نصائح لسنه التحضريه

[Jodah]

السلام عليكم
انا درست تحضيري والحمد لله دخلت صيدلة
طبعا انتو دحين اكيد مشيتوا شوية في الدراسة وعرفتوا طبيعة المواد وطريقة مزاكرتها
اللي ابغى اقوله انه دي السنة هي اللي تحدد اش مستقبلك يكون في اي كلية فخلوا هدفكم دائما انكم تجيبوا اعلى معدل تقدروا عليه عشين تدخلوا التخصص اللي تبغوه

التحضيري ماهي صعبة
ابدا ترا ماهي صعبة
يمكن يكون فيها ضغوط من ناحية انه الواحد يفكر في المعدل والدراسة جديدة بالانجليزي والواحد اعصابه ممكن تكون مشدودة شوية
بس كله ممكن يمشي حاله اذا الواحد قرر انه هو يبغى يتحدى نفسه

كلها ايام تعدي ان شاء الله وحتصير السنة التحضيري ذكريات و اذا كان معدلك حلو ودخلت الكلية اللي تبغاها حتصير التحضيري ذكرى حلوة بالنسبة لك لأنه هي اللي دخلتك الشي اللي تحبه

عشين كدا اضغطوا على نفسكم شوية بس شوية عشين تقدروا توصلوا للشي اللي تبغوه

وكمان في حاجة مررررة مهمة وهي اللي كتبت الكومنت عشينها انه خلو ثقتكم بربنا مرة قوية مهما زاكرت وتعبت دائما ثقتك بربنا هي اللي حتخليك تتوفق وتحل في الاختبار مو المزاكرة ولا اي شي تاني

انا لمن كنت تحضيري بصراحة تعبت وكنت ازاكر بذمة بس في الاختبارات ماكنت احل بالمستوى اللي زاكرت بيه يعني كنت اخبص شوية
بس والله عمري ما زعلت كنت اتضايق شوية اول ما اخرج من الاختبار بس على طول افكر انه دا من ربنا و اكيد هو الخير ليا
ولمن جا وقت التسكين كنت حاطه خياراتي اسنان -بشري -صيدلة
واستخرت مرة كتير الحمد لله
وبسبب انه معدلي ما كان مرة عالي انقبلت صيدلة
بس وقتها حسيت بفرح مع انه الرغبة التالتة سبحان الله حسيت برضا مرة وانه هو الشي اللي حكون فيه

وبعدين عرفت انه لو كان معدلي زايد بوينت واحد بس كنت حنقبل بشري على طول وابدا ما اظن انه حكون مبسوطة فيه زي ما انا دحين في الصيدلة

عشين كدا زااااكروا واعملوا اللي عليكم واذا لالاسمح الله خبصتوا شوية في الاختبار لا تتعبوا نفسيتكم بالعكس خلوه دافع لكم انه تجيبوا درجات احسن في الاختبارات الجاية

خخخخ معليش كترت في الهرج بس يمكن يفيدكم شوية دا الكلام
واذا اي احد عنده اي استفسر لا يتردد ممكن يرسلي على الخاص

والله يوفقكم يارب ويكتب لكم الخير دائما

[pharm.d .s]

اتمنى للجميع التوفيق
ومافي شيء صعب
اتمنى كل شخص يحقق الي يبغاه
تاني شيء
اتوقع السنة التحضرية تعطي الشخص فرصة انو يكتشف قدراتو

[L.H]

اول عيب في السنة التحضيرية أن الطالب أو الطالبه
مايحضر محاضرات بس دورة في الجامعة أو نظام سنترا
المفروض طلاب وطالبات السنة التحضيرية منتظمين وانتساب يكون لهم دوام بأوقات مخصص
لأن المناهج جديدة عليهم . عشان يجيبون معدل حلو ويتعودون على نظام الجامعة

[د/ روميو]

المشاركة الأصلية كتبت بواسطة mooncat و ع فكرا السنة التحضيريه فيه حرب اعصاب .. فـ العلآج .. لا تسمعوا هرج كثير ماله دآعي .. ^^ و الاهم توكلوا ع رب العالمين .. و استخيروا قبل التخصص ^^ ~

المشاركة الأصلية كتبت بواسطة pharm.d .s اتمنى للجميع التوفيق ومافي شيء صعب اتمنى كل شخص يحقق الي يبغاه تاني شيء اتوقع السنة التحضرية تعطي الشخص فرصة انو يكتشف قدراتو

مشكورين على ردودكم ..
مع اني الحين شفت الموضوع لاكن استفدت صراحة ..وقراءة كامل الموضوع ..

وبالنسبة لحرب الاعصاب..والله اقوى حرب اعصاب جربتها..
والنفسية زفت ...
لاكن الله يعين ...وان شاء الله اتحدى نفسي...واجيب اعلى الدرجات ...
واكسر راسي..<<كيف تجي دي..
والله يوفقني .وادخل طب بشري..إن شاء الله ..

