استفسار عن الدكتور محمد المزمومي في قسم الأنظمة

[`lawyer]

السلام عليكم ورحمة الله وبركاته


أبغى أستفسر عن الدكتور محمد المزمومي

كيف طريقة أسئلته وتعامله

لأنه راح ينزل في الصيف مادتين الي هي :

علم اجرام

قانون جنائي خاص

وانا كنت أفكر أنزل مواد في أيام الأحد والثلاثاء بس

والمادتين هذي وقتها مناسب

المحاضرة الاولى من 7:30 - 10 والثانية من 10 - 1

كنت أفكر أنزل مادة الاثبات بس المشكلة انهم ما نزلوها في الصيف ..

خلاصة الكلام .. هل تنصحوني أنزل المادتين مع بعض ولا أحسن أخلي كل واحدة في ترم

خصوصاً ان مادة علم الاجرام من المواد الاختيارية وانا مانزلت ساعات اختيارية حتى الآن ..

ومادة علم الاجرام كيف مستوى صعوبتها ..

[الصالحي]

محمد المزمومي

قمة في الروعه بكل بساطه ما عندو الكلام الكثير تبع المصارية وقانون مصري وما ادري ايه يحطيك المهم الي يطبق في المحاكم السعودية وواضح جدا ,... ويتعامل مع الطلاب كأخ وأكثر... لا تفوت الفرصة المزمومي ما يتفوت,.,
الأسئلة
صح وخطاء
وفي الصيف عندو اختبارين فقط
بالتوفيق...

[`lawyer]

يعطيك العافية أخوي .. بس ايش رايك انزل المادتين في الصيف ولا أخلي علم الاجرام في الترم الجاي ؟

[العندليب]

عزيزي (لوير) الدكتور محمد المزمومي من خيرة الدكاترة في القسم بل و افضلهم فلا تفوت عليك الفرصة في اخذ المادتين عنده ، لأنه انسان يعطيك خلاصة الكلام الموجود في المنهج و المهم فيه
واذا لم تريد ان تضيف المادة لدى الدكتور محمد المزمومي فأنت سوف تخسر الكثير و الكثير
بالتوفيق لك عزيزي ،،

[أبو عامر]

المشاركة الأصلية كتبت بواسطة `lawyer;902209[color=darkred .. بس ايش رايك انزل المادتين في الصيف ولا أخلي علم الاجرام في الترم الجاي ؟[/color]

لو تقدر تاخذ عنده مواد القسم كلها انصحك تاخدها على طووووول
لو لفيت الجامعة لف والله ما تلاقي في شرحه واخلاقه ابدا

[rosybud]

المشاركة الأصلية كتبت بواسطة أبو عامر لو تقدر تاخذ عنده مواد القسم كلها انصحك تاخدها على طووووول لو لفيت الجامعة لف والله ما تلاقي في شرحه واخلاقه ابدا

فعلاً أخي ابو عامر لو تلف الجامعة ما تلاقي مثله هو الاخ هو المعلم هو الصديق هو هو الاب الروحي لقسم القانون في هذه الجامعة محاضراته لها مذاق آخر غير كل المحاضرات والله على ماقول شهيد فالله يحفظ هذه الانسان ويوفقه لكل خير يارب يارب آمين

[`lawyer]

الله يعطيكم ألف عافية أخواني .. شكلي بانتظر من ذحين الين ما تبدا الحذف والاضافة ^^

[قلبي محروق حرق]

يا رجل ..هل يخفى القمر؟؟
أحد ما يعرف الدكتور محمد المزمومي..؟
أسلوبه في المحاضرة وأسلوبه في الاختبارات والتعامل مع الطلاب ممتااااااااااز
أسئلته صح وخطأ واختيارات..متسواها متوسط ويعتمد عالفهم أولا وثانيا وثالثا..

طبعا أنصحك لو درست معاه إن شاء الله
ركز إيش يقول في المحاضرة أهم شي
ولا تغيب عنده نصيحة لوجه الله إلا لو بعذر

دا اللي عندي
وبالتوفيق

[المرغلاني]

اعقـلها وتوكل