مافي تجارب للبنات مع البحث والتدريب في المنتدى؟؟

[TeeNa....]

دورت مواضيع لتجارب البنات مع البحث والتدريب مرره مالقيت
نبغى الخريجات يقولولنا مع مين اخدوها وفين ادربوا وكيف كان التدريب والدكتوره ايش طلبت منهم غير التدريب
من جد الماده متعبتني وانا لسا مانزلتها

[memoo2009]

Up
من جد محتاجين معلومات في ذي المادة

[ابتسامة امل]

انا اخذتها مع د. عيشه
تدربت في الرئاسة العامه قسم محاسبه .. بالنسبه للتدريب
كان الحضور مشددين عليه , ويعطونك اعمال بسيطه مرا ومو في التخصص ..

موضوع البحث انتي تبحثين عن طبيعة شغلهم
وتتختارين موضوع عنه .. انا كان موضوعي عن الرواتب وحده ثانيه كان عن المحاسبة الحكوميه ..

بالنسبه للدكتوره عيشه
يعجبها البحث الدسم .. الي فيه معلومات كثيره ..
سواء من عندك او من الكتب .. وكمان تحب البنت الي تراجعها دائما ..
وفي المناقشه خليك واثقه من نفسك حتى لو ماكنتي تعرفين شئ ..
وبس

اذا عندك استفسار تفضلي
وبالتوفيق ان شاء الله ..

[بربر]

انا ابغى اسال طيب عن فاطمه كمال؟؟؟
او صفيه حموده؟؟؟
كيف دولا الاثنين في البحث والتدريب
والبحث يكون بحث بحث كبير ولا مقدمه بحث بس؟؟
ماده تجيب الهم ياناس
وشكرا

[TeeNa....]

ميمو
بنات المحاسبه مايقصروا ان شالله

ابتسامة امل
الله يسعدك ويوفقك رد حلو ومفصل عن تجربتك
مبروك التخرج

بربر
من جد ماده تجيب الهم ربي يعيننا

[العمر لحظه]

بالنسبه ليا اخذت الماده مع صفيه حموده
التدريب كان في رولاكو للتجاره والمقاولات كنت برحلهم يومين في الاسبوع لمده شهر ساعتين بجليس يشرحلنا الاستاذ ناصر خميس عن المبيعات وكيف نعمل سندات القبص والصرف والمشاكل اللي تواجهم وبعدين نروح نطبق على الاجهزه عند استاذه منيره وتهاني ..

البحث كان مطلوب مننا حاجتين . الاول تقرير عن المكان اللي الدربتي فيه وايش عملتي انا تكلمت عن الزكاة في الشركات وطلبت من الاستاذ ناصر يشرحلي بالزبط كيف الشركه بتحسب و بتدفع الزكاة

الشي الثاني مشروع بحث لا يتجاوز عن 10 صفحات تكلمت فيه عن حوكمة الشركات ..

الدرجات كان توزيعها 40 تدريب و 20 تقرير 20 مشروع البحث 10 حضور ومتابعه 10 مناقشه

بالنسبه للمناقشه عند صفيه رهييبه تسالك سؤالين عامه عن موضوعك واذا شافتك واثقه من نفسك واصلن من البدايه انتي متابعتها وتجيها كل اسبوع ممكن حتى ما تناقشك ..

واي سؤال انا حاضره ..

بالتوفيق للجميع

[TeeNa....]

العمر لحظه
ربي يسلمك ويسعدك
شكرا على كتابة تجربتك ومبروك التخرج
ان شالله لو عندنا اسئله نجي هنا نسألكم

بس المناقشه عن ايش تسأل الدكتوره عن مكان التدريب ولا البحث ولا ايش وكل الدكتورات يطلبوا مناقشه ولا بعضهم؟؟

[Miss Honey]

طيب فيه وحدة اخذتها عند هيام ؟ أو مها المرزوقي ؟ كيف هذولي الاثنين الله يسعدكم

[بربر]

العمر لحظة ....
يعني تنصحيني اقعد مع صفيه ما اغيرها خلاص؟
كم اخدتي معاها a ولا a+
يعني صفيه ماتدقق على البحث والتقرير والكلام
ماتحب كلام كثير ماتقلك عدلي عدلي كل مره ؟
ابغى كل شي قالتلك هوا وساويتيه قوليلي بلييييز
لاني انا اخدت معاها متوسطة2 حمدلله انو نجحت بس هع
بس احس صفيه تخليكي براحتك كل ماتقوليلها شي تقلك براحتك ساوي اي شي يلي تبيغه ؟؟ صح هيا كدا ؟؟
يعني ماتوجهك ماتقلك صح غلط شي زي كدا

العمر لحظة بلييز رديلي لا تطنشيني
وشكرا

[العمر لحظه]

المشاركة الأصلية كتبت بواسطة بربر العمر لحظة .... يعني تنصحيني اقعد مع صفيه ما اغيرها خلاص؟ والله انا لو بارجع ادرس الماده بدرسها عندها مره ثانيه احس ماتعبتني ولا عقدتني في الماده وانتي براحتك كم اخدتي معاها a ولا a+ اخذت عندها a وصحبتي اخذت عندها a + يعني صفيه ماتدقق على الحبث والتقرير والكلام ماتحب كلام كثير ماتقلك عدلي عدلي كل مره ؟ اكيد تقول عدلي الاخطاء الاملائيه اذا شافت كلام مو واضح تقولي وضحيه ابغى كل شي قالتلك هوا وساويتيه قوليلي بلييييز والله شوفي هيا ماكانت تقلي تعالي انا كنت انطلها كل شويا يا سؤال يا اوريها ايش عملت كنت كل ما عملت شي وريتها هوا المهم خليتها تحفظني لدرجه تشوفني في اي مبنى تعرفني واسلم عليها مرره ساعدني دا الشي في المناقشه وكمان لما اسالها شي وتقول عادي موش عرفه اقلها ايش رايك انتي واسوي اللي هيا تبغاه لانها تفتكر كل شي مشاء الله عليها يعني انا وبنت عندها كتبنا عن حوكمة الشركات قالت وي انت كمان كاتبه عن الحوكمه قلتلها انتي اخترتيلي الموضوع قالت ايوه صح انا اخترتو .. ذاكرتها قويه مشاء الله لاني انا اخدت معاها متوسطة2 حمدلله انو نجحت بس هع حتى انا يدوب نجحت في متوسطه 2 ^_* بس احس صفيه تخليكي براحتك كل ماتقليلها شي تقلك براحتك ساوي اي شي يلي تبيغه ؟؟ صح هيا كدا ؟؟ صح بس اصري عليها انها تقلك بالضبط ايش تسوي يعني ماتوجهك ماتقلك صح غلط شي زي كدا الا تقول غيري دا هنا في غلط يعني انا اديتها مسوده لتقرير قريتو كولو في اسبوع ورجعت اخذتو منها لقيتها كاتبه ملاحظات بالمرسام بس لازم تنطي كل شوي تقولي خلصتي مراجعه التقرير عشان هيا بطئيه شويه ممكن لو ماسالتي تخليه عندها اسبوعين .. العمر لحظة بلييز رديلي لا تطنشيني لا ابدا ما اطنشك اسلي وخذي راحتك .. وشكرا العفو ياقمر

.......