دعواتكم ..
اخوكم / روميو

[د/ روميو]

المشاركة الأصلية كتبت بواسطة jodah السلام عليكم انا درست تحضيري والحمد لله دخلت صيدلة طبعا انتو دحين اكيد مشيتوا شوية في الدراسة وعرفتوا طبيعة المواد وطريقة مزاكرتها اللي ابغى اقوله انه دي السنة هي اللي تحدد اش مستقبلك يكون في اي كلية فخلوا هدفكم دائما انكم تجيبوا اعلى معدل تقدروا عليه عشين تدخلوا التخصص اللي تبغوه التحضيري ماهي صعبة ابدا ترا ماهي صعبة يمكن يكون فيها ضغوط من ناحية انه الواحد يفكر في المعدل والدراسة جديدة بالانجليزي والواحد اعصابه ممكن تكون مشدودة شوية بس كله ممكن يمشي حاله اذا الواحد قرر انه هو يبغى يتحدى نفسه كلها ايام تعدي ان شاء الله وحتصير السنة التحضيري ذكريات و اذا كان معدلك حلو ودخلت الكلية اللي تبغاها حتصير التحضيري ذكرى حلوة بالنسبة لك لأنه هي اللي دخلتك الشي اللي تحبه عشين كدا اضغطوا على نفسكم شوية بس شوية عشين تقدروا توصلوا للشي اللي تبغوه وكمان في حاجة مررررة مهمة وهي اللي كتبت الكومنت عشينها انه خلو ثقتكم بربنا مرة قوية مهما زاكرت وتعبت دائما ثقتك بربنا هي اللي حتخليك تتوفق وتحل في الاختبار مو المزاكرة ولا اي شي تاني انا لمن كنت تحضيري بصراحة تعبت وكنت ازاكر بذمة بس في الاختبارات ماكنت احل بالمستوى اللي زاكرت بيه يعني كنت اخبص شوية بس والله عمري ما زعلت كنت اتضايق شوية اول ما اخرج من الاختبار بس على طول افكر انه دا من ربنا و اكيد هو الخير ليا ولمن جا وقت التسكين كنت حاطه خياراتي اسنان -بشري -صيدلة واستخرت مرة كتير الحمد لله وبسبب انه معدلي ما كان مرة عالي انقبلت صيدلة بس وقتها حسيت بفرح مع انه الرغبة التالتة سبحان الله حسيت برضا مرة وانه هو الشي اللي حكون فيه وبعدين عرفت انه لو كان معدلي زايد بوينت واحد بس كنت حنقبل بشري على طول وابدا ما اظن انه حكون مبسوطة فيه زي ما انا دحين في الصيدلة عشين كدا زااااكروا واعملوا اللي عليكم واذا لالاسمح الله خبصتوا شوية في الاختبار لا تتعبوا نفسيتكم بالعكس خلوه دافع لكم انه تجيبوا درجات احسن في الاختبارات الجاية خخخخ معليش كترت في الهرج بس يمكن يفيدكم شوية دا الكلام واذا اي احد عنده اي استفسر لا يتردد ممكن يرسلي على الخاص والله يوفقكم يارب ويكتب لكم الخير دائما

احلى رد صراحة ^-^

واستفدت منه كثير ...

ودخلت جو معك في القصة ...والله يوفقك .ويسعدك ,,,
والله يكتب لي اللي فية الخير ...

[Jodah]

امين يارب الله يوفقنا جميعا
ولاتنسى تستخير قبل لا تختار التخصص

بالتوفيق جميعا يارب

[واقعية]

طيب انا عندي استفسار
انا الحين تحضيري انتساب
والمعروف انو لكل قسم نبيه يبيله معدل معين
انا ابي ادارة اعمال دولية
بس بالفترة الاخيرة حاسة ماداكرت ولاكلمة وخايفة حتى معدل 3 ما اجيبه
بس قالولي كثير الانتساب مو مهم المعدل يعني حتى لو ماجبت 3 ممكن ادخل اللي ابيه
مدري ليه حاسة اني بنضرب من هالكلام بس معلش قولولي

[Jodah]

لا تعتمدي على الكلام اللي ينقال ما تعرفي ممكن فجأة تلاقيه اتغير
وبعدين في حاجة لازم تحطيها في بالك
التخصص لمن يكون له معدل معين مو شرط انه كل اللي يجيبوا دا المعدل ينقبلوا
الافضلية تكون للاعلى
يعني لو وحد مثلا جابت معدل 3.5
و الكلية تقبل اقل شي 3
ممكن الكلية تكتفي وتقفل التسجيل على 3.6 مثلا بسبب انه اللي قدموا على الكلية معدلاتهم اعلى وتم الاكتفاء

ان شاء الله يكون كلامي مفهوم يعني لاتعتمدي على معدل معين
حاولي تشدي حيلك وتجيبي اعلى معدل تقدري عليه
بالتوفيق يارب