المذاكرة و الاختبارات

[جامعي تحضيري]

السلام عليكم

صراحة انا ندمت اني ما شديت حيلي في السنة التحضيرية او بالاصح ما كنت عارف من وين اذاكر
والحين باذن الله ناوي اشد حيلي وابغى اعرف كيف اذاكر ﻻنو في التحضيري الدكاترة قالو ﻻ تعتمدو عالملخصات وفي النهاية اللي اعتمد عالملخصات معدله 5
المهم
مبادئ محاسبة
اقتصاد جزئي
عربي
انجليزي متقدم

وهل الاختبارات موحده الاسئلة لكل الشعب زي التحضيري وﻻ على حسب المدرس وهل هي اختيارات زي التحضيري وﻻ برضو على حسب المدرس

ويعطيكم الف عافية

[miss tomato]

العربي والانجلش مارح تتعب فيها ذاكرها وقت الدوري والانجلش اساسا كل اسبوعين كويز بالتالي رح يكون سهل وعشان ماتتعب من الانجلش انصحك تترجم المصطلحات الجديدة بكل محاضرة وتحفظها صراحة جدا استفدت من الحركة دي


وبالنسبة للاقتصاد ( سلايدات + التيست بانك ) اضمن ال a+

المحاسبة ( اشتري الكتاب + التست بانك اطلع على افكاره )

زي مانت شايف دي المادتين اعطيها حقها وذاكرها أول بأول

الاختبارات موحدة طبعا

[نوونيتا]

المحاسبه السلايدات تكفي + تست بانك + اسئله الكتاب الي يدوكم هيه واجب
وان شاء الله فل مارك

[حمودي813]

طيب انا مسجل كمان احصاء اعمال 271 هل هي نفس طريقه احصاء 110 علمي ونفس الصعوبه الاسئله وهل هو تابع ل احصاء 110 لاني الماده ذي نكبت الطلاب وكيف اذاكرها

[نوونيتا]

المشاركة الأصلية كتبت بواسطة حمودي813 طيب انا مسجل كمان احصاء اعمال 271 هل هي نفس طريقه احصاء 110 علمي ونفس الصعوبه الاسئله وهل هو تابع ل احصاء 110 لاني الماده ذي نكبت الطلاب وكيف اذاكرها

الإحصاء عن نفسي ما أخدتها لين دحين
بس اول الشباتر نفس القديم بعدين تبدو في الجزئية الجديده وتستخدمو فيها الحاسب
ناس كتير صعبوها والناس التانيه بتقول سهله وفي ناس جابو فيها الفل مارك !
ف يعتمد على الشخص ومداكرتو في دا الموضوع
ان شاء الله يجي احد أخدها و يفيدك اكتر

[Haneen :)]

طيب بالنسبه للاقتصاد الجزئي هو حيكون حفظ اكثر ولا كيف ؟؟
وكمان انا عندي مبادئ اداره من فين نذاكرو وكيف اسلوب اختباراتو وكذا ؟؟

[خآآلد]

المشاركة الأصلية كتبت بواسطة حمودي813 طيب انا مسجل كمان احصاء اعمال 271 هل هي نفس طريقه احصاء 110 علمي ونفس الصعوبه الاسئله وهل هو تابع ل احصاء 110 لاني الماده ذي نكبت الطلاب وكيف اذاكرها

هوا نفسو بالفكرة .. لكن التطبيق او الحل يكون عن طريق برنامج الاكسل

انا ماودي احطمك لكن الله يعينك مادري كيف عديت فيها انا .. وحاول تدور دكتور كويس

طيب بالنسبه للاقتصاد الجزئي هو حيكون حفظ اكثر ولا كيف ؟؟ وكمان انا عندي مبادئ اداره من فين نذاكرو وكيف اسلوب اختباراتو وكذا ؟؟

الاقتصاد الجزئي انا شبه ناسي .. بس افتكر زي ماكتبت بموضوعك رسوم بيانيه وعرض وطلب

وانا اشوف انه فهم اكثر من الحفظ .. وصدقيني لو فتحتي مخك شوي راح تعشقين الماده هذي والاقتصاد الكلي كمان درجاتي في الاثنين كلها فوق



مباديء الاداره وأي ماده نفسها زي السلوك التنظيمي واداره عمليات واداره استراتيجيه ونظم معلومات اداريه وتجاره الكترونيه والخ

هذي كلها عن نفسي ماشوف انها تحتاج كتاب ... سلايدات وتست بانك وسمع الله لمن حمده


واسلوب الاختبارات بشكل عام في اول ثلاث سمسترات حتكون اختياريه وموحده .. الا مايجي دكتور يحط سؤال بونس او سؤال قصير يكون مقالي في الاخير


وبالتوفيق