مايحصل في كليات وجامعات من البنات المسترجلات

[عطلجية]

بصراحه هذي الظاهرة منتشره كثير مو بس في الجامعة ولا المدارس لا كمان نشوفها في الزواجات (أنا مرة شفت أم العروسه هي وخويتها ولا كانت واثقه من نفسها طوال الليل وكمان كانت مرسمه معاها) والملاهي والمجمعات النسائية بصفه عامه وبحركات اعمق من اللي ذكرتها بكثير
مشكور كريستيانوعلى طرحك للموضوع

[مجبور اوادعها]

كريس بعد قلبي العليل

والله انك تجيب مواضيع منتازة وتظهر التناقضات

ودائما تشاهد طالبات يقبل بعضهن بعض بطريقة مشمئزة خاصة بعد نهاية الإجازة الأسبوعية حيث يكون التقبيل مصحوبا بشهوة حيوانية وفي مكان غير مألوف وعندما يقف بعضهن بجوار بعض تضع احداهن يدها على يد الأخرى او على كتفها وكأنها تهمزها او تدلكها وهناك ممن يتستغلن الزحمة التي تحدث عند البوفية ويقومن بحركات تخدش الحياء

هههههههههههههاي

يا كريس عادي الله يرحم والديكـ، انت انسان مدري وش عندك مع البنات

يعني ما يحبو بعض !!!

بعدين حتى فيه بين الرجال زي كذا

ليه حاصر الموضوع على النسااااء

<<< نفسيات الله لا يبلانا

وبعدين مدري وش عاجبهم اللي تقص شعرها وتبحح صوتها .......في احلى من الانوثه ........الله يشفيهم .........انا مرة شفت بالشلال وحده .....والله احسبها ولد وبعدين كانوا مجموعه عاملين شله ....ولا كمان شله مدخنين...لو تشوفهم كيف يدخنون .....قصدي يشفطونه ....والله مرة خفت منهم ......والله الاولاد اهون .........الله يهديهم ..........مشكوووور

كل جنس له خصائص، والي يطلع من ثوبه يصير شكله بشع

لكن عزاءنا ان البنات الي كذا ماشين على رأي الشاعر:

فتشبهو ان لم تكونو مثلهم ،، ان التشبه بالكرام فلاح



ملاحظة لأصحاب القلوب البيضاء الصافية:

في موضوع التدخين، كان الأغلب يعترض على التفرقة، وليه الموضوع محصور على الفتيات !!

طيب هنا الموضوع محصور على الفتيات، مع انه موجود بين الشباب

ليه ما فيه اعتراض !!

ولا يوم نسوي الشي نبرره بالأولاد - عجيب -

مقيولة منذ أول: حجة البليد ليه الاولاد يسوو كذا واحنا ما نسوي كذا

نفسيااااااااااااات

فتكم بالعافيـــــــة

[evil girl]

مجبورتوادعها

لا تخلط الامور ببعض

دحين العلاقات بين الشباب موجوده ومعروفه من ايام قوم لوط عليه السلام وماهي شي متقبل عند اي تفكير او اي شخص

و الموضوع جاء للاستعجاب من وجود هذا الشيء بين البنات لانتشاره في الآونه الاخيره

بالله تبغى بنت تجي تقول ليش ما يكون فيه علاقات بين البنات لانه فيه علاقات بين الشباب !!!


اما التدخين موضوع تاني يعني هو غلط للكل
بس نقطة الاختلاف انه ليش تتقبله من الولد وما تتقبله من البنت وانتا شبهته بولد شايل عصايه وبنت شايله عصايه يعني كانك تقول التدخين رمزللرجولة والخشونه!! وطبعا دي البداية لكل المدخنين من الشباب ...
يعني الي يتقبل الشاب المدخن ماعنده منطق لرفض الفتاة المدخنه لانه الغلط غلط والاثم واحد لل2 مافي واحد حيحاسب اكثر من التاني ...

