هموم الطالب في الجامعة

[رمروم]

اخواني واخواتي :
من كرم هذه البلاد علينا انها جعلت الجامعة بدون رسوم الا طبعا حقون الانتساب
لكن المحزن في الموضوع انو مافي اهتمام بالطالب الا اللي عنده واسطه . بالله ايش فيها لو عملو لجان طلابية يكون رئيسها طالب يعني يعملو انتخابات لمجلس طلبة الجامعة لكل كلية ويحضر الاجتماعات معاهم ويوصل راي الطالب لهم
مو ظلم انو الدكتور وحده هو يتحكم في درجة الطالب واذا الطالب عنده مشكلة في ماده معينة مايقدر يوصل صوته لأحد . ترى احنا تبع وزارة التعليم العالي يعني مفروض نكون مميزين في التعليم من كل النواحي . ليش ماتعاد خطة المواد الدراسية لكل تخصص ويستفيدو من الطلبة الخريجين بدل الكوادر الاجنبية . انا مااقول انو الاجانب كلهم ماهم تمام لكن والله في بعضهم الله يصلحه وبس يحسب الجامعة حقتهم ورأيه يكون هو المهم وبس
ليش مانطبق قوله تعالى : ( وأمرهم شورى بينهم ) . احنا ايش الفرق بيننا وبين جامعة هنا او هناك كلنا بندرس ومعقول بالله مكتبة الجامعة مايكون فيها مراجع خاصة بمواد معينة والكتب اغلبها قديمة هناك وكمان مو معقولة تكون استعارة الطالب 15 يوم للكتاب لازم يعرفو انو الجامعة فيها اركان ومنها الطلاب وانصح بوجود ناس تهتم بالطلاب في كل كلية يعني يعرف الطالب يكلمهم ويشوف ايش التخصص المناسب له
مو مع الخيل ياشقرا . وبعدين بالنسبة انو بعض الكليات تحدد التخصص بمعدل معين هذي فيها ظلم للطالب. يمكن احد عنده ظروف وماقدر يدخل التخصص الي يبغاه لازم على الاقل يحطو اختبارات عشان يشوفو الاجدر مو واحد يحفظ وبس ويتخرج وهو ماهو فاهم والامثلة كثيرة.
أتمنى من كل قلبي انو أحد مسؤول يعرف شعور الطلاب ويبدا يطبق مو كلام على ورق او تصريح زي واحد صاحبنا انو لاتأخير في المكافات واليوم كملنا 16 على نهاية الشهر ولا حس ولا خبر
الله يوفق الجميع ودعواتكم لنا احنا طلاب التخرج الفصل ده انو ربنا يوفقنا