علاج العصب وأسراره ~ Endodontic Treatment

[Dr~NanoOok]

المشاركة الأصلية كتبت بواسطة almr7r7 لأنعدام ثقافة العناية بالأسنان في السعودية فمعدل علاج العصب في السعودية مرتفع لذلك تخصص علاج العصب تخصص بين قوسين تخخص (الدراهم ) ومضمون أعذروني على النظرة البرجماتية(الرأس مالية) للموضوع خخخخخخخخخخ بس ما شاء الله الأخت نانوك ما تركت لنا أي ضافة نقدر نضيفها للموضوع مجهود يذكر فتشكرين عليه تحياتي

فعلا نسبته عالية جدا.. وأغلب الحالات اللي تجينا في العيادات تكون محتاجة علاج عصب

وشكرا لمرورك وردك .. يعطيك العافية


_________________________________________________

المشاركة الأصلية كتبت بواسطة hadeel a شكرا على الاجابه .. الله يوفقك و يسعدك يا رب ..أحس زي ما قلتي أن الشغل في العياده أحلى عشان أحساس حلو أنك تعالجي الناس .

العفو عزيزتي =)
وتسلميلي على الدعوات.. ربي يوفقنا جميعا

فعلا مرررره أحلى.. ممكن ما يكون أسهل.. لكن داخليا بنشعر كده وخاصة لما تشوفي المريض بيدعيلك ^___^



______________________________________________

المشاركة الأصلية كتبت بواسطة amiwa مااااااااااااااااشاءالله تبارك الله موضوع مرررررررررررررررة حلو و الشرح أحلـــــى علاج العصب باين عليه مرررررة دقيق وانا احب الاشياء اللي فيها تفاصيل وكدة.. بس احتمال الواحد يغلط فيه كيف؟ كبيرة؟ :(

عيونك الحلوة يا قلبي ^_^

امممم بالنسبة لتجاربنا في المعمل.. يب غلطنا الين قلنا بس "^^
وأنا شخصيا عملت touch the floor مرتين ! ههههههههه بس عشان الأسنان اللي جبتها حالتها منتهية وتحزن.. ومن جوا كل شي قلب لونه أسود x رمادي

بس ما التمرس صار مره سهل.. واللي كنت آخد فيه ساعة ونص ببداية السنة
صرت أخلصة في 30-45 دقيقة بالكثير ^^

وبالنسبة للأخطاء داخل العيادات.. سمعت كثير عن مرضى ما نجح علاج العصب حقهم
والدكتور ما نضف كل العصب من الداخل وشغله ما كان كويس !

صح زي ما قلتي حنقعد نتدرب على السن لحالو لين ما نقول بس p: بس ....... انا صراحة مرة خايفة اني اغلط في الناس ولّا أقول احسللو الواحد يكون متفائل! ان شاء الله ما نغلط في احد ابدا دكتورة؟ تخصص علاج العصب بادئ يدخل مزاجي.. أبدااااا مو عشان Almr7r7 دوبو جاب سيرة الدراهم

إن شاء الله ما حتغلطوا .. ودايما توكلوا على الله لما تجوا تشتغلوا على المرضى واخلصوا النية

مجال الـ endodontics ما يعتبر أكبر دخل في طب الأسنان

عندك قسم التركيبات الثابتة fixed prosthodontics
بيدخل ذهب ! وعلى قولة واحدة من الدكاترة تقدروا تجمعوا مليون ريال خلال سنة واحدة فقط !
لأن التركيبة الواحدة للسنة تاخد 3 الى 10 آلاف ريال

دراسته صعبة.. دقيييييقة جدا.. وقليل الناس اللي داخلينه
وهو تخصص مرغوب وبشدة الآن

هههههههههههههههه لا من جد حاستو حلو وشفت الفيديوهات مررررررررررة حلوة بس استغربت لمن حطو المسامير في السن اول مرة اعرف انو يحطو مسمار في السن!