[مجبور اوادعها]

انا حاسس اني راح اتلطش يوماً ما

بس يلا كله فداءً للاسلام <<< والله لو ديدات - رحمه الله -

الي ابغى اقوله

ان الواحد يوم يسوي الشي يدور حجه

حتى وان كانت قشة الغريق، فتلقيه يقول ليه حرام عليهم وحلال علينا

حرية شخصية .... الخ !!

حجج اوهى من بيت العنكبوت

عشان يبرر موقفه فقط

هنا الموضوع نفس الشي، ليه ما قلتي لا تحصروه في البنات

العلاقة بين المثيلين موجوده في الجنسين << اروح انا على المصطلحات

ليه الموضوع يخاطب البنات دوناً عن الشباب

يعني بما انك استنكرتِ في موضوع التشفيط لازم تستنكري هنا

بما انك مقتنعه في الحجه << بضم الحاء وليست الحجه التي تبيع الدقه {}

و الموضوع جاء للاستعجاب من وجود هذا الشيء بين البنات لانتشاره في الآونه الاخيره

طيب حتى التدخين للاستعجاب

من متى البنات يدخنوا علني قدام الله وخلقه !!!

الشباب معروفين دشير من زمان

بس نقطة الاختلاف انه ليش تتقبله من الولد وما تتقبله من البنت وانتا شبهته بولد شايل عصايه وبنت شايله عصايه يعني كانك تقول التدخين رمزللرجولة والخشونه

ههههه الحين الي شايل عصايه يصير رجال <<< رايح يدور خشبة

المقصد انه بغض النظر عن الحلال والحرام لأنه مفروغ منها ذي

لا تقارنو نفسكم بالولد في كل شي

فيه اشياء تليق بالشباب وما تليق بالبنات والعكس صحيح

طيب خذي مثلاً:

شاب نازل السوق وشايل شنطة - رجاليه على الطريقة الحريمية - حاط فيه المحفظه والمشط

حرام (لا مو حرام)

بس عيب مو حلوة

هيا لو بنت كتبت موضوع تنتقد تصرفه وانه ما يصير يسوي زي كذا، لانه مو حلوة في حقه

يجي يقول (ليه حلال عليكم وحرام علينا)

مو حجه ذي. كلام فارغ

يا ايفل فيه فرق بين الشاب والبنت، خلقية ونفسية واجتماعية ومخيه ومكنيكيه

يعني لازم تخلو البنت زي الولد في جميع الأمور

بعيد عن شواربكنَّ

الا في مسألة الصرف ودفع الفلوس - هذه الوحيده تقريباً - ما تبغو مساواة لعنبو ابليساتكن - جلد -

بالله تبغى بنت تجي تقول ليش ما يكون فيه علاقات بين البنات لانه فيه علاقات بين الشباب

لو بنت حق الشغلات ذي وجريئهـ << الا قليلة حيا مو جرئة

تجي تقول طيب يا كريس ليه تحصر الموضوع على الفتيات

حتى الشباب عنده جنس المثيلين

يعني خلي الموضوع موجه للجميع، ليه كل شي تلوموا المرأة فيه،

وعلى نظريتكـم كلامهما مزبزززززززززط

ورئصني يا عويس

وفتكم بالعافية



ملاحظة خارج اوم الموضوع:

يا ايفل بما انك في مستشفى الجامعة - على ما اعتقد -

اذا ابغى تقرير طبي عن حالتي << اخس يا الشايب

يعطوني ولا فيها صعوبة ؟؟

[evil girl]

طيب رايك واحترمه


خلاص


بس باقولك شي

من متى البنات يدخنوا علني قدام الله وخلقه !!!

