دورة المصطلحات الطبية

[ζ ـــږۉف الـتـ’ـمـيـــزْ]

وحده من صاحباتي كلمتهم

قالوا من السبت الجاي تبداء
دوره عن المطلحات الطبيه
لمده اسبوعين
الرسوم 850
4 ساعات يومياً



بس انا كمان ماراح اقدر اجي
كان نفسي اسجل اكيد مفيده

بس عسى خيره

[عاشقة التحدي]

يا حلووووين رسلت من جوال امي
واتصل الأخ جزاه الله خير واستفسرت منو عن التالي:-
الرسوم 850
وقت الدورة من 9 الصباح الى 1الظهر وحتكون مقسمة الساعتين الأولى مصطلحات والساعتين الأخيرة شي صراحة ما فهمت ايش هوا بس أظن انو يقول الاربع مهارات اللي في الإنجلش
وبكرا التسجيل يبدا من 8 الصباح
وللأسف بعد هذا كلو احتمااال كبير ما احضرها=(

[ميلاد أمة]

طيب العلوم الطبية بيستفيدوا منها ان شاء الله ولاخاصة بالطب+لازم اضرب مشوار للجامعة عشان اسجل وارجع !!!

[Dr.ReRo]

^
نفس السؤااال

[بترولي مآكل هوآ]

ما وصلتني رسالة ،،

اذاا احد من طلاب دفعة11 دخل الدورة هذي واستفاد منها ياليت يعطينا تجربته،
عشان لا نضيع اوقاتنا وفي الاخير مانطلع بالفايدة المرجوة ..

[maryam.n]

850 ؟؟ مو كأنو كتير ؟؟
و هل عليها شهادة ؟؟

طيب اذا حتبدأ دا السبت 17 شعبان ..متى ان شاء الله يمديني اسجل ؟؟؟

نومي ملخبط مرة و اليوم ما اقدر ! لسى بستشير اهلي كمان ؟؟

اللي يعرف جواب لاسئلتي لا يبخل و لكم كل الشكر

[محمد عماد]

هذي الدورة تابعة لعمادة خدمة المجتمع مالها اي علاقة بكلية الطب
الدورة تبدأ الاسبوع الجاي .. لمدة اسبوعين .. 4 ساعات يوما
قيمة الدورة 850 ريال
العام الماضي كانت مجانية مدري ليش هذه السنة صارت برسوم !!
بصراحة ما استفدت منها شيء كثير ، والمعلومات الي اخذناها من الدورة ما فادتني في سنة ثانية .. لانو المنهج بيتكلم على اشياء حندرسها في سنة رابع
بالاضافة الى انو موعدها قبل رمضان بيوم واحد مررة غلط !!

احنا حنغطي كل التيرمانولوجي الي حتاخذوها في سنة ثانية في دورتنا Teach Me Medicine فلا تشيلو همها للي ما يقدر يحضرها

[بشائر الفرح =)]

المشاركة الأصلية كتبت بواسطة محمد عماد هذي الدورة تابعة لعمادة خدمة المجتمع مالها اي علاقة بكلية الطب الدورة تبدأ الاسبوع الجاي .. لمدة اسبوعين .. 4 ساعات يوما قيمة الدورة 850 ريال العام الماضي كانت مجانية مدري ليش هذه السنة صارت برسوم !! بصراحة ما استفدت منها شيء كثير ، والمعلومات الي اخذناها من الدورة ما فادتني في سنة ثانية .. لانو المنهج بيتكلم على اشياء حندرسها في سنة رابع بالاضافة الى انو موعدها قبل رمضان بيوم واحد مررة غلط !! احنا حنغطي كل التيرمانولوجي الي حتاخذوها في سنة ثانية في دورتنا teach me medicine فلا تشيلو همها للي ما يقدر يحضرها

^
+1000
قلت كل اللي ف بالي مشرفنا الله يعطيك العافيه :)

[Feras L. Kindi]

الله يريحك دكتور عماد... انا ماكنت حقدر احضرها لانذ بشتغل وكمان 850 كثير صراحة... العشم في دورتكم ان شاءالله.

[elaf m j]

ممكن استفسار يا دكتور محمد هل الدورة مفيده للطلاب الي اترمو في كلية طب ( علوم طبيه أساسيه)
اعذرني تخصص لا اعلم عنه شي و معلومات معدومه والم اسمع احد يتحدث عن هذا القسم وأكنه مكان في المريخ قدر الله وما شاء فعل الحمد لله على كل حال