جدول مناسب لطلاب وطالبات القانون الجدد في القسم

[Ano]

المشاركة الأصلية كتبت بواسطة بحر الحرية يمكن كان فيه نظام قديم الله أعلم.. لكن الآن ما تنزل المادة ومتطلبها إلا إذا كان طالب معدله عالي، وكمان تكون عن طريق نفس القسم ويكون له ظروف مثلا تخليه ينزلها، لكن المستجدين والمستجدات مشكلة لو بدؤا بدي المواد.. وإذا قصدك على الطالبات المستجدات إنه نزلهم جنائي، فأعتقد في خطأ ف النظام نفسه، لأنه في طالبات نزلت لهم مواريث ووصايا، وطالبات نزلت لهم حقوق عينية!! وكلها مواد تخصصية لمستويات متقدمة، ومرة راح يضرهم لو أخدوها الآن بدون أي مقدمات قانونية. ف لازم يتأكدوا من جداولهم وموادهم..

أوف حقوق عينية من أول سمستر!
أجل النظام ملخبط فعلياً!

أنا كان المقصد من كلامي ، إنه مادة قانون دستوري مع د. صباح المصري ، مادة مهمة جداً جداً ، ولما تجي كطالبة مستجدة وتدخلي على كمية معلومات كبيرة ومهمة ما حتقدري تستوعبيها بدون ما تكوني ملمة بمبادئ أساسية!
يعني ممكن ينجحوا فيها ويجيبوا درجات كويسة لكن ما حيستوعبوا كل المعلومات اللي تعطينا إياها الدكتورة مشكورة .

[بحر الحرية]

المشاركة الأصلية كتبت بواسطة ano أوف حقوق عينية من أول سمستر! أجل النظام ملخبط فعلياً! أنا كان المقصد من كلامي ، إنه مادة قانون دستوري مع د. صباح المصري ، مادة مهمة جداً جداً ، ولما تجي كطالبة مستجدة وتدخلي على كمية معلومات كبيرة ومهمة ما حتقدري تستوعبيها بدون ما تكوني ملمة بمبادئ أساسية! يعني ممكن ينجحوا فيها ويجيبوا درجات كويسة لكن ما حيستوعبوا كل المعلومات اللي تعطينا إياها الدكتورة مشكورة .

رأيك حلو، عشان كداا كنت بقول للي يسأل اختاروا بين الأصول أو الدستوري..

وبالنسبة للمواد 100% غلط، لأنوو في طالبات نازلتلهم مواد 400

شكراا خيتوو.. والله يعينكم ويوفقكم ياارب؛؛

[Jarood moon]

مثل جدولي
بس للحين ماضفت أحوال لأن اللي تبع كليتنـا متعارض مع جدولي
واللي تبع كلية الآداب مرا كويس
ولما سألت قالوا لي اني اقدر آخذه بأني اكلم مشرفتي وان شاء الله ينضااف لي
..
بالتوفيييق

[NaDdO]

السلام عليكم
انا رتبت جدولي زي كدا
عربي - ثقافة - مبادىء قانون - تجاري - دستوري
حابة اخذ رايكم كيف جدولي كويس ولا اخذ شي تاني
اتمنى تفيدوني

[Patricia]

نـــدووو ... جدولك كذااا كووويس مافيه شي .. ..


بس لو تضيفي ماااادة وحدة لأني أشوف عدد ساعاتك قليلة ..

خذي أحوال شخصية أو أصول فقه ...

وبالنهاااااية لك حرية الاختياااار ..

