مادة إختياريه وماده حرة..... أفيدوني

[بنت من الجامعه]

السلام عليكم
كيفكم كلكم
يا جماعه بس حابه أخد رأيكم بالماده الاختياريه اللي انا حأخدها
فكرت أخد ماده حرة إقناع
وأخد ماده إختياريه مبادئ إدارة أعمال ( إيش رايكم بالماده ؟؟؟
لانو هيا الوحيده اللي لقيت وقتها تمام

والمواد الباقيه هده
مصادر إلتزام هيا شعبه وحده مع دكتور كويس بس مو فاكرة اسمو
قانون إداري اكرام
قانون جنائي عام مع ماجده
وثقافه
مع الماده الحرة والاختياريه
إيش رايكم بالجدول ؟ صراحه احسو ملخبط وسلطه

بس ابغى اعرف شي كماان
حتى المده الاختياريه لازم أنزلها من الجامعه ؟؟ ولا عادي من الاودس ؟؟
يسلمووووووو

[K!nder Bueno]

أصول الفقـه المستوى الثاني من أفضل المواد الإختياريـّة خصوصـا مع الدكتور مازن عبد اللطيف بخـاري

أحيانا تجدين بعض المواد الإختياريـّة أو الحرّة قد أضيفت في odus ولكن هذا لايحدث دائمـا لذلك عليك الذهاب إلى الجامعـة من اليوم الأول لإضافة المواد الحرّة والإختياريـّة

والأفضل هـو تأخير المواد الحرّة والإختياريـة إلى الأترام الأخيرة في الدراسـة الجامعيـة وبالتوفيق لكـ

[نوناآاآ]

بنت الجامعة انتي منزلة كم مادة؟؟!!
ويا بناآات اش راآايكم في سيرة نبوية يقولون حلووة,,
واللي بتااخذها تفضل مع مييين؟؟!!
لااني محتاآارة بين نادية وعائشة,,
وأنا كنت بااخذ اقناع ماناسبني الووقت,,

[أحبني أموت فيني]

مادة إدارة أعمال حلوة خذيها مع صيته مره أخلاق واسألتها حلوة ..

إنت مو تخصص إدارة أعمال يعني مو متعودة على موادنا وعلى بثينة جمجوم هع يعني لاتاخذي مع بثينة جمجوم ..

بس لو تخصصك إدارة أعمال ممكن تاخذي معاها لأن هالدكتورة مره محترمة بس يبغالك تذاكري بتركييييييييز بقوووة

فشوفي زي ماقلتلك صيته اخذت معاها المادة حفظ بفهم معلومات عامة ومفيدة مو كلام صعب الأسئلة اختيارات وصح وخطأ .

طيب ليه ماتاخذي مادة اسمها(إدارة عمليات) ترى تافهه هالمادة والمنهجوربي مو كثير
اخذتها مع استاذه خديجة ضباب .
فهم وحفظ فيها كم مسألة سهلة والبقية حفظ وكمان النهائي اتذكر كان حلو مره
والدوري الاول برضوا كان سهل / بس الثاني كان شوي غبي شوي مو مره
ترى قاعدة احفر مخي أبغى اتذكر لان هذه من زماااااااان أخذتها خخخ

اقناع كثييييير يمدحوها بس والله ماادري ماقد اخذتها .
وقرأت قبل كم يوم وحدة تمدح استاذة تدرس هالمداة اسمها أنمار شي زي كذا شوف الجدول .


المواد الحرة خذي مادة اسمها آسيا مع نوال ششه مره حلوة وتضمني الامتياز
وتذاكري من المحاضرات تكتبي معاها .
وكمان الدوريات محذوفة بالنهائي
بس فيها تواريخ واسئلتها مره تافهه اللي بالاختيارات تلاقيه بالصح والخطأ خخخ

يعني الحل قدامك خخخخخخ


إذا ماقدرتي تاخذي آسيا خذي مادة ثانية مع نوال ششه أظن في مادة اسمها الخليج العربي شي زي كذا

بس انا أخذت آسيا وحلوة ..ومادة الخليج الكل مدحها والله .

