوويه ..!!


ما استوعبت اللي صار .. لان هذا القسم بالذات انا حطيته الرغبه 14 ..

معقول كل الاقسام معدلي مايسمح ان اكون متخصص فيها ؟؟؟

اتصلت على اصدقائي واغلبهم قالوا هندسه نوويه ..

دخلت المنتدى لقيت اخوان يشتكون من نفس الشي


انا الان ابغى اعرف على اي اساس تم الاختيار ؟ هل هو بحسب افضلية المعدل ؟؟


طيب واذا هذا الكلام صحيح وش تفسير ان طالب قريت قبل شوي كاتب معدله 3,20 ومخصصينه مدنيه !! انا معدلي اعلى ليش حذفوني بهالقسم ..؟ مع العلم اني حاط المدنيه الرغبه 7 تقريبا ..


وليش انا واللي معدله 2 ونص حاطيننا بنفس التخصص ؟؟؟؟؟؟؟؟؟؟؟؟؟؟؟؟
من اللي عنده الاجابه ؟؟؟

والادهى والامر انهم منزلين لي مواد مادري وش تبغى وكلها من التخصص .. ومن ضمنها ماده .. حسب الخطه >> تكون في المستوى 10 .. اسمها موضوعات خاصه في الهندسه النوويه (2)

مع العلم ان باقي لي مواد عامه مثل ie و math204 و ce وغيرها

انا هذا القسم ما ابغاه ابدا ... وبصراحه تحطمت بشكل كبير .. لاني ماكنت متصور نفسي في غير الميكانيكا ., وكنت حاط الانتاج والحراريه والطيران في البدايه .. لو افترضنا ان الانتاج عليه اقبال كبير .. معقول معدلي ما يأهلني حتى للحراريه او الطيران ...؟؟؟وانا شفت احد الاخوان يقول انه يقبلون 2.90



اعرف ان في تحويل لكن اخاف حتى في التحويل يصير نفس الشي ,,

و ابغى اعرف هل بامكاني حذف هذه المواد اللي نزلتلي الحين ؟؟ وهل بينزلون في النظام الحذف والاضافه هذا الترم والا لا ..


لاني خايف اروحلهم بداية الترم ويسوون فيني نفس الترم الماضي .. اغلب المواد العامه مقفله ..

فكرت اقدم شكوى لعميد الكليه او الوكيل او حتى لمدير الجامعه ابين له هذا الشي بس مادري متردد ..




وقسم بالله شي يقهر .. واعرف ان ماحد حاس بهذا الشي لان ماهو صاير فيه


لا ويبغون الطالب يحب الجامعه ويبذل مجهود ..


حسبنا الله ونعم الوكيل بس


اتمنى ان اللي عنده اجابه لتساؤلاتي او يقدر يفيدني بشي او يقول رايه



اعتذر منكم اخواني على الاطاله لكن وربي من القهر وماعرفت لمن اقول ..


بانتظار مشاركاتكم ..

[ابداع]

اول شي الله يعينك اخوي ..وللمعلوميه كثير من الطلاب يتخصصون من تحت الطاوله

اما بالنسبه لمعدلك فهو مايأهلك انك تدخل ميكانيكا .. الا اذا رفعته الترم الجاي ..

انا اعرف واحد الترم اللي راح معدله 3.14 اوحطوه آخر رغبه ( نوويه )

شد حيلك وحاول تنزل مواد عامه او مواد مشتركه مع التخصص اللي تبغآه ..

وحاول تختار المواد السهله اللي ترفع المعدل وحول مع نهاية الترم ..

وبالتوفيق ..

[الخيال@]

افضل انك تراجعيهم من ناحية التخصص .

[حلم انسان]

هلا اخوي ابداع ..

انا قلت مالي الا انزل مواد عامه واطلب تحويل بس هل بينزلون حذف واضافه والا لا ..؟؟ واذا بينزلونها .. متى ..؟؟

واخاف اروح للشؤن التعليميه بداية الترم وتكون المواد فل !!

[حلم انسان]

الخيال

انا فكرت اراجعهم بس تعرف انت الشؤن التعليميه كيف يتعاملون ..

يقفلون الباب .. ورح خذ رقم واذا جا رقمك هذا اذا لحقت اصلا .. يصرفك الموظف

[ابداع]

المشاركة الأصلية كتبت بواسطة حلم انسان هلا اخوي ابداع .. انا قلت مالي الا انزل مواد عامه واطلب تحويل بس هل بينزلون حذف واضافه والا لا ..؟؟ واذا بينزلونها .. متى ..؟؟ واخاف اروح للشؤن التعليميه بداية الترم وتكون المواد فل !!

اكيد بينزل حذف واضافه يمكن اليوم او بالكثير بكره ..

اهم شي تكون متواجد من بدري عشان لا تقفل عليك الشعب ..

وبالتوفيق ..

[حلمي بروفيسور]

نفس المعاناه حدثت لي وصرت اكره الجامعة بس بعد التحويل صرت اموووت في شي اسمه جامعة

اخي الكريم مالك غير الصبر والاحتساب وشدحيلك على قدر ماتقدر عشان ترفع معدلك وحول الى القسم اللي تبغاه واذا مافي نصيب كمل ترم وحول مرة ثانية

[الكريم ابن الكرام]

ترى ما يضيع حق وراه مطالب

[عبادي 0]

الله يحقق امنياتكم

شد حيلك وحول وربي بيوفقك اخوي

بالتوفيق