مو لازم نعمل هذا الشي بكل الأسنان ..
فقط في الأسنان اللي ماعندها كمية ومساحة من السنّة الأصلية.. فلازم نزيد دعامة داخل الجذر عشان يمسك فيه
هذه الحديدة اسمها post & core

هوة التخصص دا كم سنة؟ وهل فيه نقص ولا عادي زي التخصصات العادية؟ وكمان سؤال دوبو جاه ف بالي دحين احنا نسوي علاج العصب على الاسنان كلها يعني حتي الاسنان اللبنية؟ مو احسن انهم يخلعوها وخلاص؟

من 3 - 4 سنوات تاخدي فيه الماجستير .. بعدين تكملي الدكتوراه

ما يفضلوا عمله على الأسنان اللبنية لأنها عملية مجهدة للطفل .. وبالأخير السن حيطيح وما استفدنا شي
غالبا الأطفال يعلموا علاج عصب للضرس الأول من الأسنان الدائمة
لأنه يطلع في سن مبكر من 6 سنوات.. وفرصة أكبر انه يسوّس ويتبهدل لأن غالبا الأطفال بالعمر دا ما يهتموا كثيرا ينظافة اسنانهم

سوري هرجت كتير >< ومرررررررررررررة شكراااااا , احب يكون عندي background عن الشي اللي حدرسو ان شاءالله^^ يعطييييييييييييييييكي العافية

ولا يهمك.. أحب اتناقش معكم وأسمع أرائكم و أسئلتكم
وفعلا باستمتع بكده ^_^ والدليل اني قاعدة افصفص ردك شوية شوية وارد عليه "^^

واهلا بيك دايما

[Dr~NanoOok]

المشاركة الأصلية كتبت بواسطة hadeel a أحمسك زياده يا أميره .. تخصص علاج العصب مافي في جده غير خمسه أخصاء عصب سعوديين ..أكيد عبال ما نتخرج يكونو ساروأكتر بس برضوه ما راح يعتبرو كتار ..حلو أنك تحطي في بالك تخصص من دحين بس أكيد لمن نبدأ الدراسه و ندرس كل حاجه و نعرف كل التخصصات حنعرف نقرر أكتر .

صحيح.. مرره قليل لكنهم صراحة قمة في العمل ماشالله
و2 أو 3 منهم بيدرسونا بالجامعة عندنا ^_^

وأفضل طريقة لاختيار التخصص بعد دراسته والتعرف عليه مضبوط

وأنا للآن ما حددت ايش أبغى بالضبط.. حاطة فبالي تخصصين.. وبسنة رابع أول مره ادرسهم
لما اتعمق فيهم أكثر إن شاء الله ربي يساعد و اختار بينهم

_________________________________________________

المشاركة الأصلية كتبت بواسطة ?number يالله..........والله جسمي قشعر بس من العنوان.......موضع رائع كعادتك دكتور نانوك.....موفقة

تسلمييلي والله على ردك ^_^
وشكرا على مرورك الحلو

[Kaira]

واااااااااااااااااهـ
والله مرة ما توقعتو قدي كدا ممتع وجميل ودقيييييييييييق مررررررررة
أحس كإني دخلت كهف وقاعدة أحفر وأستكشف دا الكهف
من جد عــــآلم جمييييييييييييييل تخصص الــ endodontic treatment =)
بس يحتاج لكل أنواع المجاهر عشان أشوف كويس لأنو المكان مررررة صغير وضيق ..

بصراحة أنا عشت لحظات علاج العصب وشوفت كلللللل الأأحداث والأكشن والأدوات إلي كان يستخدمها الدكتور بس ما كنت أدري انو يا حراااام قدي كدا تعبتو وبهدلتو معاية
كان دا أيام التحضيري ومن بعد ما عالجني الحمدلله خلاني أفكر وأفتح عيوني لعالم طب الأسنان
وبالتحديد كمان علااااااااااااج العصـــــــــب آهاهاهاهاهاهاها
>> من جد كان زكريات مع ضرسي العجيب إلي عجز كتير من الدكاترة والدكتورات علاجه
وفي الأخير هوة الوحيد إلي مسك حالتي المؤلمة والحمدلله تعافيت


د.نـــآنوكـ
والله معرف كيف أقدملك شكري وامتناني على الموضوع الأكتر أهمية بالنسبة لية
والفيديوهــآت مرررررررة استمتعت وأنا أتفرج عليها ..
لك مني كل الاحترام والتقدير على جهدك الخيــــآلي

[Dr~NanoOok]