لمن كنت صغيرة كنت اسمع فلانه تدخن واااو ومدري ايش بس دحين مافي زواج الا وفيه كم وحده تدخن

وروح اي كافيييه حتلاقي البنات يعسلوا قدام الله وخلقه وفي ال6 سنوات الاخيرة صرت اشوف واسمع عن التدخين عند البنات وما صار زي زمان بالدس بس طبعا لا يقارنوا ببالشباب بس باقي نشوف وحده تمشي في الشارع ماسكه سيجارة خخخخخخ

اقولك شي مره مسكت بنات في حمام وانت بكرامه في مطعم

قاعدين يدخنوا قلتلهم انتوا سنة كم رديت عليا وحده قالت سنة سادس ابتدائي ! قلتلها وتدخني بدري عليكي قالت من الهم الي في حياتي رحت ادور على امها ابغى افتن بس ما لقيتها

يا ايفل بما انك في مستشفى الجامعة - على ما اعتقد - اذا ابغى تقرير طبي عن حالتي << اخس يا الشايب يعطوني ولا فيها صعوبة ؟؟

التقرير يطلع من الدكتور الي تتعالج عنده هو ادرى بحالتك واذا تبغاه من مستشفى الجامعة اتوقع لازم تكشف عند الدكتور المختص بحالتك ويعطيك التقرير وما تشوف شر ..

[علي العسيري]

انا لا ايد فتح المواضيع ( الشاذه عن قاعدة المجتمع ) بهذا الشكل مع كامل احترامي وتقديري للكاتب ,, وانا من المعجبين والمتابعين لطرحه المتميز ,,

لكن فتح مواضيع مثل هذه عيانا بيانا ومن دون تحديد اهداف مسبقه لفتح الموضوع وتعيين مخرجات يمكن تكون ايجابيه ,, ارى والرئي لحضراتكم الكرام انه لافائده سوى (( جهر بالسوء ))
(( لايحب الله الجهر بالسوء من القول الا من ظلم )) صدق الله العضيم ,,
ثم انني اتحدى واواكد للجميع وخذوها على مسؤوليتي الخاصه ان المجتمع بصفه عامه وبنسبه كاسحه قد تصل الى 98% رجالا كان او نساء شيبا وشبان هو مجتمع محافظ ويرفض رفضا قاطعا وتلقائيا لكل امر شاذ ,,
اسمحو لي اذا كان ردي انفعالي ولاكن تذكرت موقف انه كان يوم من الايام التلفزيون والقناة الاولى وللاسف الشديد تناقش في حلقه حوار امور اخطر من هذا (( من ينتهكون اعراض محارمهم )) الله يكرم الجميع ,, وانا اتصلت فيهم وكنت منفعل من تخصيص حلقه للموضوع وكانه اصبح ظاهره ,,, واقسم لكم بالله انه لما استمعت للحوار كاملا انسدت نفسي عن كل نعمه ,,
انا لا افرض رئيي عليكم ولكن اتمنى احترام الذوق العام ,, ولا انكر وجود هذه الممارسات ولكن يا خوان لكل قاعده شواذ ولكن النسبه ضئيله جدا ولا تذكر ارجوكم لا تصورون الامور وكانها ظاهره من سمات المجتمع يجب التسليم بها ,,
معاذ الله ,,

تحياتي للجميع

[الاول ع الجامعة]

والله بنات مسترجلات شي حلو

بس الطامه ان رجال صايرين مثل الحريم للاسف

قالو بيقلدون امريكا والغرب ههههههههههه يضحكون ع انفسهم المتخلفين

[الورد الاحمر]

والله الحركات دي للاسف مو بس موجودة في الجامعات والكليات الاوصلت للمدراس
والحركات راح تلاقيها في اي مكان موجود في تجمع هايل من البنات
الله لو تشوفوا الشلال في اليوم المخصص للبنات
والله يخلوا الواحد يبطل يروح ولا يروح يوم العائلات احسن لو بعيد عن الشبة
وللاسف صار عادي انك تشوف بوية والقيرفرند تبعها
ولا الي يضحك اكثر انو لو فكر احد يشبك مع الي معاها تقوم القيامة وما تقعد

ما اقول غير يارب يبعد عننا الاشكال دي