وحبيت انبهك الموادة الحرة والاختيارية بصفة عامة بعدي عن اللي تكون:
مررررره حفظ او مررررررره فهم لان إنت تبغي تضمني درجات فيها فهمت علي
فخذي مواد مو دسمة



برضوا في مادة درسها اسمها (حكومة إلكترونية) مع عواطف تخصص إدارة عامة
لايغرك اسم المادة خخخخ ترى ماتخوف بالعكس مادة سهله
وربي تحس كأنو تقرأي جريدة عجزت استوعب إن هذه مادة خخخ
تضمني درجة حلوة يكفي إنك وإنت تقرأي المحاضرات تقرأي بتركييييز عشان ماتتلخبطي بالاختيارات وقت الاختبار وكمان أغلب الاختيارات عندها (جميع ماسبق )هع
وبرضوا المحاضرات تنزلها من النت 5 فصول بس الخامس مايدخل بالنهائي أحسن
الاختبارات كلها اختياري وصح وخطأ وتعطي واجبات بس واجبات كلها من النت تطلعيها ماتحتاج

بس بيني وبينك ممكن تحسي بلحظة وقت المحاضرة إن مالك داعي هههههه شعور كان يراودني طول
ماانا أخذ المادة ههههههههه لأن بصراحة كأنوا اقرأ جريدة وغير كذا
امممم بصراحة احس خرجت من هالماده وانا مااستفدت مره
بس يلا أهم شيء ماشاء الله أخذت درجة حلوة ..


هذا اللي عندي والله ويوفقك يارب .


طيب دوري اسأل خخخخ

ذبحتكم بنفس السؤال بكل مكان

اللي هو عن موادكم قانون تجاري اخذها مع ميييييييييين أمل شلبي او سوزان ؟؟


محتاجة الإجااااااااااااابة لأن على أساسة بيتعمل جدوليييييييييييي

النهائي موحد بس أقصد بالدوريات مين أفضل
لأن أبغى أضمن درجات بالدوري مو ادخل بالنهائي ايد قدام وايد ورى خخخ


والله يوفقنا كلنا إن شاء الله

[ذنبي طيبتي]

شوفي ياقلبو انا عني انصحكي بي سوزان مرررررره رهيبه في الشرح
واختباراتها في الدوريات عباره عن اختياري صح وخطا ومصطلح وسوال مقالي تركز عليه وقت المراجعه يعني مرره سهل وفراغات انا عني حبيت اسلوب سوزان صحباتي يقولو امل احسن رغم ان امل تجيب قضايا وصح وخطا مع التعليل يعني حتى لو صح اشرحي ليه صح احس اسئلتها معقده وانتي حره
بس تكفيييين جاوبييني تعبت اسال ولااحد رد علي ماده القران الكريم اللي احفظ جزيئن كيف اضيفها ومين احسن استاذه تعطيهاوشكررررا

[بنت من الجامعه]

نصييييييييييييحه اختي لا تاخدي قانون تجاري مع عبد الهادي
حيخسف فيكي الارض :s
لا اسأله ولا تصحيح

[بنت من الجامعه]

نوناا أنا منزله 3 مواد تخصص
وماده حرة وماده اختياري
وثقافه
ما قدرت أخد مواد تخصص أكتر مواعيدها مرة مو جايه مع بعض
وحيسير الجدول حالتو صعبه

[ذنبي طيبتي]

طيب قوليلي بنت من الجامعه ايش المواد الاختياريه يمكن يناسبني غير مازن اصول فقه 2
ومع مين اخذها الله يسعدك ردي

[بنت من الجامعه]

انا قلت إما أخد مبادئ إدارة أعمال
أو مبادئ محاسبه
لانو اصول فقه وأحوال وقتها برضو مو مناسبني
والله احس جدولي مررة ملخبط دا الترم مدري ليش خخخخ
وكمان من المواد الاختياريه اللي لقيتها في الخطه حقوق الانسان
عجبتني حسيتها خطيرة بس للأسف انها مع ورده وكمان وقتها مو حلو من الساعه 8 الصبح هع
وهده مواد كمان فكرت اخدها بس ما أعرف ايش رموزها عشان اشوف وقتها ههههههه
ياريت اللي تعرف رموزها تقولنا عشان نشوف
علم الاجتماع السياسي
النظام السياسي السعودي
مبادئ العلوم السياسيه
وياريت أختي ( أحبني أموت فيني ) تقوليلنا حكومه الكترونيه ايش رمزها واسيا وكل المواد اللي قلتي عليها ^^
وتسلمي عيوني على ردك ما قصرتي مرة افدتيني مرررررررررررررررة كتير ^^

[Miss.law]

انصحك لا تاخذي مبادئ ادارة اعمال

،،

غير لو تبغي تخسفي معدلك

!!

.
.

>> بالتوفيق قلبو =)