د. كايرا

ماشالله .. يعجبوني الدكاترة اللي يحببوا الناس في التخصص بعكس الكثيرين للاسف اللي يعملوا العكس
وباذن الله تصيري احسن endodontist

وتبدعي في المجال إن شاء الله
وفيه اختراعات وتكنيكات كثيرة تسهل العمل
منها النظارات المكبرة والمجاهر .. والكثير
د. خالد بالطو .. أحد رواد تخصص الاندو في الشرق الاوسط والمتخرج من جامعة هارفرد
سمعنا عنه الكثيييير ويمدحوا فيه
وهو بيدرسنا بالكلية ^^

والعفو عزيزتي
فعلا تستاهلوا كل خير.. واحسكم فعلا بتحبوا تعرفواواكثر واكثر عن التخصص
ومافي احب على قلبي من اني اساعد غيري وخاصة في تخصصي اللي احبه واعرفهم عليه

تعرفي
حبيت حماسكم ومحبتكم للتخصص
لانه من جواتي مو قد كده حبيته ومو مره اتحمسلته "^^
لكن باذن الله اذا بدأت اشتغل على مرضى ممكن احس بمتعته واستصيغه اكتر هههههههه

بالتوفيق للجميع

[Dr.rori]

والله موضووع أكثرر من رااااائع ،،،
كم مرة سويت علاج عصب بس ولاعمري فهمت كيف يتسوا
مجهووود تشكري عليه
شي محيرني ،، اول مرة اعرف عن دي المسامير !!!
لازم تنحط في كل علاجات الاعصاب ؟؟؟!
ومرة ثانية مشكوووورة ^^

[Dr~NanoOok]

د. روري

العفو عزيزتي =) كويس انه ليكِ خبرة شوية في الموضوع :p
انا ما قد جربت علاج العصب واول مره اشوفه كان خلال المحاضرة ههههه "^^

يلا يصير المرات الجاية تعرفي كل خطواتها خلاص << لا إن شاء الله ما تعملي علاج عصب مرة تانية

المسامير هذه ما نعملها لكل الاسنان

فقط في الأسنان اللي ماعندها كمية ومساحة من السنّة الأصلية
فلازم نزيد دعامة داخل الجذر عشان يمسك فيه وما يكسر بقية السنة
هذه المسامير اسمها post & core

[Kaira]

أهاااا إيوة صح أفتكر انو الدكتور حقي ما حطلي الحمدلله مسامير فإستغربت لما شوفت انو يحطو مسامير في علاج العصب .. كويس انها مو في كل الحالات والحمدلله اني ما احتجتلها :‏)‏ شكرا د.نانوك عالتوضيح ..

[dr.HmaDa]

مشكورة اخت نانوك على الموضوع الجميل
جزاك الله خيراً
لكن عندي سؤال
لماذا نستخدم الحشوة المؤقتة....؟
هل للتأكد من تمام العلاج للجذر ام لسبب اخر...؟

[Dr~NanoOok]

المشاركة الأصلية كتبت بواسطة dr.HmaDa مشكورة اخت نانوك على الموضوع الجميل جزاك الله خيراً لكن عندي سؤال لماذا نستخدم الحشوة المؤقتة....؟ هل للتأكد من تمام العلاج للجذر ام لسبب اخر...؟

وإياك الأجر باذن الله ..


الحشوة المؤقتة بتستعمل لعدة اسباب

يا ان الأسنان محتاجة ينعملها crown وهذا ياخد وقت عشان ياخدوا القياس لها وصناعتها بالمعمل
وما ينفع نخلي السنّة مكشوفة بدون شي
واذا حطينا حشوة دائمة فيها.. يصير صعب ازالتها بعدين

أو
لأن السنّة تكون تكون مُجهدة وحساسة بعد علاج العصب.. والحشوة المؤقتة ينحط تحتها مادة علاجية تسّرع التئام السّنة
وبعد مرور وقت مناسب .. نشيل الحشوة ونبدلها بواحدة دائمة

ولها أسباب أخرى على حسب الحالات
لكن هذا اللي يحضرني دحين

[حبه سوكـرا..]

ماشاء الله عليك يا دكتورة ماخليتي شي ماعلمتينا هو
جزاك الله خير
و ان شاء الله يكون بالتطبيق سهل و ممتع