[بحر الحرية]

المشاركة الأصلية كتبت بواسطة naddo السلام عليكم انا رتبت جدولي زي كدا عربي - ثقافة - مبادىء قانون - تجاري - دستوري حابة اخذ رايكم كيف جدولي كويس ولا اخذ شي تاني اتمنى تفيدوني

أهلين أختي..
راح أقترح عليكي إنوو الأفضل تخلي جدولك 16 ساعة..
لأنوو ما عندكم صيفي ف الغالب تعوضي الساعات..
فأقترح عليكي تزيدي مادة الأحوال الشخصية، مادة سهلة وحلوة..
وفي اقتراح تاني:
إنك تحذفي الدستوري وتأجليه لين يسير عندك خلفية عن القانون، وتاخدي بدالوو أصول فقه..
ممكن يقولولك خليها وأجليها عند مازن بخاري، لكن ما تضمني هل تنزل المادة الترم الجاي عندوو ولا لا!!
وبعدين المنهج الترم داا صار أقل من الأعوام اللي قبل، والمادة كمان حلوة وسهلة، ومضمونها تقريبا نفس مضمون ثقافة 2 وقريب من مضمون مبادئ القانون، ..

بمعنى أوضح الجدول يكون كدا:
مبادئ، أصول فقه، أحوال، ثقافة2، عربي2، تجاري..

شوفي اللي يريحك وربنا يكتبلك اللي فيه الخير ياارب؛؛

[lujain.alsagh]

طيب نجي عند جدولي

-ثقافه
-عربي
-مبادئ
-تجاري
-احوال
-القواعد والنظريات الفقهية<<ماقدرت انزل غيرها عشان تصير 16 ..
رايـــــكم ..

[بحر الحرية]

المشاركة الأصلية كتبت بواسطة lujain.alsagh طيب نجي عند جدولي -ثقافه -عربي -مبادئ -تجاري -احوال -القواعد والنظريات الفقهية<<ماقدرت انزل غيرها عشان تصير 16 .. رايـــــكم ..

^^
خيتوو لا تنزلي قواعد ونظريات فقهية..
دي مادة تخصصية لمستويات متقدمة..

اختاري بين ما دتين تضيفيها:
إما أصول فقه، وإما قانون دستوري..

أنصحك بالأولى لأنها مادة سهلة ف مجملها، وتشبه ثقافة2 ومبادئ القانون..
ومنهجها السنة دي صار أقل من السنوات اللي قبل، وصار مقسوم بالنص بين أصول(1) و(2)
الدستوري بحسب اللي أشوفه إنك تأجليه لين تصير عندك خلفية قانونية..

يبقى القرار قرارك..
الله يوفقك ياارب؛؛

[هدوء العاطفه]

السلام عليكم

يسلمو على طرح الموضع ممتاز جدا :)


انا جدولي خليته زي ماهم منزلينه

عربي2 - ثقافه 2- مباديء القانون -قانون تجاري - الحقوق العينيه - قانون موارد طبيعيه << احسه يخوف

16 ساعه

شو رايكم حلوو ولا اغير فيه

؟؟؟؟؟؟؟

[بحر الحرية]

المشاركة الأصلية كتبت بواسطة هدوء العاطفه السلام عليكم يسلمو على طرح الموضع ممتاز جدا :) انا جدولي خليته زي ماهم منزلينه عربي2 - ثقافه 2- مباديء القانون -قانون تجاري - الحقوق العينيه - قانون موارد طبيعيه << احسه يخوف 16 ساعه شو رايكم حلوو ولا اغير فيه ؟؟؟؟؟؟؟

أهلين خيتوو

قريتي الموضوع كللللو وما استفدتي منوو شي

ع العموم ارجعي اقري الموضوع مررة تانية، وركزي ف الردود..
الجدول اللي نازلك جاهز داا جدول غلط، وشكلوو خطأ ف النظام..
لأن مادة الحقوق العينية والموارد الطبيعية مواد لمستويات متقدمة، مو لكم كمستجدات..

ف الأفضل تحذفيها المادتين دي..
وتخلي جدولك زي الجدول اللي ف الرد رقم 18 على الأخت لوجين..

ضروري ضروري تعدلي الجدول، لأنوو مادة الحقوق العينية لازم تاخديها بعد ما يكون أخدتي متطلبها وصار عندك خلفية ف القانون، ززيها زي قانون الموارد كمان، لأنوو لو متطلب قبلوو..

موفقة يااارب؛؛